ماشاءالله كل بنات حواء بيعرسون هالصيف طيب عندي اقتراح ليه ماتسوون زواج جماعي ونفرح فيكم
ونشوف مين اللي اشتطت بنفسها وسوت الخلطات بتطلع لها طله بالعرس خخخ والجائزه نعينها مشرفه بالمنتدى
بس اخاف عقب الزواج خلاص تعافون المنتدى وتنسونا :(

انا مثلكم زواجي بعد شهرين تقريبا

بالنسبه لشعري وبشرتي ماادري ويش فيني

مع اني من المحبات للاقنعه و الخلاطات بس ماني مشتهيه

اعمل شي ليش مادري من قبل كل اسوي يوم قرب زواجي وقفت

عكس الناس

اما اغراضي يعني نص ونص باقي لي اشياء

وابغى وحده تدلني على محل تيورات كشخه وحلوة

اذا ما عليكم امر تقولون من وين اخدتون تيوراتكم

ومن وين بتسوون مسكاتكم وكيف ابغى مسكه كشخه

فيها كريستال

:26: :26: :26:

السلام عليكم.......

وانا اختي زواجها بعد ثلاثة شهور

وعشان هي اول وحدة تتزوج في عائلتنا محتاسين...................

بس بغيت اسالكم اذا تعرفون محلات للكوش في الرياض او القصيم وتكون اسعارها معقولة و مو غالية

وبعد باسالكم عن المسكات وش موضتها الحين وانتو ايش اخترتوا..........................

تكفون بنات محتاجتكم

:26:

مرحبا خواتي ..

أنا من البحرين وترتيباتي تختلف عن ترتيباتكم كوني أنا بانخطب يعني ملكة عائلية وحفل خطوبة مميز بس ..

بعد حفل الخطوبة باجهز نفسي وشقتي وباسافر بدون حفل زواج

هل يحتاج إني أسوي هالبرامج من الحين أو انتظر بعد الخطوبة ؟؟!

على أساس أن الملكة بتكون بعد شهر والخطوبة بعد الملكة بشهر .. والزواج الله أعلم

أولا بالنسبة لي ترتيبات نقول الملجة مأسأة .. صراحة أولاً حالة نفسية

مو عارفة من وين أبدأ .. ولا من وين انتهي

أفكر في أدق التفاصيل .. ولا قادرة أنام الليل

كل اللي عملته جمعت بعض المعلومات عن الصالونات والقاعات ومحلات تجهيز الحفلات والتصوير .. صداع في صداع .. ومجمعتهم كلهم في سيارتي

حابة تكون حفلة الملجة عائلية ومميزة ..

بس البيت حابين تكون فخمة .. بمعنى انسوي ملكة عجم :(

هل أخذ بقراراتي أو بقرارات البيت (على أساس إن خواتي عندهم خبرة في هالمواضييع)

هل أخذ بوفية أو صحون مغلفة .. هل تكون الحفلة في البيت أو الخيمة

بالنسبة للبوفية لكم شخص وفي حالة أخذت صحون مغلفة كم صحن ؟؟!

أي سعر بيكون أفضل إني أخذ بوفية أو أخذ صحون مغلفة ؟؟؟!

علما بأني وخطيبي مستقبلي نعرف بعض ونشتغل مع بعض ..

فترتيبات دايركت بتكون بيني وبينه

يعني مافي فرصة أفكر في نفسي..

هذا بس بالنسبة للأكل ..

بالنسبة للملابس والتجهيزات

هل أحط مكياج في الصالون أو اخلي مكياج بروحي (غباء لا :06:)

هل أعمل تسريحة أو أترك شعري منسدل

قرارات صعبة وخاصة انها ليلة مميزة

بالنسبة للملجة البس جلابية أو فستان .. بس أنا حابه ألبس بنجابي (لبس الباكستان)

أي لون ألبس بيكون مميز

بالنسبة للعشاء مع زوجي بعد الملجة ألبس عباية أو بدلة ؟؟؟ قرارات تحيرة ياريت تفيدوني

وباكون لكم شاكرة ..

