إلى خبيرات الطبخ في عالم حواء ((مساعدة لأختكم ))

السلاااااام عليكم ورحمة الله وبركاته
حياكم الله عزيزاتي عضوات عالم حواء
وبالخصوووص منتديات الطبخ

الصراحة ما شاء الله تصفحت بين صور الأكلات في المنتدى هنا .. فقدت الأمل إني ممكن اعمل حاجة
الله اكبر عليكوا

شوفوا الحكاية باختصار وما فيها
إني عروسة جديدة
وماليش في الطبخ اوي

يعني ممكن اعمل حاجات كده لما اكون رايقة
مثلا مرة عملت مكرونة بشاميل وكوسة بالبشاميل
ومكرونة بالصوص الأبيض بالمشروم
وكفتة أرز
والحلو بس بعرف اعمل الموناليزا

مش عارفة ازاي وبيطلعوا حلوين الحمد لله
بس في نفس الوقت بجد انا ماليش في الطبخ خالص
ولا التفنين ولا التزويق والحاجات دي

فأنا دلوقتي عايزة اتدرب على كام أكلة
وكل يوم اقول هبدأ اعمل اكلة صغيرة
بس مش بعمل

فكنت عايزاكوا تفيدوني ايه الأكلات السهلة اللي ممكن ابدأ بيها
بس أهم حاجة ياريت تكون مصورة خطوة بخطوة
يعني من خبرتكوا بقى كده تقولولي
وانا اعملها ان شاء الله واصورها واوريكوا الانتاج <<< متفائلة شوية


يلااا ..
مين هيساعد الاخت المسكينة ريناد ويتولى مهمة تعليمي .. وانا تلميذة نجيبة والله ما تقلقوش .. الحمد لله بشهادة الجميع اي حاجة اعملها بتطلع حلوة .. يعني زي ما بيقولوا: نفسي حلو في الأكل .. بس لما بعمل بقى ههههه

والله يجزيكم الخير

انتظركم بسرعة جدا