الله يجزاج الف خير يا عمري رفعتي معنوياتي شوي

انا تخصصي لغه انجليزيه وتعبانه بالمره من هالتخصص ومصدومه في فس الوقت
انا كنت ممتازه بالماده ايام الثنويه وكنت احبها حيل
بس لما دخلت الكليه دخلت تخصص انا ما ابيه انا ماكنت ابي الا اللغه الانجليزيه ومع الاسف انصدمت بالتخصص اللي كنت اتحلم فيه بعد ما حلوت من تخصصي القديم

انا الحين صار لي 3 كورسات بالتخص لكن 4 بالكليه لاني امحوله تحويل داخلي
حسيت نفسي ما افهم شي واني اقل من البنات خصوصا ان اللي معانا من المدارس الاجنبيه الخاصه او اللي دارسين بره
وانظلمت باول كوري وجبت مادتين د+ من اصل ثلاث مواد تخصص
تخيلي الاحباط اللي صار فيني
والكورس اللي بعده الحمدالله رفت المعل شوي وصار فوق منطقه الخطر بشوي

يعني احنا عندنا انذار تخصص اذا كان المعدل اقل من نقطتين وانا معدلي نقطتين بالضبط
وميته خوف من هالكورس خصوصا اني عند دكاتره ما ترحم والله يستر اذا نزل معدلي راح اخذ انذار
ما تتصورين مايمر يوم الا وانا ابكي فيه نفسيتي تعبت حتى تعاملي مع اهلي صار مو حلو وصرت عصبيه زياده عن اللزوم

اختي انصحيني العطله الصيفيه جايه شنو اسوي وشنو تنصحيني اقرأ

تكفون يا بنات فعلا محتاجهل دعاكم والله نفسيتي تعبانه بالمره

حرم الدكتور
ياهلا وغلا صديقة الغربة :27:
لاتبكي ولاتشكي عزيزتي فالأمل موجود
استغلي وجودك في بريطانيا قبل ان تعودوا سالمين غانمين باذن الله
صدقيني كثيييير من اللي نعرفهم اللي رجعوا الان لو تسأليهم ايش هو الشي اللي تسووه لو رجعتوا تقولك كان استغلينا وقتنا واخذنا كورسات ومعاهد اكثر
باذن الله ماتضطري انك تشعري هالشعور لأنه لسه مافات الوقت :)
صدقيني زميلتي رجعت تقولي رحت معهد لغه لأني فاضيه ..
قالت لي رنيم تعليم اللغه له اسلوب عقييم هناك للأسف تقول ندمت على المعهد اللي رحت له في كندا وكنت اغيب عشان الحق السيل الفلاني ولا السوق العلاني واطفش منه ومن معلمته وما اتابع فيه والحين راحت علي للأسف .. يعني خلينا نستغل هالنعمه اللي ربي عطانا ياها والله يوفقك ياغالية..
وحياك
:26:

********************************

كل الاسماء متواجدة

ياحبي لتواجدك ياغالية :39:
ها ماقلتي لي جبتي لك قاموس ولا لسه :16: هههه
بجد ياعمري لاجبتيه ان شاء الله نبدا ..
والله يوفقك واحنا جميعا في خدمتك

*********************************
بـــــــــوح
عزيزتي مافيها خجل اببببببببببببببد ليييييش ياعمري واذا يعني حطوك في مستوى مبتدأين عاااادي يعني انتِ راح تظلي فيه طول عمرك؟؟ اكيد لا راح تطوري وتنتقلي لللي بعده واللي بعده واللي بعده...
اقولك تجربه يمكن تضحكي عليها بس صادقه معك وربي ..


اخوي خلص الثانوي في السعوديه وجا هنا ..
لغتــه كانت تمااااااااااااام بس مشكلته كانت في المحادثه زي الزفت مايعرف يتكلم ابد ابد وهذا شي طبيعي تعرفي اغلبنا كذا في اللغه في الدول العربية ...

