اهلين حبيبتي انا شفت رسالتك على الخاص بس والله للحين مشاركاتي ماوصلت ال50 ...
فبرد عليك هنا ...
ومره وحده يستفيدون البنات معنا ...
وهذا الرابط >>>>>>>>>>>
http://forum.hawaaworld.com/showthread.php?t=2925761
الصوره الي وريتيني اياها صاحبتها مره مصلعه وانا ماكنت زيها مره لا كنت اخف منها بس للحين من قدام مو زي زمان لأنه العين كانت بقصتي من قدام لأنها كانت غزيررره وشعري كثر من ورااا اكثر مع الخلطه ومن قدام طلعلي شعر جديد الحمدلله بس لازم تستمرن شوفيني للحين مستمره ماتركتها ...
كنت اعاني من قلة الشعر ومعاناتي مع الثعلبه بس الحمدلله ارتحت منها يوم تعديت العشرين سنه ...
اسمعيني انا بقولك طريقتي الجديده لأنها اريحلك وهي نفس الفايده والله اني مسويتها وحاطتها في الثلاجه الحين خليك معي وركزي زين الله يسعدك ويشفيك يارب وتصيري احسن من حريم اخوانك بأذن الله تعالى بس لاتيأسين ...
خوذيلك ...
بصله وحده كبيره وقطعيها شرايح ...
3 حبات ثوم ...
زنجبيل قد ابهامك ...
وحطي عليها كاسة مويه كبيره مغليه وغطي عليها وخليها على نار هاديه لمدة 10 دقايق بس ولاتفتحين عليه ابد لين تبرد مهمه هالخطوه .....
بعد ماتبرد مررره يعني ماتكون حاره ولايطلع منها بخار نهائيا افتحي عليه وصبيها في الخلاط حق العصير اكيد تعرفينه ...
واخلطيها زين زين ...
وصبيها في طاسه كبيره ...
بعدين خوذيلك ملعقتين كبار ملياااااانه سدر مطحون ياقلبي وحطيها على الي طحناه واخلطيها زين مازين ...
وحطيها بعلبه عندك في الثلاجه ...
انا تدرين وين احطها بس لاتضحكين علي تعرفين علبة حليب المراعي ام 4 ريال ... :42:
اخذها وانضفها واعقمها وحط الخلطه فيها هههههههههه ...
هذي الخطوه الأساسيه عشان ماتملين كل يوم وانتي تغلين في ذا البصل والثوم والزنجبيل تكون خلاص جاهزه عنك على طول كذا احسن ...
نجي للمكونات الثانيه ...
الي هي <<< ا م ك عسل + نص زبادي + فنجال قهوه زيت ولو تستخدمين الزيوت الي كتبتها لك احسن >>>
وبالنسبه للبيض مره حطي ومره لا يعني مو كل مره ...
والخلطه تستخدمينها يوم ايه ويوم لا لين تخلص وتردين تسوينها من جديد وكذا ...
خليها من ساعتين وفوق ...
احيانا اذا كان الزبادي تاريخه طويل احطها مره وحده مع خلطة البصل اريح لي هو والعسل بس انتي وكيفك في هالشئ ...
راح تحسين بحكه براسك لاتخافين هذا يعني بدا مفعولها بأذن الله تعالى ...
هذي الطريقه الأولى لازم تسوينها لاشفتي شعرك تحسن معها ابدي بالطريقه الثانيه ...
الطريق الثانيه راح اسويها الحين لأني تعديت مرحلة التساقط الحمدلله ورجع شعري احسن من اول فصرت اسوي هالخلطه لأنها مختصره ومفيده ...
الي هي نفس طريقة الأولى بس اخذ من الخلطه قد فنجال شاهي واخلط معها جرجير بس بدون شي واذا كانت ثقيله خففتها بشوية مويه واحطها على شعري مره بالأسبوع وباقي الأيام ....
اسوي ماسك الي هو ( زبادي + عسل + الزيوت حقتي + حبه بيضه ) ... والبيض مو دائما ...
وخلاص ياقلبي ولو اني اعرف ايميلك كان تواصلنا على المسن احمسك وتحمسيني لأني حاسه فيك وربي ... :44:
الله يساعدك ويكثر شعرك قولي اااامين ...
ولو عندك زيت مقري عليه يكون احسن زي ماقلتلك في موضوعي او موية زمزم مقري عليها وخليها بدل المويه العاديه...
وابي منك بس تدعيلي لاتذكرتيني بالخير وتدعيلي اني انحف قبل الحمل من غير شر يارب لأني دوبا شوي واخاف ازيد مع الحمل الله يعين بس ...:(
أسيــــرة الذكــرى @asyr_althkr_9
عضوة نشيطة
يلزم عليك تسجيل الدخول أولًا لكتابة تعليق.
صدى الأم
•
مشكووووووورةياقلبي ويزاااااج الله كل خير
الصفحة الأخيرة