إلى وردات الخبر أبيكم بسالفـــــــــــة

يامســـــــــاء القشــــــــطه ,,,

انا مو من الخبر بس من الشرقيه بقولك اللي اعرف ..
بالنسبه للمطاعم عندك باتي فرانس اللي على الكورنيش جنب السيفوي كله قزاز مررره حلو خصوصا غدا اقعدو فوق مو تحت ..
تشيليز طبعا حلو عشا بس احيانا يكون زحمه ويعطونكم وقت انتظار بس مايطولون ..
على شارع الظهران اللي بين الراشد والكورنيش فيه مطعم التنور الصيني ومطعم اوليف قاردن الايطالي على يمينك وانتي رايحه الكورنيش كله بنفس المبنى ..
مطعم جاندولا عند الكورنيش بس من داخل يعني نفس جهة السيفوي بين باتي فرانس وقزاز فيه شارع تدخلينه وتلقينه على يسارك هو مطعم ايطالي ..

هذيك المنطقه منطقة الكورنيش واللي حوله كللها مطاعم بتلقين فيها ابل بيز والمطاعم السريعه وكم مطعم بعد احلى شي للتمشي ..

اما الاسواق انتي عارفه اكيد الراشد بس تراه بايخ وقديم لاتحرصين عليه الا لشي واااحد لايفوتك احلى شي بالراشد كلله هو كوفي شوب اسمه لاميزن دو كافيه "كافيه نجار" هذا تلقينه بالدور الثالث قبال المهباج عندهم احلى تشيز كيك بالحياة لايفوتك وكمان التركش كوفي حقتهم عذاااااب خواتي اذا جو من الرياض لازم يمرونه وعلى فكره تلقينه بنفس امتداد جاندولا عالكورنيش بس حق الراشد اروق

والظهران مول مرره حلو وكبير وفيه كلل المحلات وبعضها لاول مره تفتح فيه وفيه عند بوابة المطاعم تلقين مطعم ناسيه اسمه بس شكله حلو ..

اذا كان معاكم اطفال انصحكم بمكان صدق قدييم بس بعد التجديد صاير راايق وياحلو الشاهي فيه اسمع "القلعه" هذا نفس الشي على امتداد جاندولا مره قريب منه هو مكان مكشوف فيه العاب الكترونيه والعاب ملاهي وقعدات راايقه حولها نوافير ودفايات واخر شي فيه قسم للحيوانات مره ينبسطون عليه الاطفال وريحته مو شينه ابد وفيه تلفزيونات اذا رحتو اطلبو ابريق شاهي مع نعناع وتقهوو ..

فيه مطعم حلوووو للفطور اللي هو بالدور التاسع برامادا للشقق الفندقيه برضو عالكورنيش وكمان باتي فرانس حلو فطور

وفيه بعد جوفريز نفس الشي على امتداد جاندولا على الكورنيش ,,

هذا اللي اتذكر بس ان شالله البنات ماهم مقصرين :)