سلام ياحلوين
صديقتي وصتني ادور لها عن ملحق يعني اي شي لو غرفة نوم وحمام بس
سواً الملحق فوق في السطح او تحت
فيابنات الي تبي تستفيد وتاجر لها ملحقها تعطيني خبر
وترى ماعندهم اطفال كثير بس بنوته يعني ماراح يزعجونكم
ومدة الايجار شهر واحد بس
لانهم قاعدين يعمرون والعمار باقي له شهر ويخلص بيتهم الملك
فماودهم ياخذون شقه ويتوهقون في التاثيث
وهم في مدينة الرياض والاحياء إلي يبون فيها ملحق (الروضه _الحمرا _اشبيليا _غرناطه _اليرموك )والاحيا القريبه منها
وفيه بعض الناس مستاجرين دور ثاني وعندهم ملحق فوق مو مستفيدين منه فحلو انهم ياجرونه
الله يعافيكم لاتطنشون
لانها متشتته هي وزوجها هالحين
وتراهم مايبون شقق مفروشه لانها غاليه وهم كل فلوسهم في البناء حق بيتهم
والله يوفق الجميع
يلزم عليك تسجيل الدخول أولًا لكتابة تعليق.
حامض كثير
•
up
الصفحة الأخيرة