المهم المشرفه قالت له راح احطك في كذا فصل لمدة ثلاث شهور على بال ماتطور محادثتك وبعدين ننقلك لفصول صعبه علميه لمدة ثلاث شهور وبعدين تقدم على الجامعه والتوفل ..
المهم .. تعرفي ايش الفصول اللي حطته فيها؟؟
حطته في فصل جغرافيا ثالث متوسط وفصل انجليزي مبتدأين اغلب الطلاب اعمارهم ماتزيد عن 15 وفصل كيميا اول ثانوي وفصل كمبيوتر اول ثانوي .. وانا قلت لك اخوي مخلص الثانوية ومتخرج منها ومعدله مرتفع مره ..

اول يوم راح فصل الجغرافيا يقول قسم بالله الفصل بزراااان لما دخل الكل سكت حسبوه الاستاذ خخخخخخخخخخخ :30:
وخاصة اخوي ماشاء الله يعني يعطي عمره اكثر بكثير يعني حجمه ماهو صغير وملتحي ودخل كان شايل شنطه بريف كيس السامسونايت تعرفي الشباب في السعوديه كيف .. وهنا ماحد يشيلها ابد الا رجال الاعمال ههههه:o
قال والله تفشلت فشيله يوم دخلت وجلست معهم بالديسك حسيت مال ابوي داعي والطلاب وراي تكركركركر من الضحك :lechz:وهم يهمسون طبعا لأنه لسه شاكين انه استاذ!!
وفي نهاية الترم عادي كون صداقات وخاصة انه اكتشف انه ثلاث ارباع الفصل مسلم فلما يصير وقت الجمعه يلم الشله ويطلعوا يصلوا واصلا ماكان في صلاة من قبل ابدا بس بديت الصلاة من هالفصل سبحان الله حق الاطفال اللي هو استهان فيه اول ماشافه والحمد الله الان لو تجي تشوفي صلاة الجمعه بهالمدرسة يحضرها حوالي 500 مسلم من الطلاب وحوالي 100 بنت .. مع انهم اصغر منه بكثير بس قال عادي بمشي اموري ماعلي بالعكس الفصل كله يحترمه ويحبه والمهم انه استفاد وطور محادثته وصال بلبل ماشاء الله ..

طبعا بعد ثلاث شهور انتقل لفصول ثالث ثانوي كيميا وفيزيا وريضيات وكان الطلاب تقريبا بعمره بس نادر مايتكلم مع احد لانه الكل مشغول والفصل مو فصل مناقشه او حكي فيقول فصل الاطفال استفدت فيه اكثر للغه وبعد هالثلاث شهور عمل دورة في امتحان التوفل حوالي شهرين وبعدها دخل الجامعه والحين باقي شوي يتخرج .. :icon28:

الهدف من القصه حبيبتي انه الحياة ماشية وانك لو دخلتي فصل اقل منك مستوى هذا مو عيب ابدا الحياة تمشي وتمشي ماتنتظر احد والشاطر اللي يستغلها في وقتها عشان مايندم بعدين ..
لاتخجلي وخوضي التجربة وباذن الله تبشرينا بنجاحك لمستوى اعلى ..
بالتوفيق
******************************************************

زهور المحبه
ياحيا الله من جانا
خذيها قااااعده ياعيوني
هونيييييييييييها تهون من عند رب العباد
صدقيني توكلي على الله وماعليك..
صح كثير منا تكون ممتازة في مادة بس لما تتعمق فيها تبدا تحس انه مو هي المادة اللي تحبها ولا كيف؟؟
بس السبب الرئيسي انا اشوف دايم يكمن في البيئة حولك يعني ممكن الاستاذ او الطلاب يكرهوك في ماده طول عمرك تحبيها والعكس صحيح..

طيب خليني اقولك تجربه من عندي اتمنى انها تفيدك لأنها تشبه وضعك مرة وانك تتأملي كيف عديتها روقي ياقلبي وتفضلي اقرأيها ...


