إلى متى نضيع رواتبنا؟

السلام عليكم ورحمة الله
بنات انا أبي أناقشكم بموضوع شاغل بالي له فتره
وأبي أعرف أنا غلطانه ولا لا؟
أنا لاحظت كل سوالف المدرسات والموظفات وحتى ربات البيوت كالتالي؟
رحتي المول الفلاني ؟مسوي تخفيضات أنا توني رايحه له وخمييييت لا يفوتكم
وتجي الثانية وتقول اما البضاعه بمذركير خياال هالمره لاتفوتونه ويركضون عليهط
وبعد اسبوع تجيك الثالثه وتتكلم عن محل المواعين وارركضوا لايفوتكم
النتيجة:
تعبت الدواليب ملابس مابقى اكسسوار ولا شنطه ولا فستان الا وانشرى
والحسابات فاضيه ماااافيها الا الريالات ااخر الشهر وتتقاعد الوحده ماعندها شي
قضت عشرين سنه من عمرها تقوم من الفجر تركض على دوامها وماترجع الا منهده والحصيلة دواليب ملابس
اتمنى أجلس مره مع حريم ويتكلمون كيف نجمع ونشتري ارض؟ او كيف تبني لها بيت؟ او مشروع سيارة وسواق مشاوير
أتمنى يتكلمون بالاستثمار أو كيف نستفيد من هالشغل بترتيب مستقبل لأولادنا
أنا غلطانه يابنات؟انتوا تفكرون مثلي؟ ليش ماعندنا تفكير بهالمواضيع؟ ليش الموظفه تصرف زي التاجره اللي عندها رصيد بالملايين وهي ماعندها غير هالراتب تحرقه من اول الشهر؟