إلى بنــــــــات ( الإمارات ) ودبي بالتحديد .... انا محتاجه لكم

افااا محد رد علي ؟؟؟؟

ولا عليكم امر ردو علي بسرعه لان اختي الحين بدبــــــي :( وبترد بعد ثلاث ايام تقريبااااا ان شاء الله

انا من بوظبي .. وماعرف وايد أشياء عن دبي ..

لكن بحاول باللي أقدر عليه ..

من ناحية عبي وشيل يمدحون مركز أبو هيل وايد حلو واسعاره احلى ..

ويقولون تشكيلات بالهبل تحتارين فيها .. بس ماقد سرته !!

وعندج مركز بن بطوطة اليديد .. اللي فاتحة فيه قرى من دول عربية مختلفة ..

وعندج تشاينا تاون .. يقولون حلوة ..

أدري مافدتج بوايد بس هذا اللي عندي ..

هلا فيج غلاوي انا توني جايه من دبي ,أول شي أوصيج تشترينه من هناك عطر فلاور بامب من فيكتور اند رالف مو موجود مو بس بالكويت بالشرق الاوسط كله ووايد روعه .الصغير سعره 350 درهم .انا يوم رديت تحسفت ليش ماخذيت الكبير لانه موطبيعي ..وبعدين ابي اقولج ترى هناك حتى لو تلقين نفس المحل لي موجود عندنا بالكويت هم تلقين في شغلات ضايفينها انا شريت تكرمين نعال من زارا ويوم رحت زارتنا عني مالقيته :)عندج مجمع برجمان روعه اما ابن بطوطه انا رحته اهو اكي يديد وكبير وديكورات ومعرف ايش بس محلاته مافيها زود ..وبعد شنو عندج سيتي سنتر فيه محلات يبيعون شغلات حق الجسم بس ماذكر اساميهم وهم مو موجوده بالكويت وعندج صحارى اكو محل جدام الصيدليه لي بالسوق فيه ملابس حلوه تينن حق طلعات وجذيه ,صحارى سنتر بين الشارجه ودبي يعني بداية دبي اخر الشارجه وراح تلقين فيه شغلات حلوه وفي اسوقه وايده عندهم صج ديرتهم ديرة تسوق والحين بعد مهرجان بعد خلاص الواحد مايشبع من التسوق ..اتمنى اكون افدتج .سلام

بالبركة مقدما و الله يسعدج و يتمم لج أمورج على خير

و بالنسبة لأختج خليها تروح المراكز لأن وااايد عندنا خصومات و اذا هي ساكنة بالرقة تروح الغرير ، الريف موول كلهم امسوين تخفيضات ، و محلات الماركات في شلرع المكتوم"ماجستيك" نفس الشي امسوين تخفيضات
و بعد محلات الملابس و الشنط في السيتي سنتر و برجمان

في المركز التجاري (قاعة رقم 7) باريس غاليري امسوين تخفيضات 50% على العطورو المكياج " استغلي الفرصة"

و العبي و الشيل عليها بمركز أبوهيل "كل الأشكال و الألوان " و أسعارها مناسبة جدا جدا

وأنصحج تدخلين ملفنا" فقط......لمساعدة بنات الامارات" بتحصلين فيه اللي تبينه إن شاء الله .........


سامحيني طولت عليج ... ان شاء الله تكون المعلومات اللي قلتها كافية
×××××××××××××××××××××××××××

الاخت غلاوي
دبي مشهورة بأسواقها ...من المراكز التجارية المعروفة :
سيتي سنتر دبي
مركز وافـــــــي
مركز الغرير
مركز ابن بطوطة
مركز مركاتو
مركز برجمان
مركز المنال والاسواق المحيطة به
شارع الجميرا كله مراكز على طول الشارع ومن ضمنها(The village - مركز الشاطئ - تاون سنتر-بالم سترب - وغيرهم...)

مع التحيه
:)