إلى كل ربة منزل وعندها شغاله كيف ترتبين وقتك؟

هلافيك انا عندي شغاله ورافعه ضغطي علمتها على شغلي حاولت اسنعها لكن ما فيها فايده فتلقيني اكرف معها ولاعاد اثق في شغلها حتى وهي تشتغل قدامي مااهمها مع ان بعض الشغالات قدام صاحبة البيت تبذل جهدها وتحاول تسوي شغلها زين ومن وراها اخرطي لكن اللي عندي في وجهي وفي غيابي هيه هيه وعيالي ابد ما تقربهم انا قايمه فيهم وفي ابوهم لكن فعلا احيان تجي اوقات اكون مثلك احس كل شي ملخبط والعيال حايسين الدنيا حوس الله يعينا وياك

انا قعدت فتره بدون شغاله 00كنت مرتاحه بس كرف الله وكيلك ولخبطه وقمت افكر وش الحل وسويت طريقه رائعه وارتحت مره وكتبتها للبنات اللي ماعندهم شغاله وعندهم اطفال اقريه و*****لله تستفيدين لكن بقت عندي مشكلة اطفالي وين اوديهم لو اطلع فعشان كذا رجعت للشغاله والحين انا وياها صجه ولجه مره تضرب عن الشغل ومره ترد يعني شغلانه مقرفه بس وين اودي اطفالي لما اروح كذا او كذا 00الله يعين

أنا مأحب الشغلات أحس أنها عظم في حلقي وشريت بعض الأجهزه أللي تريحني من الكرف ومنظمه شغل بيتي وقت دراسه عيالي ولما بطلع أخليهم مع أبوهم

أهم شي في تنظيم الوقت النوم بدري وكل شي بعد كذا بيمشي تمام بتحسين نفسك طول اليوم نشيطه وعندك همه تنجزين أشياء كثيره أنا طريقتي في تنظيم وقتي الصباح إذا صليت الفجر أقول أذكار الصباح عشان كل يومي يكون تمام
طبعا زوجي يرجع من الصلاه وعلى طول يروح ينام شويه قبل مايجي وقت الدوام لأن صلاة الفجر ذلحين بدري مره وقتها أروح أصحي بناتي للمدرسه وأفطرهم واجهزهم وإذا خلاص راحو للمدرسه أفطر على طول وبعدين أجهز فطوره وملابسه و أوصي الشغاله في كم شغله تسويها بس يكون الشغل اللي بتسويه في المطبخ أو قسم الضيوف عشان ما أزعج زوجي وهونايم وبعدين إذا صحي وأفطر وراح على شغله تروح الشغاله تغسل الحمامات الله يكرمكم وتنظف غرف النوم وانا أجلس أشوف التلفزيون شوي وبعدين أجلس على النت مدة ساعه تقريبا وبعدين أروح أهتم بنفسي اسوي تقشير لوجهي أو حمام زيت لشعري أو أتحمم واحط كريم على جسمي يعني نوع من العنايه البسيطه بدون تكلف لأني انا كسوله مرره وإذا كثرت على نفسي بأطفش وأبطل منها فأحاول إني أهتم بنفسي في حدود المعقول وبعدين اصلي الضحى و أقرا شويه قرآن وأنام إلين الظهر وبعدين إذا صحيت أجهز الغداء وإذا جو البنات وأبوهم أحط الغداء وإذا تغدينا زوجي يروح ينام شويه وأنا أدرس بنتي الصغيره والباقين كبار يذاكرون بنفسهم والمغرب أعشيهم ويجلسون مع أبوهم شويه ويصلون العشاء وينامون و بعد ماتخلص الشغاله تنظيف المطبخ تروح تنام بدري عشان تصحى الصباح للمدارس واعشي بنتي الصغيره وانومها وأجلس على النت شويه ونتعشى وننام وهذا برنامجي طوال الأسبوع ماعدا الإجازات وذلحين إحنا داخلين على إجازة الصيف الله يعين كل شي يتلخبط ويصير الليل نهار والنهار ليل .
هذا المختصر المفيد إن شاء الله ماكون طولت عليكم

اااااب