مرحبا
حبيت أكتب طريقتي للكسلانات وللي ماتحب كثرة الخرابيط والخلطات،،
أنا فقط راح أكتب الاشياء الي جابت نتيجة فقط
ولا تنسون الي يناسبني يمكن مايناسبك ، لان كل وحدة تختلف درجة سمارها ونوعية بشرتها
لكن وش نسوي الواحد يطبق لين يطيح عالشيء الي يناسبه
بشرة ويهي مختلطة
منطقة التي دهنية والباقي عادي الى جاف
بسم الله نبدأ
بالنسبة للجسم:
استخدمت طريقة الاخت قلب ولب جزاها الله خير،، لي الان 3 اسابيع استخدمها
http://forum.hawaaworld.com/showthread.php?t=1303760
تعليقي على وصفتها:
الحلو بهالوصفة ان كميتها تكفيك اسبوع، في حال استحميتي يوم ايه ويوم لا (زي ما انا اسوي)
انا استغنيت عن الحلبة والجلسرين فقط في اول اسبوعين، وفي الاسبوع الثالث برضوا مازلت مستغنية
عن الجلسرين والحلبة بس أضفت الكركم (عشان اضمن توحد لون بشرتي والكركم اشتريه اعواد وانا الي اطحنه) ولا تنسون السدر ، وبالنسبة للزيوت
انا احط زيت السمسم لانه اكثر ترطيب
والحلو كمان بهالخلطة انك ماتخليها على جسمك ساعةاو ساعتين، انا لما ادخل استحمى ، اول شيء ارفع شعري
واحط وصفة السدر على كامل جسمي مع فرك بسيط جدا ، بعد كذا احط اي قناع بخاطري على وجهي
ثم اروح اغسل شعري تمام، عقبها البس قفاز بودي شوب وافرك جسمي على خفيف لين تتساقط
بقايا الخلطة ، ثم احط على جسمي الصابون السائل تبع St. ives الكولاجين
وبس
هالطريقه تاخذ ربع ساعه اذا انتي سريعه او ثلث اذا بطيئة ونص ساعة اذا انتي على رواق
يعني مايتعدى نص ساعه، انا ماحب الخلطات الي تجلسي فيها ساعتين بس تلزق بملابسك وتخليك
تتكيسلي بالاستمرار بس هذي حلوة كل شيء بالحمام مرة وحدة
صاحبة الموضوع قالت لاحظت بياض من اول مرة(يمكن عشانها حاطة حلبه مدري) ، انا لاحظت في الاسبوع
الثالث بدى يتوحد لون ظهري من الاعلى فقط ، اما النعومة صادقة لاحظتها من اول مرة
المحور الاخر من موضوعنا هو الترطيب:
طريقة وحدة من الاخوات ناسية اسمها تبع ترطيب البشرة والمحافظة عليها من التشققات،،
وهذا نص من كلام الاخت:
مقادير متساويه من كل من؛
كوكو بتر لوشنcocoa butter lotion..(بس مو حق بالمرز)
جليسرين ابيض.(من الصيدليه)
بيبي جونسون جل
شوية زيت لوز(من المعصره)
واللي عندها خطوط السليوليت البيضا في جسمها تضيف كميه من استرتش ماركر حق لوريال....