في صف اول ثانوي هنا لي اخذت كورس رسم هندسي (هندسة عماره).. النظام عندنا هنا انه لكل مادة في اربع مراحل (تاسع-عاشر- حادي عشر- ثاني عشر) عشان تاخذي الكورس لازم تكوني مخلصه المستوى اللي قبله ..احيانا يسمحوا لك انك تاخذيه حتى لو ماعندك الكورس اللي قبله لكن (على مسؤوليتك) يعني لو رسبتي مايهم المدرسة لأنك ماأخذتي الاساس من قبل وهذا ذنبك ..

كورس العمارة هذا انا دخلت على طول عاشر وخاصة بعد ماسألت وقالوا انه تاسع نكته ومايدرسو في شي كله رسم مكعبات وخرابيط بالرصاص عادي .. ونااادر مايستخدموا الكمبيوتر ..
توكلت على الله واخذت صف عاشر..
دخلت الفصل لقيت الاستاذ شكله هندي وكان ملتحي ولحيته كثيييفه عاد انا تشققت من الفرحه :42:قلت الاستاذ مسللللم هييييييييييه

اول يوم بالكورس قال كم واحد ماخذ كورس تاسع طلع كل الفصل الا انا ..فحطها في باله اني غبيه!!
قال اوكي يلله كل واحد ياخذ كمبيوتر ويفتح برنامج الاوتوكاد ..
وانا مدري وش هو البرنامج ولا اعرف افتحه لأني مدري وينه ..
سألته .. نظر لي نظرة احتقار وقال دوريه!
المهم دورته ساعه لين لقيته اجهزة المدرسة تدخلين متاهات لين تلاقي البرنامج..
قال ارسمو مربع ..
انا ماااااااعندي فكرة يعني بس في اول الكورس انا محتاجه شوي يخليني ابدا بس هو ماعطاني وجه بالمرررررة ويزيد بنظرات الاحتقار علي ومايقر احيانا بالمسخرة علي ويقول لو ودك تحولي لفصل تاسع ماعندي مانع!! وهو مايحق له يتكلم معي فهالطريقه بس انا مؤدبة وسكت ولا قلت شي ..
وهو يزيد تهزيء يوميا وانا ماعمري رديت عليه..
بعدين لاحظت انه بس انا اللي متحطط علي يعني لو احد ثاني سأله يجلس معه احيانا نص ساعه او ساعه وانا لو سالته يقولي ناوية تضيعي وقتي انا عندي عشرين طالب غيرك!! او يقولي دوري ابحثي في النت ولا حاطين لكم انترنت عالفاضي ووووو

والله كنت اعتصر قهر جواي لأني الرسم الهندسي مجال اعشقه وهو جالس يصكها في وجهي كل ما حاولت اتعلم شي جديد .. وسواني مسخرة قدام الفصل فما احد كان يصاحبني لأنه يحسبوني كسلانه .. ومافي اصعب من شعور انك عارفه انك وحده متفوقه بس الناس تنظر لك انك غبيه وكسلانه :( ..
لا واحيانا لو سألته يجلس يعطيني محاااااااااااااضرة طويله عريضه في اساليب الاعتماد على النفس ولما يجي واحد يسال نفس سؤالي يجاوبه عادي بخمس ثواني!!!

المهم كونه ماكان يساعدني ابد صرت اتأخر في التطبيق وشي طبيعي يعني لأنه شي جديد وماعندنا كتاب نرجع له والنت صراحه ولا شي في تعليم الاوتوكاد يبي لك احد يقولك وش تسوي وكيف ترسمي الاشكال الهندسية والاقطار وتنصفيها وتخليها ثلاثية ابعاد وووو يعني موو مثل برامج غيره تجربي تجربي وخلاص ..

المهم تأخيري هو كان هو يسجله ودايم يكتب اني ما اخلص بسرعه واني بطيئة واني واني واني .. واخذنا شهادة نصف الترم .. كانت درجتي 40% :icon33:
انا كان احد ضربني كفففففف وانا شايفه انه الطلاب كلهم فرحانين اقل درجه فيهم كانت 75%
سبحان الله بهذاك اليوم في طالب سأل الاستاذ قاله استاذ انت ليش ملتحي؟؟
قاله الاستاذ ليش في بلحيتي علك عالق او شي بأسلوب طريف فضحك الولد قال لا بس ودي اعرف ..
قاله الاستاذ لأنها من تعاليم ديني ..
انا كنت انعصر من القهر حرام عليك واحد مثلك يكون مسلم حراااااااام
قاله الطالب طيب وش دينك..
قاله الاستاذ




















اليهوديه
!!!!!!!!!!!!!!!!!!










