ارفع القبعه احتراما وتقديرا..
بارك الله فيكم وجزاكم الجنه خير جزاء للصابرين..
أنااكتشفت انا نحن الشعب السعودي العظيم..شعب.. قوي..مكافح..صبور..
شعب شعاره فلها وربك يحلها..بكل مايعنيه هذا الشعار من معاني وفوائد..
ليه؟..
اولا..على الرغم من ارتفااااع أسعار السلع مع الضائقه المالية اللى يعيشها معظم الشعب..
والتطفير اللى يشع ويلمع من عيوننا..
الا اننا اكثر بشريه في العالم تتسوق..شغالين مقاضي من سوق لسوق..من محل لمحل..
مايمديك تسمع عن كريم رائع رهيب فله الا خلص..
بلوزة حلوة في المحل الفلاني تعال افلقني اذا لقيتها في اي فرع من فروع المحل..
روج وردي حلو..جزمه فلات مريحه..تنورة سوداء راكزه..مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..
فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل..
مطفرين و شغالين بلع..
من ناحيه الدراسة..
عندنا من اسوأ الجامعات والمدارس..اغبى الانظمه والقوانيين..تعقيدات ومصاعب
..
مبانينا خربانه.. قاعاتنا مكسره(اذا جيت بدخل القاعة متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(آخ آخ يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين)..
مكافأتنا ماتصرف(تخيلوا كليتنا نزلوا مكافأتنا على البنك بعد معاناه دامت لسنين من التسليم يد بيد..وبعد فتره وجيزة تطاقوا هم والبنك ورجعوا على النظام الاول)..قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيف تدرون ليه؟برضوا الشركة المسئوله عن التكييف عندنا تخاصموا مع كليتنا)..
بس وفي المقابل الشعب شغال تعليم..طلابنا كثييييير..الجامعات والمدارس مليااااانة
..واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من ثاني ثانوي تحسب الدرجات..
القدرات..
التحصيلي..
تخصصات قليلة ماترضي الطموحات..
ومازال طلابنا في الثانوي يحصدون الـ99 والـ100
.. هب عليكم..ماتعوق معهم ماشاء الله..
وبالكلية تجين مذااااااكره ومفصفصة المذكرة وبالأخير تحملين المادة؟؟لييييييييش؟؟ لأنهم بكل بساااااطه مايصححون كل الأوراق يعني أنت وحظك..<<هالكلام وحدة من البنات تقول الدكتورة بنفسها قالت لهم إنهم مايصححون كل الأوراق
سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..
بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملأ عينهم الا التراب..
عيالنا يقولون..
بناتنا..دلوعات..مايتحملون مسؤوليه..مهورهم غاليه..
ومع ذلك الزواجات على أفى من يشيل
..القاعات فل
..المشاغل زحمه..
وماليزيا تشتكى..
مافيه اماكن نتمشى فيها..
لاطبيعه ولا تطور
فماذا فعلنا؟؟..
افترشنا المخططات..
مترنا الاسواق..
استوطنا الثمامه..
شوارعنا محفره..مكسره..معفنه..
وفوق كل ذا نعاني من زحمه مو طبيعيه..
النت عندنا خايس..
وندخل النت ونسولف ونتواصل ونحمّـل ونسوى اشياء كثيييير ولا بيهمنا..
هذا الموضوع الى كل سعودية وسعودي مكافح..
سلخته الشمس واعدمت جلده..
اتعبه الكبت وكتم نفسه..
قتلته الواسطة وحطمت آماله..
صامدون
صامدون صامدون..سنعيش..سنلعب..سنحب..وسنرقص
لله دركم ما أعظمكم
والحمد لله على كل حال
منقول من إيميلي
!!!!!!!!!!!!!!!!!!!!!!!!!!!!!