خواتي المغتربات نزولا عند رغبة عدد من الاخوات في التحدث عن تجربتي في الهدايا وماالمناسب منها والمفيد
وعدتهم ان اخصص لهم موضوعا واطرح فيه تجربتي لعلها تفيدهم
وتساعدهم
وبالنسبه لي يهون عندي شراء الهديه عند وش المناسب واللي مو مناسب
يعني التفكير لحاله يكفي غير ان الحاله الماديه تلعب دور كبير
ولا تنسون يالحبايب ان امريكا مو زي اول كل اللي فيها غريب وماتحصلينه باي مكان ..
اسواقنا الحين صارت احلى من اسواق امريكا والبضاعه متشابهه لكن تبقى الجوده
باستثناء بعض الاشياء..
وان وجدت ربما تصير اغلى
فميزة التسوق بامريكا وخاصة في المواسم و جمع الكوبونات يطلع السعر يابلاش ...
المهم خلوين اقولكم تجربتي
من تجربتي ارى ان كبار السن تناسبهم اجهزة المساج
اخذت نوعين واحد يدوي ويستخدم لكذا منطقه بالجسم مثل هذا
والثاني خاص بالرجلين
خواتكم او حريم اخوانكم او اللي يعزون عليكم ويحبون الطبخ والنفخ تناسبهم صحون الكيك اللي على شكل ورده وماشابهه
لكن تبقى الصحون اللي فيها 12 حبه او 6 حبات هي الافضل ..
او كريمات فيكتوريا سيكرت مع انها موجوده بالسعوديه
اخوانك او خواتك اكيد بتعجبهم هالصناديق الحلوه
اخذتها من بومباي بالثانكس قيفن ومع الكوبون طلع سعرها مناسب مره
البنوتات يحبون الاشياء الغريبه والجديده
لقيت عند تارقيت وتجي ماكس ومارشالز علب تصلح للاكسسوارت والذهب الخفيف تنفع للسفر
واسعارها رخيصه ماتزيد على 12 دولار
مثل هذي وفيه اشكال مختلفه بالحجم والشكل
ومحلات نيويورك اند كمبني بضاعتهم مره حلوه خاصة الاكسسوارت والشنط
اخذت منهم كم طقم الكل يسال عنه لكن ترقبوا التخفيضات والكوبونات لان اسعاره غوليه شوي
الاولاد اللي سنهم يحير من 9 الى 12 حصلت عند سامز كلب
رشاشات مويه حجمها كبير وسعرها كان مغري..
وانا كنت نازله بالصيف والدنيا حرررررررر
وتعالي شوفي فرحتهم
بس امهاتهم مو مره مبسوطين لانهم من الحماس يدخلون يلعبون جوا البيت
وتعالي شوفي المويه بكل مكان
مارشالز وتجي ماكس عنده حركات والعاب شبابيه حلوه
اخذت منه للشباب والحمد لله اعجبتهم وفيه ساعت للحائط والا مكتبيه اشكالها حلوه وفيها شوي غرابه
هذا اللي تذكره الحين
ولي عوده باذن الله
واذا عندكم اي سؤال او استفسار
انا حااااضره ومن عيوني