رفا المدينه
•
تسلمي الله يجززززاك الف خير
ماشاء الله الموضوع من عام 1426 وما أدري هل صاحبته متواجده الى الآن أو لا
لكني أسأل أن يجزيها خير الجزاء حاضره أو غائبه وأن يجعل كل حرف في هذا الموضوع في موازين حسناتها
وانا صاحبة تجربه ومريت في ابتلاء مع زوجي في أول أشهر من زواجي وطبقت اللجوء الى الله وجاني الفرج بفضل الله❤
بدايتها بالشخصيه اللي ماتتوافق مع شخصيتي اضافه الى البرود والاهمال العاطفي وغموضه اللي يذبح .. حتى في شهر العسل مادلعني الدلع اللي اسمع الناس يتكلمون عنه بصراحه كانت سفره عاديه وفيها مواقف كثير زعلتني حتى الشارع يقطعه لحاله مايفكر يمسك يدي وياخذني معاه مع اننا في ديره اجنبيه الله المستعان ولما زعلت منه قال انتي اللي انتبهي وخلك وراي الحقيني
ثم بعد شهرين او ثلاثه من زواجي يفاجأني بأنه يطلب مني انام عند اهلي كم يوم بدون لايوضح لي اي اسباب
والكم يوم هذي صارت اسبوع ثم عشرة ايام ثم اسبوعين ثم ثلاثه بدون لا يكلمني وجواله دائما مغلق وبعد استفسارنا من اهله تفاجأت انهم كمان ماعندهم خبر عن غيبته وكانو يتوقعون اني انا وياه مسافرين وساكتين
وبعد التحري بدقه جاني الخبر كالصاعقه انه مسجون
بسبب شي قد سواه قبل لا يتزوجني بوقت طويل واتحفظ على السبب لانها غلطه وتاب منها الله يغفر له ويتوب علينا وعليه
لكن الشرطه مااستدعوه الا بهالوقت بداية زواجنا وفضل انه يروح بدون مايخبرني عشان ماانصدم يحسب السالفه تحقيق ويوم يومين وبيرجع لكن سالفته طولت
ولما جاني الخبر انهرت في داخلي بسبب صدمتي فيه وبنفس الوقت جلست افكر شلون ماصار هالشيء الا بهالوقت بالذات ايام زواجنا وحسيت انه ابتلاء من الله له ولي كون انهم ماااستدعوه الا بأحلى ايام حياتنا ،، لكني بوهله كذا انتبهت و استغفرت ربي وحمدته على قضاءه وقدره وسترت على نفسي وعليه ولا علمت اي احد من اخواني واكتفيت بأمي واختي
ولجأت الى الله لاني تفكرت في نفسي لقيتها مقصره في حق ربي فبديت اتقرب من الله ومن كل شي يرضيه
أولا / صليت ركعتين وتبت فيها من كل تقصير واستغفرت فيها من كل ذنب يغضب ربي ورجيت ربي يسامحني على تقصيري ويغفر لي ويتوب علي
ثانيا/ تذكرت ناس ظلموني من قبل وماكنت مسامحتهم فقلت بسامحهم لاجل الله وبعفو عنهم عشان ربي يعفو عني وعن زوجي ويطلع من السجن
ثاالثا/ تذكرت مجالسنا وكيف انها ماتخلو من الغيبه بقصد او بدون قصد فصرت ادعي واستغفر لكل من جبت طاريه بقصد او بدون قصد وعاهدت نفسي مااجيب طاري احد الا بخير او اسكت ابرك لي
رابعا/ حافظت على الفروض في وقتها وعلى السنن الرواتب وصرت اصلي بقلب حاضر
خامسا/ حافظت على اذكار الصباح والمساء واذكار مابعد الصلاة
سادسا/ اتحرى اوقات الاجابه بين الاذان والاقامه ، وفي السجود ، وقبل السلام من الصلاة ، وقبل الافطار وعند الافطار اذا كنت صايمه وادعي من كل قلبي دعاء الغريق المضطر الملهوف
سابعا/ حافظت على صلاة القيام والوتر وكنت ادعي فيها ببكاء وتضرع وتذلل لله وانه وحده اللي بيده الفرج وتسهيل الامر وتيسير العسير
ثامنا/ كنت دائما على وضوء وماتتخيلون الراحه النفسيه لما تكونين على طهاره 24 ساعه
اضافه الى اني اكرر الاذكار التاليه على 100 مره واحيانا تزيد
