السلام عليكم ورحمة اللهوبركاته
اولاً ..بلغكم رمضان
.
ثانياً : بصراحه ترددت كثيراً إنى انزل موقفى بعيداً عن المواضيع إلى تضيق الصدر
واكيد لايخفى عليكم القصص المحزنه ولمألمه تاثر على نفسيه ولمواضيع
فى هذا القسم الله المستعان واحاول ابتعد ..بس طبعاً اوطوط للمجلس مابين فتره وفتره مالى غنى عنه ..بس قلت ببعد عن بعض المواضيع إلى تاثر
على نفسيتى وسرت ابتعد عن بعض المواضيع إلى كلها حزن والم وخوف ورعب واحاول اتذكر اشياء مفرحه عشان بيتى وزوجى وولدى لأنهم يحسون بتغيير النفسيات...كأنى طولت
المهم هذا ياطويلات العمر مواقف قبل اتزوج والله إنها تفشل بس والله عشتها وصارت بحياتى ماضى وذكرى بس جميل
كل ما تذكرته انا وأختى متنا ضحك ..وإذا انا لوحدى اضحك من قلب وابوشباب احيان يناظرنى بنص عين كأنه يقول وشفيها ذى تتبسم لحالها خلها تشاركنى
المهم هو بعد عاش معى فى قصتى وهو سبب فى كل الأحدث إلى بذكرها بس بدون مايعرف ايش إلى عشته ببيتنا ..إلا إذا حكيت له ليش أنا اضحك....
..وكل ما افكر انزل الموضوع الكسل يمنعنى اخ منك يالكسل....تراك زودتيها وهى قصيره اخلصى
...الحين إلى فاضيه تستعد وإلى مشغوله تروح تخلص شغلها وتجى وإلى تبى تسوى شاى قهوه عادى ترى مطولين بالجلسه ...لأنى راح اخذكم معى تعيشون وتشوفون إلى ماشفتوه .....اقول اخلصى ماصارت ..يالله يالله خلاص
حبيت تعيشون معى الموقف إلى كل ماتذكرته ضحكت من قلب وزاح همى وحزنى ..
المهم هذا ياطويلات العمر يوم كنت عند اهلى قبل زواج مخفوفه ومطفوقه ومصرقعه بس كنت بنوته فرفوشه ودلوعه حدى؟؟؟ بس كان الدلع بحدود الأدب
وكنت احب إذا طلبت شى طلبى يتلبى مو اخر العنقود يعنى سكر معقود وطلبى لزم يكون حاضر وموجود ....وه وه ياشاعره ..خخخخخ بس كان ~امى تشغلنى بكرف البيت وعلمتنى الطبخ من بدرى تقول لاتزوجتى نفعتى نفسك ..يعينى ياعينى على دلع هع
..بس الحمدالله اصبحت إمراه سنعه ههه
....ادرى إنى مصختها وودكم تصفقونى بالماوس على خشتى هع
المهم انا كاى فتاة تحلم بالعرس ....ياذا العرس إلى مخبل البنيات .....اقول بلافلسفه وكلام فصحى تكلمى عامى ودوسي ريوس ..المهم وش كنت اقول ايه تذكرت قلت
حطيت براسى ابى اعرس وابى البس فستان وابى انزف وووووووو.ويوم جا ففكرى الزواج قلت وراى مااعرست للحين بلانى وروح للمرايه حبيبت الفتيات اشوف فى تجاعيد ولا لا خخخخخ صدقت عمرهابدرى وتواناس ...كان عمرى يومها 20 والله كنت صغيره بس كان انا اقول والله كبرت هههه
وليش محد طق الباب وكل يوم احلم بذا الحلم وبالفستان الأبيض ولا كمان حلمت بالخيل اقصد الحصان البيض بس والله مكان يهمنى الحصان ابيض اسود بنى
