إلى كل أم أنجبت طفلا خديجا ..أفيديني بمالديك

السلام عليكم

أولا عزيزتي الحمدلله على سلامة طفلج لانة أنا مجربة و شايفة العذاب اللي مريتو في بس الحمدلله ولدي ألحين عمرة سنتين

أنا طفلي مولود بالسادس بس كمل الأربع أشهر من ولادته قالتلي الدكتورة وكلي و صج كنت أعطي دنينو و معلبات جاهزة و بعدين قمت أدخلة شغلات ثانية و و بديت بالفوكة لانها طعمها حلو و يحبونها الأطفال



و عن المهاد كنت أمهده بس بالليل و غيلولة الظهر و بس كمل الثلاث شهور ما قمة أمهدة و بالنسبة حق النوم على البطن أنا ولدي لحد ألحين ينام على بطنة و خلاص خلي ينام مثل ما يقولون على الجنب تريحة

و الأشياء الحركية كان في شغلات يتأخر فيها و شغلات تكون على العمر اللي كان مفروض ينولد في مثل المشي


و إنشالله أجوبتي مفيدة و إنشالله يتربا بعزك إنتي و أبو و يخليكم له و تشوفونة رجل

و معلش طولة عليج عشان أكون كثر ما أقدر مفيدة

الله يحفظه ويكون ولد صالح بار ان شاءالله
اخويه ولد في السا بع ما شاءالله صار اطول واحد في البيت
اما عن الاكل اكلت ولدي من الرابع وعن النوم على البطن زين بس لازم تنتبهي ماينكتم بس حتى يعرف ينقلب بعدين هوه يتعودينقلب بنفسه على بطنه اوظهره وقت النوم
ولدى يفزع من يده وقت النوم بس فتره وراحت:26:
ام عن الجلوس والتسنين فيختلف من طفل لاخر
وان شاءالله اكون افدتك

jowree

جزاك الله خير يارب :26: والله يحفظ ولدك يارب


عيون الأصيل جزاك الله خير ومشكورة :26:

:26:

اختي أمل الروح

انا ولدي اتولد خديج في الشهر السابع والان عمره 9 شهور

بديت اعطيه اكل بعد ماكمل اربعة شهور من وقت الولاده

بديت معاه بملعقة سريلاك في الرضاعه مع الحليب


لين تعود عليها.. وبعدين بديت ادرج له في الفواكهه والخضار والارز المصري مجرد ملعقه وحده بس

وبالنسبه للفه صرت الفه لين عمر اربع شهور وبعدين خلاص.

وجلس في نهاية الشهر الثامن والان عمره 9 شهور في محاوله للحبي

بس لسه ماسنن .. انا عادة اولادي مايسننون الا بعد 11 شهر تقريبا

وبالنسبه للنوم على البطن بعض الاحيان ينام على بطنه .. بس اكثر شي على جنب لان

ولدي يرجع الحليب على طول .. عشان كيدا نصحني الدكتور انه ينام على جنب.

اتمنى ان اكون افدتك.. اي سؤال انا حاضره