- لا اله الا الله وحده لاشريك له له الملك وله الحمد وهو على كل شيء قدير
ولما كنت اقول هذا الذكر واكرره كنت استشعر قدرة الله وانه قادر على كل شيء وقادر يفرج همي ويطلع زوجي من السجن
- سبحان الله والحمدلله ولااله الا الله والله أكبر
لما كنت اقوله واكرره احس اني قريبه كثير من الله لأنها احب الكلمات إليه فاستشعر حب الله لي لاني اقولها واكررها واستشعر انه بيعطيني مااحب
- لاحول ولاقوة الا بالله العلي العظيم
لما كنت اقوله كنت استشعر قدرة الله في تغيير الاحوال وكنت اكرره وانا متفائله ان الله بيغير احوالي للافضل لأني برأت الى الله من حولي وقوتي ولجأت الى حوله وقوته
- سبحان الله وبحمده
ان قلتها في يوم 100 مره حطت الخطايا وان كانت مثل زبد البحر
وكلنا ذلك العبد المذنب الذي بحاجه الى ان تنحط خطاياه ويغفر ذنبه لكي يتحقق مراده
اضافه الى التسبيح بصيغ متعدده
سبحان الله وبحمده سبحان الله العظيم خفيفتان على اللسان ثقيلتان في الميزان حبيبتان الى الرحمن
سبحان الله وبحمده عدد خلقه ورضا نفسه وزنة عرشه ومداد كلماته
- اضافه الى الاكثار. من الصلاة على النبي محمد صلى الله عليه وسلم ( يغفر ذنبك وتكفى همك)
وانا كنت بحاجة يغفر ذنبي واكفى همي
تاسعا/ الاستغفااااار ادمنته بشكل فكنت استغفر في اليوم مو اقل من الف استغفار و بأكثر من صيغه وخاصه وقت السحر لان الله اثنى على المستغفرين بالاسحار
عاشرا/ الصدقه وربي ان امرها عظيم خاصه اذا كانت بينك وبين ربك
تطفئ غضب الرب وتدفع ميتة السوء
كنت اي شيء اسويه انوي به صدقه
طبخت طبخه صدقه
فرحت طفل صدقه
ساعدت خواتي صدقه
طبخت طبخه صدقه
ابتسامه صدقه
اسقي الزرع والطيور والقطط صدقه
وكان معي مبلغ بسيط مامعي فبوكي غيره نسيت كم بالضبط بس يمكن 300 او 400 مو متذكره
اعطيته اخوي وقلت رح التموينات واشتر بها مواد غذائيه وعطها اي اسره محتاجه
يقول اخوي من لما طلعت من التموينات الا قابلت حرمه كبيره وباين عليها الحاجه وكأن الله مرسلها لي واعطيتها علطول المواد الغذائيه وفرحت كثير وصارت تدعي
وفرحت وربي بهالشي ودعيت الله وقلت يارب ان كنت تدري اني قضيت حاجة هالعجوز وفرحتها ابتغاء وجهك ومرضاتك فيارب اقضي حاجتي وفرحني برجوع زوجي
والله ثم والله يابناات كل هاللي قلته لكم فوق يمكن عشرة ايام او اسبوعين بس وبعدها بدت تنفرج
اولها قدر زوجي يكلمني من السجن بعد انقطاع دام شهر وكلمني وكله اسف وندماااااان عاللي صار ويتعذر بشكل لدرجة لو كنت عنده باس رجلي
وكان يطلب رضاي ومايبي الا اني بس ارضى عنه وكان خايف اني اطلب الطلاق واتخلى عنه ويقول موتي ولا تخليني
مر اسبوع وهو كلما حصل جوال في السجن كلمني منه وكان بيموت ينتظر اللحظه اللي يطلع فيها عشان يرجع لي ويعتذر مني ويسوي المستحيل عشان يرجعني
لاني قلت له اللي صار مو شي سهل صدمتني فيك وتعبت نفسيتي وانهارت صحتي ولا تتوقع اني برجع لك وان رجعت لك بيكون بصعوبه
وبعدها بكم يوم طلع من السجن يارب لك الحمد ورجع وتحمدت له بالسلامه لكني مارجعت معاه البيت الا بعد محاولات اسبوع لاني كنت ابيه يحس باللي سواه فيني
وقال مالك الا اللي يرضيك بس تعالي
وفعلا لما رجعت حصلت انسان ثاني حصلت انسان فوق الخيال وربي مامر علي في ايام الخطوبه ولا حتى بداية الزواج وشهر العسل ،،
