ألف ألف مبارك لجميع العرايس والعقبى للبنوتات..

ماشاء الله

عيني عليكم باردة..
:27:


لو أقول لكم إن فيه وحده زواجها في 1/5/1425 (يعني أقل من شهر)
وماسوت ولا شيء غير فستان العرس.. وش بتسوون فيها؟؟
مجرد سؤال!!! <<<<<<< (خافت):27:

السلام عليكم
مساء الورد لكل الوردات
احب ابارك لكل عروووووس واتمنى من الله انه يوفقنا ويسعدنا مع ازواجنا
وانا كمان عروس .. وباقي ان شاء الله على زواجي شهر ونصف

اما عن استعداداتي وتجهيزاتي ... فهي كالتالي :

بالنسبه للتجهيز ... فالحمد لله خلصت بعض الأشياء مثل

الملابس ... فصلت فستان العشا ... وفستان ثاني فخم
واشتريت قطعتين قماش فخمة .. وحاجزة لهم عند المشغل عشان اروح بكره ادخلهم ان شاء الله
واخذت قطعتين من القماش المتوسط لبعض المناسبات ... يعني عزايم العرس وكذا
وعندي فستانين فخمين جدد باخذهم كمان .. يعني عشان زواجي في اول الاجازة لازم اخذ احتياطي
واخذت فستانين ناعمين وحلوين
وكمااااااان اشتريت كم بلوزة وكم تنورة وبناطيل وتيشيرتات وبوديهات
وكمان اشتريت ملابس البيت ... ولي عودة لهم ان شاء الله اذا كملت الأساسيات ... لأنه بصرااااااحه البنات اللي توهم متزوجات اني اكثررررررررررر من لبس البيت .. وقالو مو ضروري يكون كله ماركات .. ليييييييييش؟؟ لأن الماركات اسعارهم اغلى واذا كنتي بتكثرين لازم يكون السعر اقل .. وبيني وبينكم يابنات .. ترى معضم الرجال يضحكون بعقولنا اذا علمناهم باسعار ملابسنا الغاليه وبعدين على قولة اختنا ترى الرجال ما يسعرون

كذلك خلصت الملابس الداخليه .. وقمصان النوم ما خلصتها .. يعني باقي لي الأساسي تبع ليلة الدخلة .. ويبيلي كم واحد .. واخذت طقم الحمام واحد واذا يسر الله اشتري ثاني <<< تخاف من الفشيلة

اما عن الجزم والشنط .. شريت بعضهم .. ما خلصتهم

العطور ... اشتريتها كلها ( عشان انساها وارمي همها ) .. يعني .. اخذت 7 عطورات نسائية و 2 رجاليه ( فاضية له بعد خليه هو يشتري لنفسه خخخخخخ <<<<<< بدت حركات النذاله
والاكسسوار شريته لكن ان شاء الله بطقم لبعض ملابسي

المكياج ... اخذت مكياجي من كلينيك للبيت والمناسبات العادية .. وان شاء الله باخذ من ماك للسهرات

اما الذهب .. مايبيله شي .. اهم شي اني حاطه فلوسه على جنب .. عشان بروح ان شاء الله بعد كم يوم واشتريه
<<<<<<ترى رايحه سوق الذهب ماخذه لفه عليه تلقي نظره خخخخ مايفوتها شي

بس ترى ما كثرت من كل شي في تجهيزي.. يعني اهم شي اني اشمل كل شي

وووو انا بنت نحيفة شوي احاول اخذ فيتامينات لزيادة وزني ... ادعولي يابنات اسمن شوي <<<< خخخخ والله ما اظن بنت بتسمن هالوقت الا بتنحف زيادة

اما عن استعدادات ليلة العرس ::: حجزت الكوافيرة والمصورة.. واللي تشيل بالحلاوة .. وامي تقول سوي حنا ( بس انا ما احبببببببببببه احسه قديم .. انتم يا بنات وش رايكم؟؟ )

اما عن اهتمامي بنفسي ::
فأقوم بالآتي :
1- حمام مغربي اسبوعي لكن بخليه مرتين بالاسبوع عشان زواجي قرب
2- بالنهار استخدم قناع الزبادي والليمون لكامل جسمي ( وانصحكم فيه يابنات تراه رووووووعه )
3- وفي الليل استخدم خلطة كريمات تفتيح
4- استخدم كريم اغادير المغربي لمعالجة سواد الرقبة والابطين
5- استخدم كريم خاص لمعالجة سواد الركب والاكواع
6- استخدم كريمات نسائية خاصة ( بصراحة كانت عندي اشياء مسوية لي قلق لكن الحمد لله بفضل ربي لقيت حلها).. مقدر اكتبها هنا .. لكن اللي تحب تستفسر عنها .. ترسل لي رسالة خاصة وتبشر باللي يرضيها

امممممممم اعتقد قلت كل اللي عندي

بس على فكره يابنات ... ترى مو بس هذا المفروض يكون استعدادنا
لازم كمان نجهز نفسياتنا وعقولنا .. وانا ولله الحمد باديه بهالشي .. قريت كتاب مفيد جدا للعرايس امثالنا .. واللي تبي اسمه تبشر
كذلك سمعت البوم للاستاذ جاسم المطوع
والبوم للدكتود صلاح الراشد .. بس بصراحه اخاف اكتب اساميهم .. ماترضى ادارة المنتدى وتعتبرها دعاية

يعني بالعربي الفصيح ... اهم شي التوفيق والراحة النفسية ..
ولا اوصيكم يابنات على الدعاء .. ترى هو اهممممممم شي .. وعلى فكرة ..
لاتنسوني من صالح دعاؤكم الله يوفقنا واياكم

كذلك .. لا اوصيكم على الصدقة .. تراها خطيررررررررررررررررررة وربي ييسر لك امورك بسبب تيسيرك للمحتاجين
ترى كلامي عن تجربة شخصية
ويارب ياحي ياقيوم لا تجعل تعبنا يذهب هباااااء يارب وفقنا مع ازواجنا وارزقنا الذرية الصالحة

وااااسفه على الاطالة
وسلامتكم

هلا حبيبتي ناعسة .....
ليش تشترين عطورات (لولد الحلال ) فاضين بعد ........... يشتري هو ؟؟؟؟؟ ( صديق سوء )
امزح عليك كلش عاد ولا ؟؟؟؟؟ فارس الأحلام ؟؟؟؟؟ ...
بصراحة ياناعسة بس اتحسب ربي .... راحت اوقاتنا وتشتت أفكارنا .... ونحفنا ...كله على شأنهم ...
حبيبتي ناعسة .... راسليني على الخاص ..... :26:

حبيبتي ياعسل ليش تتحسبيييييين .. حطي عندك امل كبييييييير بالتوفيق وارسمي مستقبلك بلوحة جميلة .. عشان تتحمسين اكثر وتنسين التعب اللي تشوفينه ايام التجهيز
وربي ان شاء الله ما يخيب أملنا

اما بالنسبة للخاص ..... ابشررررري والله عيوني لك ياعمري

بنات بس مافيه احد قال من الكوافير الي بتزينه يوم زواجه
بندوريييي