إلى متى يابنات،،،،

السلام عليكم ورحمة الله وبركاته،،

حبيت اطرح موضوع النقاب ،،اللي نعرفه العين بس هي اللي تطلع ،،

وعندنا بنات السعوديه الله يهديهم مو العين بس كل الوجه اتوقع يطلع من النقاب،،

هذا اللي شفته عندنا،،

والله يابنات اني شفت واحده نقابها واسع مره باقي خشمها وفمها بس

اهم شي تطلعه حواجبها اللي نامصتهم والله اني تخرعت يوم شفتها

شكلها بشع جلست اطالع فيها اتوقع انها انتبهت لي لاني جد من الخرعه ثبت في

مكاني النقاب هذا يخوف اتوقع اللي يشوفها يخترع منها ملفته للنظر

ودي افهم ليه كذا الى متى وهم على هذا الحال احس فيه تنافس

بلبس العبايه الكشخه اشكال والوان والنقاب واللثمه ولا غير كذا يوم التفتت اللي

ماادري هو نقاب والا ايش طلع وجها من عند فمها شوي ولونه غير الحمد لله

على العقل المكياج نص نص هذا اللي يسمونه مكياج السوق

سؤال وين اهلهم عنهم معقوله راضين لبناتهم يطلعون بهذا الشكل اللي يقهرني

اني اشوف حرمه كبيره معهم ورجال او اخو اي رجال راضي لبناته بهذا اللبس

وين غيرتكم يامسلمين ،،تتركون الكفار يضحكون على عقولكم،،

البنت اللي تلبس مثل كذا عاجبها شكلها تطلع والكل يطالع فيها الشباب والله

يضحكون على اشكالكم واللي عنده ايمانبالله وغيره على اهلها ويخاف عليهم

مايرضى يلبسون كذا ،،

اتمنى تتقبلون كلامي بصدر رحب لاني جد خايفه عليكم يابنات مع اني اتوقع بنات

حواء اللي هنا مايلبسون اللي انا تكلمت عنه اتمنى من كل قلبي والله،،


والله يستر على بنات المسلمين ،،

مع خالص حبي لكم يابنات المنتدى،،