إلى بنات الإمارات مع التحية (ارجو الاسراع فالوقت يداهمنا)؟

هلا ساره

انا سالت عن اللي تسوي مكياج ف باريس غاليري و نصحوني لا تسوين عندها

صالون الشموس قالولي حلو

و الفرق ما ادري عنهن بس احس نوف ووفاء احلى شي مع اني ما سمعت عن اللي قلتي عنهم

بعد أنا سمعت أن صالون الشموس حلو
لكن المفروض أنكم تروحون وتشوفون عندها بعض صور المكياج الي سوته
أو حتى سوون عندها بروفة مكياج
لأن الشيء اللي يعجب غيرك ممكن ما يعجبك
بس إذا تبين أسماء صالونات حلوة في عندك بافان في الشارقة يسوي مكياج لبناني
وعندك صالون منى في دبي وصالون روبي ممكن يسوي مكياج هندي
لكن مثل ماقلتلك روحي وجربي
أما عن الفرق فما عندي فكرة
وأستغل الفرصة وأقول لرفيقتك ألف مبروك

بالنسبة للمكياج صالون الشموس وايد شغلهم مميز و مرتب و الي اتسوي المكياج باكستانية وايد تتفنن في المكياج و بعد هي لها خبرة طويله في البلاد و كانت من الاساس تشتغل في صالون روبي و بعديين يت صالون الشموس

ام بالنسبة للبنانيات شغلهم في نظري يناسب الناس الي ملامحهم سهلة و ما تحتاج تفنين . و بعد الي بشرتهم ناصعة البياض و face shape مالهم مثل اللبنانيات . الا البيض مول يطلع عليهم كشخه.
و بعدين هم يحاولون يقنعونج بشغلهم و يتمون يمدحونه لج ( يعني ياخذون فلوسج و انتي تضحكين !! )

و صالون منى الصراحة اسمه سوى ضجة في المهرجان و قبلة و الصراحة ما كان يقنعني ابدا . حتى يوم يابو في المهرجان ملكات الجمال مال الهند و لبنان و البلدان الوروبية الثانية علشات السحوبات الصراحة خسفت بوجوههم. و في عرس كد حضرته كانت امسوية المكياج لهم الصراحة ما حسيت انه مكياج صالون كأنه مكياج عادي و محطوط في البيت . و من فترة سرت مع احدى صديقاتي علشان هي تبا اتشوف مكياجهم و شفنا عندها زبونات متمكياجات و الله لو كانو حاطيين مكياجهم في البيت جان احسن لهم ابوايد و لا اللعبة الي امسويتنها لهم!! ماشئ تفنين في رسم العيون و الكريم اساس وايد امسمر البنات و وجوهم كان لونها مثل لون الطين يعني على البني المحمر و السعر 150 درهم .

شكراً حبايبي على ردكم واخدمكم في الأفراح ان شاء الله . والله يبارك فيج يا شوق العيون .

انا من سكان العين ودبي بالنسبة لمكياج باريس جاليري ما انصح به لعروس بنت خالتي جربته لعرس اخوها رجعت مسحته وراحت الصالون
في العين صالون فكتوريا اطلبي منال ترسم عيون جنان وعندهم كاتلوج تجدرين تشوفينه محل راق وجديد اما فرقة العنود كلها على بعضها بحنان او بدون ماتعرف تصيغ الكلمات صح تضيع المعنى والموضوع للاغنية رحت عرس هذا الشهر مزعجههههههههههه اعرف صالون مشكباردبي و البرج ابوظبي مجربين وقمر للحنة