هذي هي الخلطه انا مااقتنعت في البدايه بس لما شفت النتيجه حسيتها كنز...مرررره ممتازه تصفي اللون وتوحده وتشد الجسم وتنعمه تخليه مثل المخمل والاهم ريحتها روووعه
أنا حطيت نصف لوشن بالمرز لاني مالقيت الي هي تقوله + علبه جلسرين الصغيرة+ نص علبه جل جونسون
+ نص علبه لوريال+ (يفضل شوي مررررررررررة من زيت اللوز لاني حطيت نص علبه وطلعت زيت شوي)
المهم هالطريقه تعتبر الترطيب اليومي بالنسبة لي وتخلي جسمك نااااااااااااعم بلمعه حلوة وتفضل النعومة
لبكرة
بالنسبة للتفتيح المناطق الداكنة:
ألدوكوين ،، استخدم طبقة خفيفة جداااااااااا مرة وحدة باليوم لاسفل الظهر والبطن
لاحظت مناطق صغيرة فتحت بشكل خفيييييييييييف جدا ومناطق حالفه علي ماتتغير
هذا بعد استخدام شهر ونص
بالنسبة للحبوب:
ديفرين ليليا الى ان تحسي وجهك صفى، بعدها 3 مرات بالاسبوع
عشان تحافظي عالنتيجة
+ بنزاك فقط على رأس الحبه عندما تظهر
للعيون :
ليليا كريم DDF بالريتينول
في الصباح ارطب عيوني بكريم زبدة الشيا من لو كسيتان حلو
بالنسبة للشعر:
انا ناسيته مررررررررة يعني ماحط شيء ابد اللهم بعد ماغسله احط عليه
بلسم من غارنيه فقط ، لكن الان لي اسبوعين تحمست شوي وصرت اسوي خلطة للشعر مرتين بالاسبوع
الي هي : ملعقة سدر كبيرة (السدر اشتريه ورق وانا الي اطحنه) + 2 ملعقه كبيرة زيت سمسم
+ تقريبا 3 الى 4 ملاعق كبيرة زبادي
احطها على شعري واغطيه ببلاستيك الشعر لمده من 2 الى 3 ساعات فقط واغسله
ويفضل لو تشترون بلاستيك الشعر من محلات تجهيز المشاغل لانها تكون كبيرة وتغطي الشعر زين
وهالخلطة حلوة للي شعرها مصبوغ زيي وماتقدر تحط حنا
لاحظت القشرة راحت وشعري نظيف وفيه حياة ، لكن راح استمر مدى العمر عليها لان السر الاستمرار
بالنسبة للاكواع والركب:
السنة الي طافت استخدمت افالون للتفتيح، ولاحظت نتيجة حلوة في ظرف اسبوعين
باالنسبة لاكواعي اما الركب لا يمكن لانها اغمق
والحين افكر ارجع له
بالنسبة للأقدام:
اي خلطة تنفع ، لكن لازم تلفي قدمك بكيس بلاستيك لو نص ساعه واغسلي رجلك
ليليا ادهنها بفازلين او اي كريم ثقيل القوام
بالنسبة للوش:
انا اغسل وجهي بغسول اولاي بالتوت البري ، او اي غسول سايل لكن ما استخدم صابون ابد
مرتين بالاسبوع غسول نيزتروجينا تبع الرؤوس السودا حلو
وجهي الصباح احط كريم اولاي تبع الصباح
بالليل كريم اولاي التوت البري تع الليل واحيانا امسح وجهي بزيت لوز مر
وللمانه استخدمت زيت لوز مر لي 3 ايام وحسيت بفرق بوجهي يمكن ماحد لاحظه
بس انا حسيته من ناحية تحسن الملمس وتحسين بنضارة بس
والي حمسني لزيت اللوز المر وحدة من قريبات ماما قالت لي عنها ان وجهها فتح وصار صافي بعد
زيت اللوز المر، طبعا انا احط منشفه خاصة لويهي عل المخدة
هذا مافي جعبتي ، قد ينفع البعض ولا يعجب البعض
بالتوفيق
رجاء خاص: الي لديها استفسار او تعليق حياها الله ، لكن لا اريد ردود رفع (وانتوا عارفين انها ضد قوانين المنتدى)
ولا شكر ولا دعاء والا سأضطر لا بلاغ المشرفه بحذف المشاركة، ابغى الكل يستفيد وبرفعكم للمواضيع ماراح
تفيدونا بس تزيدون عدد الصفحات وتزيدون عدد مشاركاتكم
:26:
:)
لكن مابغى الصفحات تتطاير وكلها شكرا ولو بغت وحدة اجابة عن سؤال راح تضظر تقرا وتلقى الاجابة بالصفحة
العشرين مع انو سؤالها بالصفحة 3 مثلا
انا ودي الكل يستفيد وحركة تطيير الصفحات مزعجة للي تبي تستفيد
جزاك الله خير،،