..لاتقولون ما حلمتوا إنتو بعد بالحصان ..ترى الحصان ما خلى بنوته
إلا وهو مسير عليها ومافى ولا فتاه بالعالم إلا وذا الحصان المسكين مسير عليهم
بيت بيت دار دار عشه عشه زنقه زنقه خخخخخخخ
المهم قلت والله لو يدرى ذا الحصان بحلامنا مرتبطه فيه
كان حب يده وش وظهر إنه حصان ماهو فتاه هع هع....لاحد يزعل
المهم ومرت الأيام وعدت كم سنه
وكل سنه ادعى يارب ابى اعرس يارب ابى واحد مطوع مثل الشيخ السديس هههههه
ما اعرف ليش قلت كذا ..يمكن متاثره بصوته وخصوصاً برمضان احسه رمضان صدق
**
وكل ماجلسنا انا وبنات عمى وبنات عماتى ونجيب طارى العرس وكل وحده تقول حلمها بعريس الغفله وانافرحانه كأنى امزح انا ابى مثل السديس خخخ وهم يضحكون على ويتمسخرون يقولون تاخذين ملتزم قلت ايه احلم بملتزم ليش ايش فيه وكان نقارونقير..ويقولون الملتزم يعنى عبايه يعنى
جوانتى لاتطلعين لاتروحين وكل شى لالالا قلت ايه ايه البس وشعليكم المهم ليلنا كله حنا وياهم مايخلص .ضحك وتطنزوهواش طبعاًبروح بريئه..دعابه دعابه
يسلالالالالالام كانت احلام لى مستحيله بس سبحان الله عند الله ماهومستحيل ....المهم
وومرت ايام وكان وقت رمضان ..كنت اطلع انا واختى وأمى الحوش وأمى تقولنا ادعو ادعو هذا وقت الأستجابه ..قلت لها ايش ادعى قالت بالى تتمنونه الصحه والعافيه والمال وطولت العمر وإن الله يعيد علينا رمضان وحنا بصحه وسلامه ..وكنت انتظر
منها تقول ولى تبى عريس تدعى ههههه بس ماقالت
المهم قلت أنا لها بدعى يجينى معرس وجلس ادعى يارب
ابى اعرس وابيه مثل السديس ملتزم حتى لو متزوج ومعى ضره خخخخ وجلست استهبل على أمى ودعى من قلب ههههه وناظر بنص عين لأمى وهى..طالع فينى وكأنها تقول وش بلا ذى البنت فسخ حياها..وشوى ارجع وادعى بنفس الدعاء وكان وقت السحور برمضان بالعشرا لأواخر
نفذ صبر أمى الله يخليها لى .إلا تقوم تهاوشنى وتحذفنى بشبشبها خخخ
وتقول تفولى ودعى بلخير بهذا الوقت تستجاب ادعوات اى ضره واى متزوج وانتى بعدك صغيره على هذا الشى..الحين يسمعك ابوك ويجى يكسر ضلوعك
لأن ابوى الله يخليه شديد شوى ....لكنه حنون مايعرفه غير إلى يعيش معه
المهم ومرت الأيام وشهور وساعات وثوانى ودقايق وياليل
مطولك ..
المهم بعد سنه من دعائى جا فارس الأحلام إلى حلمت فيه إلا يجينا خبر من وحده من جماعتنا جايبه خبرلأمى
إنه فى شيخ صديق ولدها جايين يزورونكم يوم الخميس وولدها كلم ابوى وقال له تره يبى يتعرف عليكم بس وبعدين يجى رسمى....يعنى مافى مقابله تعارف بس
قال ابوى تمام عشان يكون هى كمان خلصت اختبارات
.
