*دمعه وله* :

أشـــــــــــــــــــــــــكرك كل من رد على الموضوع وأشــــــــــكر كل من راح تستفيد من مشكلتي وتطبقها على عيــــــــــــالها بالنسبه للاخوات جزاهم الله خير .. اللي قالوا قربي منها وصارحيها عن مشاكلك كنها صديقتك شاركيها فعلا.. قد صار وشاركت أمي عن مواقف البنات بالكليه او سوالف عني وعن صديقاتي ولقيتها مستمعه جيده وانا اعجبني الوضع وصرت اقولها كل شي............ ولكن أول مشكله تصير بينا .... تطلع كل اخباري وتفضح فيني وتقول لأبوي روحي ياللي صديقتك فلانه اللي سوت كذا وانتي اصلا فيك وفيك وفيك <<<<<يعني كانت تسمعني ومقهوره وساكته ولما تهاوشنا طلعت كل السوالف وهذي أكره صفه عندي في الناس وفي صديقاتي مااحبها بالنسبه للهدايا ...أول مكافأه من الكليه استلمتها شريت فيها لها جهاز للربو بخار بالبيت وهدايا كثير عشان هي فيها ربو وليتني ماشريت لاني مانمت ليلتها من المصخره على ذوقي والجهاز تقول ليش انا عجوز ولا استخدمته ابدا ابدا وحلفت بعدها مااشتري لها شي واول راتب استلمته من وظيفتي شريت لها خاتمين ذهب فخمه واذكر واحد فيه فص كبير فيروزي يجنن لانها هي تحب اللون الفيروزي ولما عطيتها قالت وشوله ماله داعي ذوق قرااوه وقالت خوذي رجعيهم لاني اذا لبستهم كأني بدويه والله اخذته ورجعتهم لصاحب المحل وانا طول الطريق احلف معاد اشتري لها شي بالنسبه اني انا أخذت القياده من امي وهي تبي القياده لها فعــــــــــلاً كلام الاخوات صحيح لان ابوي دايم يوقف بصفي ويقول لها شفيك على البنت وتقول أكرها أكرها هذي ضرتي مو بنتي والخلاصــــه بعد كلام الاخوات لي الحل اني استسلم واتنحى جانباً ومااتدخل بشي يخص التربيه الواجب اللي علي اشتري اغراض البيت واسدد الفواتير وبس علشان يذكرون اني اسوي لهم شي زين وأول رجال يجيني يخطب بآخذه وابتعد لعل وعسى تفقدني وتعرف قيمتي الله يجزاكم خير يابنات على كل رد وانتهوا لعيالكم وخصوصا بنـــــــــــا تكم والبنت اللي ترفع صوتها عليك امدحيها عن الناس على مسمع منها قولي الله يخليها لي فلانه مو مثل الباقين تسمع الكلام وتشتغل معي وتشوفين كيف بتتغير معك...ولاتنسون تتعودون تحضنون عيالكم

أشـــــــــــــــــــــــــكرك كل من رد على الموضوع وأشــــــــــكر كل من راح تستفيد من مشكلتي...

nada033 :

عورتي قلبي جدا جدا جدا بقصتك ولكن الرد الأخير يدل صرت تفكرين صح اختي بأقولك شي من قلبي أخوانك أذا شباب تراهم بكره بيخطبون ويتزوجون وما راح يسألون عنك ولا عن تضحياتك فلا تصيرين شمعة تحترق من أجل الآخرين وأذا على صلاتهم تراهم هم محاسبين عند الله رجال ومكلفين انتي سويتي اللي عليكي وأكثر الملام الأول هو أبوكي لأنه وصل الأمور لهذه الدرجة من السوء علاقتك مع أمك هي مثل ما قالت ضره والضره مرة حتى لو كانت بنتها لا تتناقشي مع امك ولا تتهاوشي الصمت حكمة واقوله عن تجربه اتركيها في حالها ما شاء الله وصلت مرحلة حلوة من النجاح والله يوفقك انتي موظفة وشريتي هدايا بدل ما تقوولك شكرا تقول ذوق بدو ليه ايش فيهم البدو اصلا تحمد ربها عندها بنت تعطيها هدايا وبنت مثلك هناك عقوق ابناء كثيره في المجتمع ما عليكي من احد وعيشي حياتك واطلعي اكشخي والبسي انتي في مرحلة عمريه جميله ما تكرر يا ليت ربي رزقني بنت مثلك كان حطيتها بعيوني اكرر اكرر مره اخرى الصمت والأبتعاد الصمت منجاة ولا راح تندمين عليه خليها تهوش تصارخ كيفها انتي ما لك شغل سياسة الطناش لها مفعولها وراح تشوفين خليها تسوي اللي تبيه انتي إدعي ربك يرزقك ولد الحلال ويعوض صبرك خير دعواتي لكي بكل خير والله يوفقك ويستر عليك

عورتي قلبي جدا جدا جدا بقصتك ولكن الرد الأخير يدل صرت تفكرين صح اختي بأقولك شي من قلبي ...