إلى كل رجل يدعي بإن زوجته عنيده

أ- تستطيع ان تجعل منها انسانه متغاهمه ، مطيعه ، عطوفه ، تحس بذاتها ، صبوره .... ( هلا والله بهالطله ، تقولها يوم تجي من العمل ،هااا وشلونكم ؟؟ كيف العيال ؟؟ جومن المدرسه ؟؟ بااااله ياكريم ،،، الغداء جاهز ؟؟ ويش طبختي لنا اليوم ؟أأأأه وييش مالذ هالاكل يابعد سبدي انت ؟ الحمدلله على النعمه والعافيه . هااياعيال وش نقول بعد الاكل ؟ ماشاء الله يام محمد ماحلى هالثوب عليس ؟؟؟ عن اذنكم ابي اروح احط راسي شوي ؟؟ مابي ازعاج ؟ وان شاء الله اذاقمت وين تبون ترحون اوديكم ,..... وهكذا دوالياك
اش تعتقد رد فعل الزوجه اذا فعلت هذا السلوك الحسن معها؟؟؟ صدقني من اليوم الثاني تستقبلك عند الباب ، وبمجرد ماتسلم تقول هلا والله بابونا ويرمحبا ، وتاخذ منك العيش والغتره ،وتفصخ جزمتك ، وتقولك لحظه ياعيني والاكل يكون جاهز ...... حتى لواكانت الحرمه في اصلها عنديه ونكديه زي ماتقولون ، وتستخدم معها هالاسلوب الطيب ( المنهج الاسلامي في حقوق الزوجيه ) لابد ان تتغير الى الافضل ...
ب- وتجعل منها انسانه ، نكديه ،عصبيه ، غير متفاهمه .... ( هلا .. تقولها اذا دخلت البيت ويمكن ماتقولها ، يالله بسرعه وين الاكل؟؟؟ لاحول ولاقوة الابالله اقول بسرع ياحرمه ماتسمعين ؟ صقها انت؟ وين صويلح واختها ؟خلهم يجوون على الغداء ( اذا سالت وربما لا ) ،،، اعوذ بالله بس كبسسه كبسه ملينا ماصارت ؟ اكلت ،، ويش هالاكل خانس ؟ اااااف ياليتني جبت من المطعم ؟ وين السواق الكلب ذا ؟ راح يدوج مع ربعه ؟ ابي اروح انام بس ؟ اياني واياكم اسمع همسه والله لو ريكم شغلكم وانتي بعد ،،،، ويقوم بعد نومة العصر ( ماصلى مع الجماعه ) يابو محمد ابيك توديني المستشفى انا تعبانه وصويلح له يومين مانام من صدره هالمسكين ...زوجته تقوله .
يرد عليه : طسي لااعادت عليس وعلى اولاديس ... ويخم مفتاح السياره ويطق الشماغ ويدق سويس السياره وعلى ... بشكة الهنا الى اواسط الليل ، والاهل ،،،، ماجاب خبرهم
بعد كذا ايش تتوقع رد فعل الزوجه المسكينه ، تلومها لو صارت مثله ( والله مالومها اذا كان الزوج بهذا السلوك )
تلومها لوصارت عنديه ، ونكديه

عاملها زين وباحترام وضوابط ، وتعال شوف النتائج . بس انتبه ( لكل قاعده استثناء ) لاتخلي الحبل على الغارب
وهات ياتفاني ترى بعض الحريم يستغلون هالنقطه ، وفجأه تجد نفسك تابع لامتبوع .حط هالقاعده لكل مفام مقال، استخدم الشده في مواضع تستحقها ( س ) ، والعاطفه في في المواضع التي تلائمها ( ص ).
لاتدخل س في ص وتعطيك شئ ملخبط =س ص انما اعمل منها معادله اسريه سعيده بحيث س + ص = ص + س = اسره سعيده .


منقول من أحد المنتديات لكي تعم الفائده