المهم أمى من الفجعه تدور كأنه مضيعه بيض تحوس وتدور من ركن لركن وزاويه لزاويه وجت على غفله وصقعتنى على راسى وقالت المعرس إلى جاى متزوج ..قلتلها خير طيب وش فيه قالت كان دعيتى بواحد عزابى قلت لها وأنا ادرى ايش النصيب إلى بيجى دعيت وخلاص وقلت مابعرس ومستحيل بس سبحان الله ربى استجاب دعواتى ايش اسوى ههههه..المهم جا المعرس وقال بس ابى اتعرف عليكم وإن شاء الله لنا زياره ثانيه ويكون كل واحد مستعد وابوى قال خلاص وجا خبرنا وقال مافى مقابله اليوم انا قلت احسن لأنى كنت مزكمه وصدرى تعبان من كثر الكحه ووجهى شاحب لونه اصفر تقل ليمون يعنى فرصه لى نفسيتى تتعدل ..المهم
انا واختى بالمطبخ نحوس بذا الحلا ولقهوه وابوى حالف عليهم إلايتعشون وانا وأختى منظرنا لايرث له اشكالنا تفجع من كثر اشغل من الصبح نجهز وننظف ولحوسه تقل شغلات ..وبعد ما خلصنا شغلنا ومنهكين
قلت اروح اتحمم قالت أمى ارتاحى شوى وروحى ....اخ اخ
ليت قمت وما سمعت كلام امى ..وتقوم الأخت تتسدح وتأخذكتاب الرياضيات يقالك اذاكر فرحانه مافى مقابله اليوم..شوى إلاباب الغرفه ينفتح وابوى ينادى جنه جنه واقوم وقلبى يرقع وقلت يالله عسى خير قلت له نعم......مؤدبه
قلت هااا خلاص راحو نروح ننظف المقلط ..قام ناظر فينى وعيونه مفتحه وحواجبه مرفوعه فوق السقف ....قال كلمه صدمت احاسيسى
وحطمت نفسيتى
وحطمت شكلى كفتاه تهى تهى
*
وقال لا مارضى يروح يقول ارتحت بالجلسه وابى اشوف البنت الحين انا هنالااااااااااااااالااااااااااااالااااااااا
وأنا واختى فاتحين افواهنا وامى تقول يالله روحى البسى واطلعى وى وى بذا شكل وخزيها ..قام ابوى ناظر فينى وقال اقول
تطلعين ولاشلون البسى اى شى بس يشوف وبيرح مستعجل >>>وانا واختى ياربى مو قال مافى شوفه واختى حايسه تدور لى فستان شوى إلا وابوى...صرخ بوجهى وقال تطلعين الحين وابوى إذا عصب
خلاص قلت طيب طيب جايه ونا من جوه ودى ابكى
ودخلت ابى البس شى إلا وابوى هاااااااااااا وينك الرجال بصاله
وى وى وخزيها ياهو حاسنا حوس ماعنده وقت ...قلت له طيب البس وعدل نفسى قال ابد تطلعين وأمى من الحوسه تمد يدهاوتسحب شرشف الصلاة وتلفنى فيه تقول حجه من إلى يبعون جنب المدرسه وتدفنى وتقول لالاخلاص لبست تبى تسكته ..قال يالله اخلصى و اطلعى حشى شغاله مو عروس..
خخخخخخخ وين لبست وأنا لابسه روب
وتقوم اختى ترش من تحت الروب يقالك عطر عشان تغطى الريحه هههه
وتنط امى وتقول يالله يالله بسرعه قبل يجى ابوك البسى هذا بسرعه يقالك تساعدنى وتزينى
تعتقدون وش جابت لى تهى تهى روب بس جديد ولبستنى يها وانا والله عقلى مو برسى ولا مركزه باى شى احس إنى تايه وضايعه >>>هذول وش يسون فينى خخخخخخ ولا ليتها فسخت إلى فوقى مسكينه من كثر ما حاسنا ابوى ...لبسته فوق الأول سرى ليل يقالك غيرت هههههههه
قسم ذيك اليله انواع البهرجه وتصادمات والمواقف إلى عمرى ما انساهاالمهم جا ابوى ووقف على الباب هاااااااااا وينك جيت ركض ووقفت قدامه وهذا ماعنده وقت وسحبنى من يدى وطلعنى إلا ولاقى عريس الغفله قدامى باصاله وه وه بغى يغمى على وخزياه
وفشيلاتها وطول ما انا جالسه ابلع ريقى من كثر الفشله ابيه يقوم
احس شكلى غلط لامكياج لالبس زين ولا حتى كحل كل شى طبيعى...
وهو ماشاءالله ماشاءالله وكمان لابس نظاره المفروض يشوف شى مايبيه تهقون لو شالها يمكن كان شاف زين هههههه...وشوى تجينى الساعقه إلى حطمتنى
ياربى بغيت اموت ...قال ابى اشوف شعرك وى وى
خلى طابق مستور ولى يرحم والديك >>>بس اعتقد من طلبه خاف يقول فى نفسه ملبسينها شرشف صلاه اكيد إنها صلعى هههه....طبعاً هذا الكلام قاله بعد ماتزوجت ههههه كان ضنى بمحله يفتكرنى صلعى..