أنا راجعة

سؤال أخير : أحلى خلطة للجسم وأحلى تمرين رياضي (عندي كرشة ابيها تختفي باسرع ما يمكن ) وأحلى زيت لشعر ؟؟؟!

وبارجع لكم انتظروني

يا هلا وغلا بكل العرايس والي بيشاركونهم فرحتهم



عروستنا (اشواق حنان)

وعليكم السلام ورحمة الله وبركاته

حياك الله، يالله شدي حيلك وابدي جهزي، ماعاد الا خير ، هالفترة الناس لاهيه بالاستعداد للاختبارات، ماينزل للسوق الا العرايس <<<خابره نفسها خخخخخخخخخخخ

والحجوزات يالله يالله من الحين

فعلا على قولتك لازم مانكثر عشان تجديد الموضه، أما الذهب فتفكير تجاري ما شاء الله عليك :23: ،أنا عن نفسي مااحب الذهب يالله لك الحمد... :11:

يالله كم خاتم وكم حلق واسواره وساعة ويخب علي :42:

تعالي هنا يا حنو، علميييييييينا وشو جدولك خلينا نستفيد نبي نتعلم من ذوي الخبرات ،علمينا قبل، وجدولك الجديد بعد ،بالتفصيل الملل لو سمحتي <<<<متشوقه


يالله بانتظارك يا عروستنا والله يسعدك ويوفقك


~~~~~~~


هلا وغلا بعروستنا (أحلى سوسو)

مساء النور حبيبتي

وش سالفة القبعة الحرارية ذي علمينا عنها، أول مره اسمع عنها، ونصيحتي تزيدين عدد مرات الحمام الزيتي الى اربع مرات اسبوعيا على الاقل

بالنسبه للجليسوليد الاحمر فهو ممتاااااااز لتفتيح وتنعيم البشرة، روعه، بس اذا تبينه يفيدك اكثر اعصري عليه ليمونه وتفركي الصبح بالليفه وصابون مفتح او مغربي، ثم حطي لوشن مرطب

رياضتك حلوه، انا مجربه هالتمرين لشد البطن روعه ومفعوله سريع (حشا صار دوا)
والمشي احسن رياضه، والله ليت معاي وقت كافي كان امشي كل يوم بالحوش ساعة لانها رياضه تشد كل الجسم تقريبا، واذا تركتيها مايخرب جسمك

زين انك اهتميتي ببشرة وجهك من منتجات زينه بس تأكدي من ان الماركه طبيه فعلا، مااحب احط اية شي على وجهي، لانها منطقة حساسه ومهمه

تبين رجليك من تحت تصير ناعمه؟
يوميا تدهنيها بفازلين،تمردغي فيه (على قولتك :42: ) والبسي شراب وجزمه مسكره وانتي بكرامه

على فكره يا بنات ترا الشباشب والصنادل هي الي تجفف الاقدام، فبهالفترة هذي خليكي بالجزم المريحه مع شراب وادهني رجليك، عشان يمديها تلين وتنعم، وبعد الزواج تكشخي بالصنادل والشباشب على كيف كيف، بس اهم شي الستر لا يشوف الرجال الغرباء والله يوفقكم جميعا

الي سمعته عن حمام السونا انه يساعد على تنظيف الجسم اكثر ويزيد من تأثير الخلطات والصوابين وينعم

بالنسبه لتنظيف الوجه، فكان بشرتك مافيها شي لا تلعبين فيها، وان شفتي بشرتك فعلا تحتاج فروحي لمركز طبي معروف ينظفون لك، ولا تقربين المشاغل بهالاشياء لانهم بيدمرونك، ممكن يسببون للوجه حروق احيانا لاسمح الله، وانا شفت حالات بعيني



والله يوفقك ويسعدك :)