السلام عليكم
قبل كل شي كل عام وانتم بخير
والشهر مبارك علينا وعليكم
بنات حبيت أسالكم من راحت امس الحفل الختامي لصيف ارامكو في الرياض ؟؟
بصرااحة روووعه وراح نفقده :44:
تنظيم ولا اروع .. محاضرات قيمة لعدد من المشايخ اولهم الشيخ الدكتور عائض القرني والشيخ الدكتور محمد العريفي
والدكتور طارق الحبيب والدكتور ميسرة طاهر والدكتور الرائع محمد العوضي وغيرها من الأمسيات الشعرية مثل
الشاعر خالد العتيبي والمنشد محمد الجبالي وفرقة بسمات الفرح وفرقة أزهار ..
وهذا غير المعرض الرائع الي يوضح إنجازات أرامكو وتاريخها بصراااحه قمة الوناسة أنا في حياتي ماقد شفت
تنظيم ولا حفل ولا معرض نفس إلي شفته في صيف أرامكو .. ولا ننسى دور هيئة الامر بالمعروف والنهي عن
المنكر في إنجاح هذا الحفل الرائع ..
طيب الحين إلي راح اتكلم عنه هو ..
هذا التنظيم وهذا الإبداع وهذا الكرنفال الكبير وبالذات أمس بصرااحة الحفل الختامي كان رووعه وخاصة العرضة
النجدية وفرحة الكبار والصغار بصرااحه مرة حزنت على هذا المخيم لأننا راح نفقده واتمنى يتكرر كل سنة
المهم بعد هذا الجهد وهذا التعب وهذي النعمة وش الواجب علينا نسويه ؟؟ أكيد نشكر الله ونحمده لأننا بصرااحه حسينا إن صيف الرياض تغير عن أول .. قبل كذا الواحد أول ماتجي الإجازة على طول مسافر برا الرياض
لكن أنا أمس انصدمت من بعض البنات للأسف كان الحفل راااقي جدا وناس إكبارية حاضرة ومشايخ وعلماء ورجال هيئة الأمر بالمعروف والنهي عن المنكر ..
بس للأسف بعض البنات خربوا الحفل أمس تخيلوا يابنات .. يصرخون أول ما ينادون الشخص إلي راح يكرم صراخ مو طبيعي لدرجة الرجال يلتفتون علينا من الرووعه والخوف.. أقسم بالله مسخرة لدرجة رئيس أرامكو الرياض يبغى يلقي كلمته ماخلوه حتى يتكلم من الصراخ وقلة الحيا والهيئة تحاول تهدي الوضع لكن لاحياة لمن تنادي
أمس جارنا يشتغل مع منظمين الحفل يقول والله كنا بنعرض مواد للحفل فيها أناشيد بس خفنا من صراح البنات إلي واصل الدنيا فألغيناه تخيلوا يوم حطوا العرضة النجدية إلا يرقصون الحريم بصرااحة تنرفزت وهزئت وحده منهم وعصبت عليها :mad: إلى متى واحنا ما نتطور ونرتقي بديننا وبذوقنا استغفر الله قمة التخلف ولا وفيه من الحاضرات أول ما قال المقدم اسم طالب أتوقع من كلية الصيدلة يلقي كلمته نيابة عن المتطوعين في الحفل شوفي هبال البنات وصراخهم كل وحده تقول هذا يابنات في الصيدلة عرفتوه ؟؟
الله يقطعها من دراسه إذا بتنسينا قيمناد وديننا ..
على العموم الحفل راااقي وكان قمة الوناسة بس هالحثالة كعادتهم ما يرتقون ولا راح يتطورن زي العالم متخلفين كعادتهم المتخلفة كانهم ماشافوا خير استغفر الله
والله يابنات تخيلوا شفت زوجة مدير ارامكو الرياض قمة اللتواضع والدين لابسة عباية راس وقفازات وجالسة قدام بغيت أبوس على راسها ثابته على قيمها ودينها أما هالمتخلفات إلي حاطه لثمة و إلي مكياج .. ويبقون متخلفات ومتحجرات ما كأنهن ماشافن خير استغفر الله بس..
ويظل صيف ارامكو رااااقي ورائع ومن حسن إلى أحسن ..
انتظر انطباعكم عن الحفل الختامي
جذابه وبنت ذيابه @gthabh_obnt_thyabh
محررة فضية
يلزم عليك تسجيل الدخول أولًا لكتابة تعليق.
مستقلة
•
كلامك صحيح معرض ارامكو دائما مميز ومفيد بس انا اشوفة بالظهران كل سنة لاني من الدمام وبصراحة ماشفت الحفل الختامي فما اعرف هل صار نفس اللي بالرياض والا لا وجزاك الله خير
بصرااااحة حفل متعوب عليه وروووعه من جد
بس صدقتي خربوه هالصايعات إلي ماتربن زين استغفر الله
على فكرة ترى أغلب الحاضرات ماشاء الله عليهن بس هالحثالة من جامعة ال....؟؟
ومن كلية ال..؟؟ فشلونا الله يفشلهم أمس سمعتهم ينادون زميل لهم ويصرخون ويصورونه الحمد لله والشكر على نعمة العقل بس
بس بصرااحه كل وحده تدل على تربية أهلها لها وعلى فكرة وحده أعرفها تقول شفت وحده أعرفها معهم ومن جد طاحت من عيني من يوم ما دخلت هالكلية ..؟؟
بس صدقتي خربوه هالصايعات إلي ماتربن زين استغفر الله
على فكرة ترى أغلب الحاضرات ماشاء الله عليهن بس هالحثالة من جامعة ال....؟؟
ومن كلية ال..؟؟ فشلونا الله يفشلهم أمس سمعتهم ينادون زميل لهم ويصرخون ويصورونه الحمد لله والشكر على نعمة العقل بس
بس بصرااحه كل وحده تدل على تربية أهلها لها وعلى فكرة وحده أعرفها تقول شفت وحده أعرفها معهم ومن جد طاحت من عيني من يوم ما دخلت هالكلية ..؟؟
وين فيه سمعت عنه وكنت ابي اروحه بس مااعرف وين مسوينه اقصد موقعهموين فيه سمعت عنه وكنت ابي اروحه بس مااعرف وين مسوينه اقصد موقعهم
حبيبتي كان عند ممشى الملك عبد الله قريب من جامعة الأمير سلطان
الصفحة الأخيرة