إلى من يهمه الامر الى اهل جدة ومكة

ام تينة ماابغى اقولك الطريقة


زعلانة عليكي


عشان


اولا : مارديتي على موضوعي اللي اسمة كوكتيلات زي كوكتيلات الفنادق



عشان كده ماابغى ارد عليكي



تانيا : عشانك قلتي لاهل مكة وجدة بس



طيب وانا فين رحت ؟؟؟؟؟


زعلانة


لا تحاولي


ماحقولك




طيب طيب .... خلاص لا تزعلي


بس اوعدني اول شيء تردين على موضوع كوكتيلات زي كوكتيلات الفنادق



طيب يالله روحي ردي بعدين تعالي وانا اقولك الطريقة



يالله روحي بسرعة




ماشاء الله رديتي خلاص



والله ماادري عنك انا بروح لصومعة كوكتيلاتي واشوف اذا رديتي ولالا




طيب


يالله خدي الطريقة

اولا الكمية تكفي فنجانين تقريبا


ههههههههههههه اقتصادية

عاد انتي زودي المقدار اذا الاهل كثير


يالله فنجان ليه وفنجان لكي :)


المقادير
نصف ملعقة شاي نشا او رز مطحون طبعا الرز مو ناااعم مرة لا خليه زي المجروش كده

سكر للتحلية حسب الرغبة

واحد ونصف فنجان حليب
نصف فنجان ماء


استلمي الطريقة


امزجي السحلب مع الموية كويس الين مايذوب النشاء او يتغير لون الموية اذا حطيتي رز
اغلي الحليب وصبي عليه مزيج النشا او الارز وانتبهي لازم تقلبي بشكل مستمر منعا للتكتل والتعقد
حطي السحلب على النار واستمري قلبي لغاية ما يغلي السحلب
صبي لي فنجان وصبي لك فنجان وذري على الفناجين قرفة ناعمة

واشربي فنجانك وانا اشرب فنجان ونجلس نسولف سوى



ها مرتاحة ولا كمان تبغي اهل جده ومكة يساعدوكي ترى اناديهم لكي اذا ماارتحت من سواليفي :):):):)
باي سويتي

هلا ام تينة العفو حبيتي والله كان على بالي اقولك على السحلب دا اللي عند العطار بس ماتذكرت الا بعد ماارسلت الرد عموما شوفي هو ماحيختلف الطعم كتير
والاغلبية مايكون متوفر عندهم السحلب دا عموما لو حبيتي حطيه واذا مو عندك الرز يؤدي الغرض وبالمرة خدي


النارجيل لما تحطيه لا تحطيه الا بعد السوى يعني بعد مايستوي تمام
يعني حطيه واخلطيه قبل ماتصبينهم في الفناجين

بالنسبة للوز والفستق همه للتزين واضافة النكهة مش اكثر يعني ابدا مو لازمين ودولي كمان ماتحطيهم الا مع القرفة


تصدقي ام تينة حسبت ماعندك فكرة نهائي عن السحلب فقلت اقولك على اساس طريقة والملحقات مو لازم


بس ماشاء الله عليكي تاني مرة اقولك على راح اقولك عليه من الاول للاخير



تسلمي سنيورة ام تينة على الرد وراح انقل ردي دا كمان على موضوعك لتعم الفائدة

كل الحب وبوسة مخصوص لتينة