انا مدري وش صار فيني بس حسيت اني انهرت خلااااااااص :11retcher

صدقيني ماحد حس وقتها فيني غير رب العباد قلت يارب اجعل كيدهم في نحورهم واكفيني شره وخيره مابي شي منه خلاص وماتخليني اتكل على احد غيرك يارب ..

فصرت احرم نفسي من الفسحه او فترة الغدا (وهي ساعه ونص يوميا) واجي اللاب ومايكون في ولا طالب ابدا اتدرب واحاول واحاول واحاول وابحث واجرب

مو بس كذا .. الحصه كانت تبدا ثمانية وربع كنت اروح الفصل اول ماتطلع الشمس على السته ونص اصلي الفجر واطلع وادخل اللاب وابدا احاول واحاول

وفي وقت الحصه ماعاد اسأله لو اموت وهو بدا يحس اني مطنشته ويحاول يجي يشوفني اني راسمه الرسمه اللي يبيها يسكت مايعلق شي بس اذا كان في غلط على طوووول يقول ليش هذي كذا مانتي شايفه يعني شمتان ووده يلاقي شي يبرر وانا اقول اوكي بعدلها ..

مو بس كذا الدوام ينتهي ثلاثه العصر انا كنت اظل احيانا للخمسة وانا اشتغل واحاول وصرت احب البرنامج لأني تعلمته لوحدي شوي شوي

طبعا لما اكون في الصبح وبعد العصر والفسحه هو مايكون في اللاب ومافي غير طلاب وطالبات من كورسات ثانيه تكتب او تلعب او تستخدم النت مايعرفوني ولا اعرفهم ..
فما احد يعرف كيف تطورت كذا
وهو بغا ينجن يبي يعرف كيف كذا وخاصة انه عارف ماعندي البرنامج في البيت

وصار لما يوزع رسمات يعطيني اصعب ويقول معليش ماعندي نسخ من الرسمه الثانية ارسمي هذي! وانا اقوله اوكي ما اناقشه ابد ..

وفي نهاية الترم المشروع النهائي سويته والحمد الله ربي من عنده سبحان الله عطاني الطريقه والاسلوب اللي هو فعلا يبيه وخلصته قبل كل الطلاب
وانا صرت فخورة بنفسي حسيت اني سبقت ناس كانوا احسن مني
الفصل كان كله كله معجب ومنبهر بمشروعي وهو ماعلق ولا شي بس كان باين انه عاجبه ..

في نهاية الترم اخذت شهادتي وكنت ماخذه














55%
تخيلي كل هالتعب كنت اتصور اني باخذ 100 بس سبحان الله مازعلت لما شفت الخمسين قلت انا نجحت وجوا نفسي عارفه وقدام الله عارفه وقدام اهلي عارفين وقدام خلق الله عارفين وش ابي بدرجه واحد يهودي يقيمني فيها بالطقاق ..اصلا ميييين هو عشان يقيمني وش ابي فيه..

اخذت درجتي منه وكان يناظر بحقاره فأنا عشان اقهره طالعت الشهادة بانبهار وقلت
واااااااااااااااااااااااااااااااااااااااو نجحت نجحت نجحت ثانك يو سير وطلعت
:D هو شكله قضي عليه بعد ذاك اليوم ههههه

الترم اللي بعده تعرفي ايش سويت ؟؟
اخذت كورس العمارة مرة ثانية بس المستوى 12 طبعا مع استاذ غيره
لأاني اكتشفت انه لما احد يحاول يدمرك النتيجه واحد من اثنين ..
اما يدمرك فعلا.. واما يبني جواك ثقه واعتماد وقوة ماااااا احد بناها من قبل وهذا اللي صار معي الحمد الله
وخلصت صف ال12 ونجحت فيه بتفوق الحمد الله وهو ماعدت شفت خلقته من هذاك اليوم حق الشهادة .. لانه مثل ما دايم اقولكم .. الحياة ماشيه انا لي حياتي وهو له حياته انا تخرجت من الثانوي ودخلت الجامعه وهو مازال يدرس هندسة عمار صف عاشر ويعذب غيري مثل ماعذبني والشاطر اللي يفوز ..