شي مااقدر اوصفه من الحب والحنان والتقدير والاحترام والدلع والولع حتى صلاته يارب لك الحمد حافظ عليها وبالمسجد
وبيتي صار جنه لدرجة اني لارحت ازور اهلي انتظر بس متى يجي وارجع لبيتي من زود الهنا والراحه
وربي لو امر من يمه يفرد يدينه عشان يحضني يا الله هالحركه كنت اتمناها بشهر العسل وماسواها سبحان الله
من غير التمشيات والمطاعم والطلعاات واخذ لي ليلة بفندق كأننا معاريس جدد
وغير اللي سمي وآمري وابشري وربي شي مو طبيعي
وكل هذا كان بفضل الله وسعة رحمته والخيره اللي اختارها لي بسبب اني لجأت لله وتقربت منه كثييييير
وفعلا من وجد الله فماذا فقد ومن فقد الله فماذا وجد؟
هذا فعلا انطبق على حياتي قبل التقرب لله كنت مفلسه من اشياء كثير كنت اتمناها وبعد اللجوء والتقرب الى الله انهال علي فضل ربي وعطاياه حتى الاشياء البسيطه وربي انها تحققت
اهم شي الموااااااصله والتقرب الى الله دائما وأبدا في السراء والضراء وفي السعه والضيق
انا بصراحه مااستمريت وقصرت في طاعتي وبدت حياتي ترجع لبرودها وركودها وبدت ترجع الاشياء اللي تضيق صدري منه ،،
فصرت اراجع نفسي وادري اني مقصره مع الله فأحاول ارجع نفس قبل واقوي علاقتي مع الله
وكلما صارت بيني وبينه مواقف تضيق الصدر وتزعل لجأت الى الله واستغفرت وشوي الا تهدا الامور
عشان كذا حطوا ببالكم تقصيرك في عبادتك وتقصيرك مع الله يعني حياة خاويه وخاليه من الملذات
وبقدر ارضاءك لله يرضي عنك الناس ويبارك لك ويسهل امورك ويحقق مرادك
اسأل الله ان يسهل امورنا ويفرج كرباتنا ويحقق امنياتنا انه على كل شيء قدير وبالاحابة جدير
لكني أسأل أن يجزيها خير الجزاء حاضره أو غائبه وأن يجعل كل حرف في هذا الموضوع في موازين حسناتها
وانا صاحبة تجربه ومريت في ابتلاء مع زوجي في أول أشهر من زواجي وطبقت اللجوء الى الله وجاني الفرج بفضل الله❤
بدايتها بالشخصيه اللي ماتتوافق مع شخصيتي اضافه الى البرود والاهمال العاطفي وغموضه اللي يذبح .. حتى في شهر العسل مادلعني الدلع اللي اسمع الناس يتكلمون عنه بصراحه كانت سفره عاديه وفيها مواقف كثير زعلتني حتى الشارع يقطعه لحاله مايفكر يمسك يدي وياخذني معاه مع اننا في ديره اجنبيه الله المستعان ولما زعلت منه قال انتي اللي انتبهي وخلك وراي الحقيني
ثم بعد شهرين او ثلاثه من زواجي يفاجأني بأنه يطلب مني انام عند اهلي كم يوم بدون لايوضح لي اي اسباب
والكم يوم هذي صارت اسبوع ثم عشرة ايام ثم اسبوعين ثم ثلاثه بدون لا يكلمني وجواله دائما مغلق وبعد استفسارنا من اهله تفاجأت انهم كمان ماعندهم خبر عن غيبته وكانو يتوقعون اني انا وياه مسافرين وساكتين
وبعد التحري بدقه جاني الخبر كالصاعقه انه مسجون
بسبب شي قد سواه قبل لا يتزوجني بوقت طويل واتحفظ على السبب لانها غلطه وتاب منها الله يغفر له ويتوب علينا وعليه
لكن الشرطه مااستدعوه الا بهالوقت بداية زواجنا وفضل انه يروح بدون مايخبرني عشان ماانصدم يحسب السالفه تحقيق ويوم يومين وبيرجع لكن سالفته طولت