المهم مارديت سويت نفسى
ما اسمع وناضر بالمطبخ لأنه قبالى وهو معطيته نص من وجهى بالله ايش بيشوف مع شرشف الصلاة ..وسرحت ونسيت إن فى معرس قدامى من الخرعه ..إلا صوت ابوى يدوى باذونى يقول اكشفى على شعرك ليش ما مشطى شعرك تهى تهىلالا حرام كافى
ليش كذا ..تهقون كيف كان شعرى مرفوع كله فوق كعكع ههههههه نحاسه
وشوى ويقول فكيه ياربى وش يبى ذا خير إن شاءالله بغيت اصيح
قلت انا مامدانى افكه جوه قاموا هم يفككوه وفشلونى..واشوى ماقال بشوف لبسك كان
كان شاف فضايح واغمى على
المهم عدى اليوم على خير وقال بينا اتصال وتوكل على الله >>>بس كنت اموت
واسأله ليش غيرت رايك تهى تهى واقوم مثل الصاروخ لغرفتى واصيح ليش ليش كذا
*
المهم يجى اليوم الثانى وجايب لى هدايا ومن ظمناها عبايه راس
وانا ماكنت البسها وابوى يقول قله تلبس عبايه راس الكتف لا
المهم اول مره البس عبايه راس معرف لها وقمت اسوى بروفه واحوس فيها بالبيت اتعلم وامشى فيهاوالله اشوف نفسى مضحك وارتب فيها ابيها تكون على سنعه
وليوم الثالث البيت يمتلى حريم يباركون ويهنون وبنات عماتى وعمى وسهروضحك وسوالف المهم بعد ماخلصت الأختبارات ونجحت الحمدالله وجلست شهر ما اطلع من البيت
ومافى فرصه اخرج من المهنين والمباركين لنجاح وللخطبه لين بدو يخفو شوى شوى
ومره طفشت من الجلسه بالبيت لى زمان ما خرجت قلت ياربى بروح بيت جدى اجلس مع عماتى لى وحشه لطلعه وسولف وغير جو من الضغط البيت والمدرسه إلى فتكيت منها اخ اخ بس كان سكت
وجلست ابرك لى بس قدرالله إنى اطلع تهى تهى ..أختى قالت لاتنسى تلبسين عبايتك
ياااااااااااااااااربى انا نسيت قلت هع هو وين وانا وين بمشى بكيفى لاسرت عنده لبست
امى قالت لا البسيها عشان تتعودى عليها هذى اولها ...جلست مع نفسى قلت موهذا إلى كنتى تبينه ملتزم ملتزم يسلام والله وجا إلى يامرنى ويشكمنى خخخخخخخ
المهم واقوم البس العبايه واناوالله مدرى وشلون امسكها
وطلع وكلى شموخ ورافعه راسى انا وعباتى إلى لافتنى تقل طربال كانت واسعه حيل ولا لها باب ولافتحه مقفله من جميع الجهات ..الغربيه وشرقيه ولجنوبيه وشماليه ...حشى قلبت احوال جويه هههههه
المهم اختكم جنونه مايبين فيها غير فتحت الراس ومتغطيه بعد بنقاب وامشى كانى ملكه بزمانى ويا جزمتى الله يكرمكم إلى طولها شبر ونص..وانزل اول نزله من درج وطلعت من البوابه حق شارع وكان قبالنا بيت عمى الباب بالباب وعيونى طايره فوق ما اشوف قدامى
ويا ارض نهدى ماحد قدى صح يقولونه كذا ......والله مدرى
المهم يدوب خطيت خطوه ولايعيونكم ماتشوف إلانور واقوم اتكرفس فوق سياكل.. دراجات.. عيال عمى حسبى الله على العدوا اتوه جوة العبايه إلى مدرى كان بابها وين وسرت وسط السياكل احوس تقولن خيمه منصوبه
يقالك يصلحونها جنب الباب هى وشنطة العده الله لايعودها ههههههههه.وكل مابغيت اقوم على حيلى لاحد يشوفنى إلى رجلى تشبك مابين عجلاتها وتمسك بالجزمه اكرمكم الله وانا ناشبه مابين سياكل ابى الخلاص ههههههه واحوس انا ويهاوتراب ملى العبايه ومنظرى صار يؤه يؤه واقوم بسرعه بدخل بيتنا إلا وجزمتى اكرمكم الله طايره بجه ولابسه فرده وحضرتى متمدده فوق سياكل تقول باتمان هههههه.وحالى لايرث له
وكل ما اسحب نفسى ولعبايه ماسكه بمأخرة السيكل إلى مثل الأسنان السير مدرى وش يسمونه المهم اقوم اجرها لين انقطعت ودخل البيت ركض لاحد يشوفنى وأمى نخرعت من منظرى
تفتكر متهاوشه مع احد ههههههههههه وحكيت لها السالفه هى واختى وتعالى شوفى ضحك قالت اختى هذى بدايتها الله يعينك بعد الزواج لاجيتوا طلعتوا ايش بتسوين ..قلت لها ما اطلع معه عشان لايسير لى كذا فشله ههههه
ومن يومها كرهت الجزم ام شبر ونص وسرت البس زحاف ...
