إلى الأخوات المصريات.. ممكن طريقة الفتة؟

الى الاخت العزيزة aquaphilia بصى يا ستى طريقة الفتة ( بالخل والثوم ) الى انتى عايزاها...
- قطعى العيش البلدى ( المدور) وحمصيه فى الفرن وحطيه فى طبق واسقيه بالشوربة شوية شوية مع التقليب ( سواء شوربة لحم / دجاج )
- اعمل ارز ابيض عادى ( ازر مصرى طبعا ) وياريت يكون ( مفلفل ) يعنى مش ملدن فى بعضه !!
- بعد كدة ضعى قليل من السمنة على النار + فصين ثوم مفرومين الى ان يحمر الثوم قليلا بس مش قوىى. ثم يرفع من على النار ويوضع له 2 ملعقة خل .
- ثم يوضع خليط الثوم هذا على العيش المسقى بالشوربة ويقلب جيدا.
ثم يوضع فوقهم الارز المفلفل مسبقا ويرش على الوجه القليل من الفلف الاسود وتقدم.

وبألف هنا وشفاااااااااااااااااا يا حلوة..بس ابقى ردى عليه وقوليلى عجبتك ولاااااااااا !!!!!!!!!!!

الى اللقاء

الله يعافيك ياقطه
يعنى العيش تحت والرز هو اللى فوق والا بالعكس

الله يعافيكى حبيبتى ام الحلويين ..
العيش هو الى تحت والارز هو الى فوق...جربيها بس ومش حاتندمى..ان شاء الله بتعجبك مليوووووووون %...
الى اللقاء

القطة مشمشة...

شكراً شكراً شكراً
ألف شكر يا عزيزتي.. من زمان وأنا نفسي أعمل الفتة المصرية.. وأخيراً
بصراحة.. مرررررة طعمة.. تسلم إيدك اللي كتبت لي الوصفة

شوفوا الوصفة تمام التمام بس خلوني اقولكم على زيادة بسيطة وشوفوا العجب بس تحطوا كل اللي قالت عنه الحلوة القطة وبعد الرز جيبوا علبة لبن ودقوا راس ثوم وشوية ملح واخلطوهم وصبوهم فوق الرز وبعدين حمروا الصنوبر بالسمنة ورشوا على الوجه وجيبوا بقدونس وكمان زينوا الوجه وادعولي بس ديروا بالكم على أصابعكم..

وصحتين وعافية