ولما جاني الخبر انهرت في داخلي بسبب صدمتي فيه وبنفس الوقت جلست افكر شلون ماصار هالشيء الا بهالوقت بالذات ايام زواجنا وحسيت انه ابتلاء من الله له ولي كون انهم ماااستدعوه الا بأحلى ايام حياتنا ،، لكني بوهله كذا انتبهت و استغفرت ربي وحمدته على قضاءه وقدره وسترت على نفسي وعليه ولا علمت اي احد من اخواني واكتفيت بأمي واختي
ولجأت الى الله لاني تفكرت في نفسي لقيتها مقصره في حق ربي فبديت اتقرب من الله ومن كل شي يرضيه
أولا / صليت ركعتين وتبت فيها من كل تقصير واستغفرت فيها من كل ذنب يغضب ربي ورجيت ربي يسامحني على تقصيري ويغفر لي ويتوب علي
ثانيا/ تذكرت ناس ظلموني من قبل وماكنت مسامحتهم فقلت بسامحهم لاجل الله وبعفو عنهم عشان ربي يعفو عني وعن زوجي ويطلع من السجن
ثاالثا/ تذكرت مجالسنا وكيف انها ماتخلو من الغيبه بقصد او بدون قصد فصرت ادعي واستغفر لكل من جبت طاريه بقصد او بدون قصد وعاهدت نفسي مااجيب طاري احد الا بخير او اسكت ابرك لي
رابعا/ حافظت على الفروض في وقتها وعلى السنن الرواتب وصرت اصلي بقلب حاضر
خامسا/ حافظت على اذكار الصباح والمساء واذكار مابعد الصلاة
سادسا/ اتحرى اوقات الاجابه بين الاذان والاقامه ، وفي السجود ، وقبل السلام من الصلاة ، وقبل الافطار وعند الافطار اذا كنت صايمه وادعي من كل قلبي دعاء الغريق المضطر الملهوف
سابعا/ حافظت على صلاة القيام والوتر وكنت ادعي فيها ببكاء وتضرع وتذلل لله وانه وحده اللي بيده الفرج وتسهيل الامر وتيسير العسير
ثامنا/ كنت دائما على وضوء وماتتخيلون الراحه النفسيه لما تكونين على طهاره 24 ساعه
اضافه الى اني اكرر الاذكار التاليه على 100 مره واحيانا تزيد
- لا اله الا الله وحده لاشريك له له الملك وله الحمد وهو على كل شيء قدير
ولما كنت اقول هذا الذكر واكرره كنت استشعر قدرة الله وانه قادر على كل شيء وقادر يفرج همي ويطلع زوجي من السجن
- سبحان الله والحمدلله ولااله الا الله والله أكبر
لما كنت اقوله واكرره احس اني قريبه كثير من الله لأنها احب الكلمات إليه فاستشعر حب الله لي لاني اقولها واكررها واستشعر انه بيعطيني مااحب
- لاحول ولاقوة الا بالله العلي العظيم
لما كنت اقوله كنت استشعر قدرة الله في تغيير الاحوال وكنت اكرره وانا متفائله ان الله بيغير احوالي للافضل لأني برأت الى الله من حولي وقوتي ولجأت الى حوله وقوته
- سبحان الله وبحمده
ان قلتها في يوم 100 مره حطت الخطايا وان كانت مثل زبد البحر
وكلنا ذلك العبد المذنب الذي بحاجه الى ان تنحط خطاياه ويغفر ذنبه لكي يتحقق مراده
اضافه الى التسبيح بصيغ متعدده
سبحان الله وبحمده سبحان الله العظيم خفيفتان على اللسان ثقيلتان في الميزان حبيبتان الى الرحمن
سبحان الله وبحمده عدد خلقه ورضا نفسه وزنة عرشه ومداد كلماته
- اضافه الى الاكثار. من الصلاة على النبي محمد صلى الله عليه وسلم ( يغفر ذنبك وتكفى همك)
وانا كنت بحاجة يغفر ذنبي واكفى همي
تاسعا/ الاستغفااااار ادمنته بشكل فكنت استغفر في اليوم مو اقل من الف استغفار و بأكثر من صيغه وخاصه وقت السحر لان الله اثنى على المستغفرين بالاسحار
عاشرا/ الصدقه وربي ان امرها عظيم خاصه اذا كانت بينك وبين ربك
تطفئ غضب الرب وتدفع ميتة السوء
كنت اي شيء اسويه انوي به صدقه
طبخت طبخه صدقه
فرحت طفل صدقه
ساعدت خواتي صدقه
طبخت طبخه صدقه
ابتسامه صدقه
اسقي الزرع والطيور والقطط صدقه