بس كنت احمدالله إن ما فى احد مر من شارع لأن الماره يكثرون بروحه ولجيه ولاكان عيال عمى طلعو ولاكانت بخبر كان.وبنت عمى من النوع إلى تمسك عليك غلطه وتعيرك فيها
وتقعد سنين ماتنسها هى واخونها ونشروها بصحف والمجلات واخبار الجزيره والعربيه ...هههههههه
بس بعد ماتزوجت جلست فتره ما اطلع متفشله اطيح ولا يحصل موقف مثل قبل
الحين لاخلاص ثابته ماتطيح ..
الحمدالله مرت الأيام وبعد ست شهور تزوجت... طبعاً قصة خطوبتى احالى واجمل
ذكرى ..
إلا قصة زواجى للأسف كانت مأساويه وحزن مابى اذكرها وخصوصاً زفتى الله
لايسامح من كان السبب وحرمنى منها....بس بس ما ابى اذكرها
.
.
المهم الحين عندى ولد الله يحفظه ويخليه ويهديه
واقلكم تصبحون على خير وانتهت مواقفى ...لكن لم تنتهى حياتى
حبيت افرفشكم معى وتعيشون إلى عشته فى فترت مراهقتى وخطوبتى
اما ابو شباب للحين يقول ليش جيتينى لابسه شرشف الصلاة تهى اهى
مارضى ينسى إلى عندها علاج لنسيان ترسله لى ههههههه
أختكم فى الله جنه من الزهور
ودمتم بحفظ الله ورعاية
جنه من الزهور @gnh_mn_alzhor
كبيرة محررات
يلزم عليك تسجيل الدخول أولًا لكتابة تعليق.
بسم الله عليك أسلوبك تحفه ضحكتيني بقووووووه
وهاذي
باذونى يقول اكشفى على شعرك ليش ما مشطى شعرك تهى تهىلالا حرام كافى
ضحكتني أقوى شي
وهاذي
باذونى يقول اكشفى على شعرك ليش ما مشطى شعرك تهى تهىلالا حرام كافى
ضحكتني أقوى شي
هههههه ... اقول ...
ماشاءالله شكلك مستجابة الدعوة لا تنسين نفوسه >> اسم الدلع نفس مطمئنه
من الدعاء
والله يديم الهناء ويخليلك ولدك ويرزقك بأخت له
لا اله الا الله
ماشاءالله شكلك مستجابة الدعوة لا تنسين نفوسه >> اسم الدلع نفس مطمئنه
من الدعاء
والله يديم الهناء ويخليلك ولدك ويرزقك بأخت له
لا اله الا الله
لا يمكنك مشاهدة هذا التعليق لانتهاكه شروط الاستخدام.
واياك تسلمين ياقلبى الله يجبر بخاطرك كلك ذوق
شاكره لك تواجدك العطر وردك الطيب
لاحرمنا من اطلالتك المنوره :26:
شاكره لك تواجدك العطر وردك الطيب
لاحرمنا من اطلالتك المنوره :26:
الصفحة الأخيرة
الله يسعدك ويرزقك الذريه الصالحه اللي يملون بيتك سياكل
خخخخ