هذي تجربتي اتمنى انك تكوني فهمتي المغزى منها عيوني صدقيني يمكن البيئة الدكاترة الطالبات كلهم مو البيئة اللي تمنيتها بس لايعمري خليك اكبر منها وخوضي التجربة لالا مو بس خوضيها عديها بتفوق كمان .. والانذار ماعليك منه من اسمه انذار ماعليك باللي صار عليك باللي راح يصير وباذن الله ماراح يصير الا كل الخير اتوسم فيك كل الخير باذن الله..
وبالنسبة للصيف نصيحه عالسريع الحين اعطيك ماعندي بس موضوع خاص بمشروع تقوية في الصيف (قيد الانشاء) :27:

رغوووووود
انت روووووعه
بصراحه ما شاء الله عليك
قرات قصتك الاخيره ...
كنت دائما عارفه انك قويه بس مش لهالدرجه
قاعده اتخيل كيف من الصبح تقعدي على اللاب او انك تبقى للمساء
الله يحميك يارب
شجعتيني اقوم ادرس هلق لنص الليل :)

انا اول شئ فكرت استاذك من السيخ
بس طلع يهودي بسيطه لاني بسمع ان السيخ يكرهونا اكثر من اليهود
بس بيبقى في اساتذه يهود مناح
و الاساتذه اليهود الي مناح الي مروا علي اكثر من المش مناح

بس واحد الله ياخذيه يارب هو هيك طبعه مع الكل و بسببه نزل معدلي الله ينزله راتبه يارب :icon33:

وعليكم السلام ورحمة الله وبركاته

ماشاء الله تبارك الله يارنيم
الله يحفظك ويزيدك ويثبتنا واياك
والله انك نعم الطالبه المسلمه المحافظه
الله يكثر من امثالك وامثال والديك اللي ربوك هالتربيه الاسلاميه


عزيزتي
انا اؤيد وبشده كلامك عن القراءه وانها الطريقه المثلى لتعلم اللغه الانجليزيه
لاحظت هذا من متابعة دراسة عيالي الله يحفظهم..
الهوم وورك عندهم غالبا يكون ريدينق وتكون قصص طويله نوعا ما
حتى لو كان بالفريست قريد يعطونهم قصص تقولين كيف يقرونها وعم لسى باول
لكن مع الوقت عرفت ان القصد منها تحسين مستوى اللغه ...

وفيه نظام عندنا مادري موجود عندكم بكندا او لا
يخصصون شهر بالسنه للقراءه ويسمونه ريدنيق منث وتكون القراءه فيه مكثفه جدا
والفصل اللي يقراء ساعات اكثر يكون هو الفائز
هذا غير الورقه اللي يعطونها الطالب كل شهرويطلبون منه قراءة كتب و قصص
لساعات معينه
ومن ثم تسجيل هذه الساعات في تلك الورقه وفي نهاية الشهر يسلمها للمعلمه وبدورها توقعها وتكافئه بهديه مقدمه من بيتزا هت ..

فمثلا الطالب اللي في سكيند قريد يخصصون له 300 دقيقه قراءه خلال الشهر
يقراء كل يوم 20 دقيقه...
وبذلك تتحسن لغة الطالب ويرتقي اسلوبه في القراءه..

وايضا مكتباتهم مفتوحه للجميع كبار وصغار حتى الطفل اللي عمره بالاشهر له كتب خاصه فيه
يعني ينمون حب القراءه عند اطفالهم من نعومة اظافرهم ..



طولت بالكلام يارنيم لكن اسلوبك ماشاء الله شدني للكتابه والمشاركه
بارك الله فيك
ويانتظار جديدك