ابقولكم سالفة لوحدة راحت محل معروف في كل مكان كان البائع سعودي وكان يعلمها بافضل الانواع وان مو شرط كل ماركة تكون زينة ممكن تكون مجرد اسم على نوعية سيئة
وحكى لها عن واحد من البياعين الثانين جته بنت وامها من احد القرى
البنت بتتزوج وتبي تجهز
اعطاها البائع كريمات وهو يقول هذا للصبح وهذا للظهر وللعصر وللمغرب والعشاء ووو
وطلع حسابها تسعة آلاف ريال
وغاب بعدها اليوم الثاني لانه ضامن نسبة من البيعة 30%
جت البنت ثاني يوم تبيهم يكتبون لها كل كريم حق ايش لقى انه معطيها علبتين من نفس المقشر :frown:
مو حرام؟؟ :angry2:
استغل جهل هالمسكينة الي تبي الزين واعطاها كل الكريمات بس لانه ياخذ نسبة على مبيعاته
يمكن تقولون الغلط منها بس يمكن ماعندها احد ينصحها او يعلمها
ماعندها انترنت تدخل المنتديات وتستفيد من تجارب البنات :(
انتو وش رايكم؟
تصدقون مدحهم للمنتجات وتشترون دائما على كلامهم الي مايخلص وكله مدح تقولون كانهم مجربينه على انفسهم ولا فيه بائعين تثقون فيهم؟
ودي اننا نتعاون ونمسك كل ماركة ونشرح مكتوب عليها وعشان ايش تستخدم بدل ماتروح الفلوس هدر على شي مانستعمله
انا عن نفسي اسمع اولاً واشوف الجديد اللي عنده .. وبعدين امسك المنتجات واقرأ اللي عليها .. واحياناً اذا كان عنده العينات المجانيه اخذ منها واجربها ..
ولكن كلامهم مو دائماً على حق ,, واحياناً يكونون فاهمين شغلهم