انا زوجي اكبر مني بسنه الحمدلله انا برايي افضل انه اهو يكون اكبر مني والحمدلله انه اكبر مني بس تمنيت لو يكون اكبر مني بخمس او ست سنين احنا حاليا متفاهمين بس اخاف بالمستقبل احس اني كبيره عليه مع انه اكبر مني بس لان الفرق سنه بس الحمدلله منقذني انه شكلي طفولي يعني انا عمري 23 سنه بس وايد ناس يحسبوني ان عمري 16 او17 وايد ناس يشوفوني يقولون عني صغيره وايد يعني حتى صديقاتي بالدوام انصدموا يوم اول مره شافوني ودروا اني متزوجه وعندي عيال يقولون مو لايق عليك تكونين ام ووايد قالولي هالشي اتمنى اظل جذي طول عمري وحتى زوجي يبين عليه ان صغير بس اعرف ناس حريم وايد اكبر من ازواجهم وعايشين قمه بالتوافق والسعاده

السلام عليكم ،،،

حبيت أشاركم بالموضوع ،،، علما بأني متزوجه وزوجي أكبر عني ب 3 سنوات ،،،

خواتي انا شايفه من خلال ردودكم الطيبه أنكم بعيدين نوعا ما عن حياة الواقع وتنظرون الى الحاضر متناسين عن ما سيحدث في المستقبل ،،، لانه الزواج علاقه أبديه ولازم يكون الاساس من البدايه صحيح عسب تستمر الحياه وتستمر العلاقة الزوجيه ،،،

المثل يقول الناس أجناس ،،، وإحنا ما نقدر نحكم على الموضوع من خلال فشل علاقه زوجيه أو نجاحها ،، يعني ممكن زيجات تنجح وممكن زيجات تفشل ولنفس السبب الي اهو فارق السن وبالاخص عندما تكون الزوجه أكبر من الزوج،،،

موضوعنا اهنيه عندما تكون الزوجه أكبر من الزوج ،،،

طبعا هذا الشي شائع خاصه عند جيلنا الحالي ،،، وأنا عن نفسي اعرف وحده زوجها يصغرها ب 7 سنوات وصار لهم متزوجين من 10 سنوات وعندهم 4 بنات وولد ،، يعني اهي الحين عمرها 37 واهو عمره 30

الزوج بعده شباب والزوجه كلها 5 سنين وتدخل سن اليأس ،،،

الزوج توه في مقتبل العمر ،،، صدقوني راح يجي يوم ويفكر بغيرها ،،، اهو بعده شباب ويبي يعيش حياته ،،
الريال لين ما يصير عمره 45 ايحس بعمره شباب ،،، راح ينظر للبنات الي اصغر عنه،،،

الزبده ،،،، أنه ممكن العلاقه تستمر ولكن الزوج راح يفكر بالزوجه الثانيه ،،، وحده اصغر عنه

خواتي انظروا للمستقبل ،، يعني بعد 15 سنه شو الي راح يصير ،،، كيف راح اتكون نظرة الزوج لزوجته ،،،

ترى 15 سنه مو واايد عمره الزوج راح يكون 40 سنه،، والله انهم شباب وما يشيبون الا لما ايصير عمرهم 60 سنه

وبالنسبه للخوات الي يقولون مو مشكله الرسول صلى الله عليه وسلم تزوج السيده خديجه ،،، كلامهم صحيح

ولكن خلنا انكون واقعييين ،،، فيه شغلات كثيره الشباب ما اقتدوا فيها بالرسول ،،،

بالعكس ممكن الشاب ايقول انا بتزوج مره ثانيه وثالثه ورابعه لانه الرسول تزوج 13 مره

وشخص ثني ايقول بتزوج 4 وبطبق الشرع ،،،،

والسموووووووحه على الإطاله ،،،،

ابقولكم شي..
خالتي زوجها (اصغر) منها بعشر سنين وماشاء الله ربي موفقهم...والحين اكبر عيالها في الجامعه..
لا تخلين فارق السن يعوق رحلة الحياة الزوجيه .. والكل وطبعه..
لكن صدقيني عادي ...
والخلافات اللي تحصل بينهم زي الخلافات اللي تحصل بين زوجين متوافقين في السن ..لكن يحطون العذر السن..
فلا تفكري كثير احسن لك..
والله يوفقك ويسخر لك رجلك..

مزاجيه حيييييل..........الله يسامحك يعني زوجي بعد كم سنة بيتزووووووووج علي