وكان معي مبلغ بسيط مامعي فبوكي غيره نسيت كم بالضبط بس يمكن 300 او 400 مو متذكره
اعطيته اخوي وقلت رح التموينات واشتر بها مواد غذائيه وعطها اي اسره محتاجه
يقول اخوي من لما طلعت من التموينات الا قابلت حرمه كبيره وباين عليها الحاجه وكأن الله مرسلها لي واعطيتها علطول المواد الغذائيه وفرحت كثير وصارت تدعي
وفرحت وربي بهالشي ودعيت الله وقلت يارب ان كنت تدري اني قضيت حاجة هالعجوز وفرحتها ابتغاء وجهك ومرضاتك فيارب اقضي حاجتي وفرحني برجوع زوجي
والله ثم والله يابناات كل هاللي قلته لكم فوق يمكن عشرة ايام او اسبوعين بس وبعدها بدت تنفرج
اولها قدر زوجي يكلمني من السجن بعد انقطاع دام شهر وكلمني وكله اسف وندماااااان عاللي صار ويتعذر بشكل لدرجة لو كنت عنده باس رجلي
وكان يطلب رضاي ومايبي الا اني بس ارضى عنه وكان خايف اني اطلب الطلاق واتخلى عنه ويقول موتي ولا تخليني
مر اسبوع وهو كلما حصل جوال في السجن كلمني منه وكان بيموت ينتظر اللحظه اللي يطلع فيها عشان يرجع لي ويعتذر مني ويسوي المستحيل عشان يرجعني
لاني قلت له اللي صار مو شي سهل صدمتني فيك وتعبت نفسيتي وانهارت صحتي ولا تتوقع اني برجع لك وان رجعت لك بيكون بصعوبه
وبعدها بكم يوم طلع من السجن يارب لك الحمد ورجع وتحمدت له بالسلامه لكني مارجعت معاه البيت الا بعد محاولات اسبوع لاني كنت ابيه يحس باللي سواه فيني
وقال مالك الا اللي يرضيك بس تعالي
وفعلا لما رجعت حصلت انسان ثاني حصلت انسان فوق الخيال وربي مامر علي في ايام الخطوبه ولا حتى بداية الزواج وشهر العسل ،،
شي مااقدر اوصفه من الحب والحنان والتقدير والاحترام والدلع والولع حتى صلاته يارب لك الحمد حافظ عليها وبالمسجد
وبيتي صار جنه لدرجة اني لارحت ازور اهلي انتظر بس متى يجي وارجع لبيتي من زود الهنا والراحه
وربي لو امر من يمه يفرد يدينه عشان يحضني يا الله هالحركه كنت اتمناها بشهر العسل وماسواها سبحان الله
من غير التمشيات والمطاعم والطلعاات واخذ لي ليلة بفندق كأننا معاريس جدد
وغير اللي سمي وآمري وابشري وربي شي مو طبيعي
وكل هذا كان بفضل الله وسعة رحمته والخيره اللي اختارها لي بسبب اني لجأت لله وتقربت منه كثييييير
وفعلا من وجد الله فماذا فقد ومن فقد الله فماذا وجد؟
هذا فعلا انطبق على حياتي قبل التقرب لله كنت مفلسه من اشياء كثير كنت اتمناها وبعد اللجوء والتقرب الى الله انهال علي فضل ربي وعطاياه حتى الاشياء البسيطه وربي انها تحققت
اهم شي الموااااااصله والتقرب الى الله دائما وأبدا في السراء والضراء وفي السعه والضيق
انا بصراحه مااستمريت وقصرت في طاعتي وبدت حياتي ترجع لبرودها وركودها وبدت ترجع الاشياء اللي تضيق صدري منه ،،
فصرت اراجع نفسي وادري اني مقصره مع الله فأحاول ارجع نفس قبل واقوي علاقتي مع الله
وكلما صارت بيني وبينه مواقف تضيق الصدر وتزعل لجأت الى الله واستغفرت وشوي الا تهدا الامور
عشان كذا حطوا ببالكم تقصيرك في عبادتك وتقصيرك مع الله يعني حياة خاويه وخاليه من الملذات
وبقدر ارضاءك لله يرضي عنك الناس ويبارك لك ويسهل امورك ويحقق مرادك
اسأل الله ان يسهل امورنا ويفرج كرباتنا ويحقق امنياتنا انه على كل شيء قدير وبالاحابة جدير
الصفحة الأخيرة