إلى خبيرات الليزر المنزلي .. طلب مساعدة ..

رفــــــــــــع

جزاك الله الجنة ..

والله مادري حتى انا دخت وانا ادور مدحولي جهاز سيلكن
بس مدري ..

هلا حبيبتي

شوفي انا عندي الجهاز الأول الي هو فيليبز

أسهل من استعماله ماااااافيه سهل وعملي وبسيط وحبييييييته


الجهاز يجيك معاه شاحن تشحنينه بعدين تفصلينه من الشاحن وتظغطين زر التشغيل

اذا اشتغل الجهاز تلقين فيه كذا درجه لقوة الليزر وكلما زادت الدرجه زاد اللسع واحتمال يصير حرق فإنتي شوفي الجدول الي بالكاتلوج الي يحدد الدرجه المناسبه لكل لون بشره وسمك الشعره انا حددت درجة ثلاثه واشتغلت فيها على سيقاني والإبط وبعض المناطق الي فيها شعر زايد اما المنطقه الحساسه فحددته على 2 لأن 3 قوي عليها ويلسع اقوى من بقية المناطق

انا لحد الآن سويت جلستين لبعض المناطق والبعض بس جلسه لاحظت بعد الجلسه الثانيه بعض المناطق تأخر الشعر ماطلع والبعض طلع عادي لكن بمجرد لمسه يطيح

والتنبيهات الي بالكاتلوج اهمها :

1\ عدم التعرض للشمس بعد جلسة الليزر من يومين إلى اربع ايام او استعمال الواقي

2\ تجنب حمام البخار قبل وبعد الجلسه بيومين وللأحتياط 4 ايام .

3\ عدم عمل الليزر على بشره عليها أي كريم أو مستحضر تجميلي يعني تسوينه على بشره نظيفه .

4\ عدم عمل الليزر على بشرة غير محلوقة .

5\ عدم وضع أي كريم أو تقشير بعد الجلسه .

6\ اول شي قبل تبدين بالجلسه سوي اختبار على منطقه مخفيه من جسمك على درجه منخفضه وانتظري لليوم الثاني اذا مابقعت ياانك تبدين الجلسات بنفس الدرجه أو انك ترفعين درجه وتجربين .

7\ لاتكررين العمليه على نفس المنطقه مرتين في نفس الوقت .

8\ بين الجلسه الأولى والجلسه الثانيه اسبوع بعد كذا يصير بين كل جلسه واللي بعدها الفتره الكافيه لظهور الشعر كله .

هذي أهم التنبيهات ولابغيتي شي سمي انا حاضره

بكم شريتيه يادانة