إلى الماهرة في عمل طاجين معكرونة بالباشاميل.. تدخل

شوفي حبيبتي دي طريقتي للباشميل و ان شاء الله مضبوطة

حطي 3 كوب حليب سائل في قدر علي النار و حطي معاه 2 ملعقة كبيرة زبدة و ملح و فلفل أسود قليل

وخليه يغلي علي النار و في الوقت ده أخلطي 6 ملاعق كبيرة دقيق علي 1 كوب آخر حليب سائل و صفيه بمصفي ضيقة حتي لا يكون فيه تكتلات و ضيفيه علي الحليب اللي علي النار بعد تهدئة النار علي الآخر و تقلبي وانتي بتضيفيه كويس ( يعني ضيفي خليط الدقيق باليد اليسري و قلبي باليد اليمني )

و فضلي قلبي لحد ما يتكثف الخليط ثم اطفي النار و سيبيه يبرد شوي و بعدين ضيفي 1 بيضة و قلبي المزيج كويس و استخدميه

دي طريقة حلوة و سهلة للباشميل انا دايما اعملها عمري ما اشتريت باشميل جاهز

اسلقي المكرونة عادي بالماء و القليل من الملح و الزيت و صفيها من ماء السلق

و عصجي لحمة مفرومة بالبصل و السمن و الملح و الفلفل الاسود و البهارات و ممكن تضيفي 3 ملاعق صلصة بتخليها طعمها حلو قوي

ضيفي علي المكرونة 4 ملاعق كبيرة من الباشميل و 4 ملاعق كبيرة لحمة معصجة و قلبيهم كويس

ادهني الصينية بالسمن و افردي فيها 1/2 كمية المكرونة ثم افردي فوقها اللحمة المعصجة ثم حطي ال 1/2 التاني من المكرونة

ثم حطي علي السطح الباشميل و افرديه بكل الصينية و رشي الوجه بالجبنة المبشورة ( أي نوع بارميزان أو رومي أو شيدر أو متزريلا )

و لو مش عندك ادهني الوجة بالبيض علي خفيف و دخليها الفرن حتي تحمر

و لازم تسيبيها تبرد شوية علشان متتفككش و يستحسن تغطيها اول ما تطلعيها من الفرن و تسيبيها تبرد 1/2 ساعة تقريبا

و أي سؤال انا حاضرة حبيبتي

بارك الله فيك وجزاك الله خير .. يا أم عبد المنعم
بس مقاديرك لصلصة الباشميل كم يأخذ كمية من المعكرونة ؟

سبحان الله وبحمدة سبحان الله العظيم
ارفعوا المواضيع بذكر الله

المقدار ده يأخذ 1 كيس مكرونة يعني تقريبا 1/2 كيلو مكرونة ( من 400 الي 500 جم)

و اللحمة المفرومة 1/2 كيلو أو أقل شوية

عندى طريقه باشامل سهله وكمان خفيفه
بسم الله نبدا
8ملاعق حليب بودره 6ملاعق دقيق ربع كوب زيت ذره
مكعب مرقه دجاج ملح وفلفل و3اكواب مرقه
الطريقه تخلط المكونات كلها فى الخلاط ثم توضع فى حله على النار
ويقلب جيدالحد مايصل القوام للحد اللى تريديه ولو احتاج ماء زودى شويه
وبعد كده حطيه على المكرونه ان شاء الله تتظبط معاك واى استفسارانا فى الخدمه