الفكره ومافيها إني عرفت وتأكدت إن الحلا والخدود المورّده والوجه الصحي إللي كله نضاره يبدا من داخلنا ..
كنت أسمع هالصوت من زماااان وعارفه , لكن كنت أتجاهل وأطيح بهالخلطات من برا ..
صحيح النتيجه تكون حلوه ومُرضيه فكثير من الأحيان ..
لكن فيه ياناس ذبول .. الوجه مافيه حياه .. ليش؟
بعدها إقتنعت إن سر الجمال يبدأ من المعده ..
مافي مانع أكيد من إهتمامنا الخارجي وهو ضروري ومهم
بس لاننسى الأهم ..
راح أحط لك مشروبات لو شربتيها ولمستي النتايج بنفسك .. وربي ماراح تخلينها ..
طبعاً أولّها .. الماء .. معروف وأظن مافي أحد يجهل فايدته ..
لاتشربين ماي يومين لوتشربين فيهم عصيرات بس لاتشربين ماي وشوفي بشرتك والله تصفّر وتجعّد وتجف .. شوفي بنفسك ..
ولاتكثرين من العصيرات بحجة تعويض الماي , يعني تشربين مثلاً عصير ولا شاي بدل الماي .. لا لا
كثري من الماي .. وخصوصاً على الريق كوبين ماي دافي ..
وراح أسرد لكم مشروبات خيال بس أشوف وش رايكم أول بقصتي:)
مُفيد للجلد والبشره بذات من ناحية البثور والبقع ومُفيد للأسنان ..
ويحرق السعرات ويذوّب الشحوم اللي بالجسم , غير كذا يحمينا من الأورام السرطانيه الله يكفينا شرّها قولوا آمين ..
طبعاً ممكن تستعملين أكياس الشاي (الليبتون) لكن يُفضل الورق (الفلّه) ..
الزنجبيل :
الزنجبيل هذا خطير خطير بكل معنى بهالكلمه .. ومُفيد جداً جداً جداً
فائدته مهي محصوره لشي مُعين ..
يعني إنتي ممكن تبشرين قطعه من الزنجبيل وتحطين عليها ماي ساخن وملعقة عسل
هالمشروب يهدي الأعصاب ويروّق وينحف ويخفف آلام الدوره ويطهّر المعده
ومُفيد للقولون العصبي والقلب والربو وصفار الجلد ونزلات البرد ..
الحلبه :
قبل لاتحطينها على وجهك .. إشربيها كمشروب ساخن مع عسل أو إكليها (سف)
وشوفي ..
لاتقولون ريحه , إنتي ممكن تقلبينها على النار (تحمسينها شوي) وتروح ريحتها
أو إخلطي معها نعناع أو دارسين ..
وفوائدها .. صحه درجه إولى
تسمن , تورّد الجلد , تنفخ الوجه كأنه بالونه (مُشكلتنا نخاف من شيئين الريحه والوزن)
مُفيده للدم , للصدر , فاتحه للشهيه , مُفيده للمعده وللمرضعات فترة النفاس , مُفيده للجلد وحب الشباب ...
ممكن تخلطين كميه من بذور الحلبه مع الحبه السودا وكميه من العسل وتحفظينها عندك بعلبه وتاكلين ملعقه على الريق يومياً وشوفي البشره كيف تصير .. حتى لو فيك حبوب وآثار حبوب البشره سبحان الله تورّد .. جربوا
** مشروب الصباح **
منقول للأمانه هالمشروب القوي بس - مش حتأدر تصدأ عنيك :)
ربع كيلو لبن
بيضة نية او اتنين
موزه او اتنين
معلقة صغيره ممسوحه خميرة powder
معلقة كبيرة جوز هند
معلقة كبيرة شكولاته (powder)
- مُفيد جداً جداً للي يعانون من النحافه ويعطي طاقه غير شكل .. ممكن الإستغناء عن الخميره .
على طاري النحافه عندي مشروبات مُجربه وخطيره تسمّن بحطها لكم إنشالله بعد
إنتظروني .. :)