إلى بنات الإمارات خاصة(بنات دبي) بغيتكم حبيباتي شوي :)

السلام عليكم

انا بقولج عن سوق الذهب اللي في دبي طبعا اي سايق تاكسي ممكن يوصلج وبعدين نزلي وافتري على ريلج بيفتر راسج من التشكيلات الحلوة.... في بعد في الشارقة السوق المركزي فيه مجموعة محلات مجوهرات وفي مركز للذهب في الشارجة بس اذا تبين تروحين مكان يجمع اكبر عدد واحلى تشكيلات روحي دبي, ثانيا بالنسبة للخام اذا تبين اقمشة سهرات ومناسبات روحي مركز البستان فيه مجموعة من المحلات الراقية للاقمشة واذا تبين ستايل هندي روحي سوق اسمه مينا بازار في بر دبي اما اذا تبين قطع خام عادية تصلح لكل الاوقات ولمختلف الموديلات عندج العمارة الموجودة بجانب سوق نايف وبعد عندج سوق السور الموجود في الشارجة المحلات اللي فيه ممكن تلاقين فيها شغلات مرتبة وانت وذوقج وعلى شنو تدورين بالضبط اللي بعده ملابس السهرة في بجنب سيتي سنتر محل اسمه ليلي فالي في عندهم شغلات حلوة وعندج بعد خلف السيتي سنتر في مركز صغير اسمه مركز دبي للتسوق فيه محل لمصمم اسمه رايح عن بالي وفيه شغلات معقولة بعد ايضا في محلين موجودين في مركز اسمه بن سوقات في الراشدية جنب مطار دبي الدولي عندهم شغلات للسهرات حلوة في محل موجود بميغا مول اللي بالشارجة بس مو متذكرة اسم المحل عدل ايضا عندهم تشكيلات اخرى تذكرت في بجانب سوق نايف سنتر صغير اسمه مركز المنال فيه بعد محلات ملابس جاهزة مري عليه خذي فكرة يمكن تلاقين شي للسهرات. بالنسبة للماكياج عندنا محليين رئيسيين تقريبا وهم باريس غاليري و أريج وتلاقينهم في اغلب المراكز ( المولات) وعندج في برجمان ساكس فيفث افنيو يجنن في الماكياج والعطور وملابس السهرة والطلعات بس اللي على خبرج ستايل وفاشن وماركات طبعا. بالنسب للأحذية اغلب الاشياء الدارجة هي نفس المحلات اللي موجودة عندكم على ما أظن مثل ناين ويست و ألدو وفي محلات اخرى مثل شو مارت بس في محل موجود في مركز الغرير يعرض اشياء مختلفة وكذلك في مركز وافي محلات الاحذية عندهم تجنن. ما ابغي اقول لج على كل شي بترك شغلات لبنات حواء الخبيرات يآخذن دورهن في المشاركة

تسلمين يا حياتي ما قصرتي


ومشكووووره على الرد السريع

بصراحه انا استفدت من المحلات اللي قلتي عنها
بس الماركات مابيها لان اغلب الماركات موجوده بالكويت انااا بغيت الاشياء اللي بس تكون عندكم


بس بصراحه ما قصرتي يا قلبي معاي وعسى الله يوفقج


:27:


تستاهلين بووووووووسه موووووووووووووووووووه

حبيبتي سيري مول الامارات.. فيه محلات ماركات لأول مرة تفتح في الامارات :)

حبيبتي هذا الموضوع فيه كل الي تبينه ان شاء الله

http://forum.hawaaworld.com/showthread.php?t=448061

واي شي ثاني نحن حاضرين للطيبين ويامرحبابج في الامارات :)

تسلمون يا الغاليات خجلتوني بردودكم الطيبه

وان شاء الله اخدمكم بالافراح يا قلبي


:27: