موضوعي فيه استفسار.. والي حابة ترد رد شين .. ارجوها لا تكمل قراءة الموضوع.. وتطلع من الموضوع
لأني حابة آرضي الله
اخواتي
البس عباية كتف>>الحمد لله واسعة من غير تطريز ولا تلمع.. وحجاب طويييل ولله الحمد
بس من زمان .. تقريبا من 3 سنوات وانا افكر في عباية الراس
بس الي يستصعب علي الموضوع
السبب... إني اخاف لما نروح مطعم او مجمع او نزهة فيها غداء او عشاء .. تكون العباية لي عائق اثناء الاكل
وتتسخ لما آمد إيدي عالطاولة
خاصة إني عندي عيال صغار يحتاجون مساعدتي عالأكل
ممكن تيسرون لي الأمر وتقولون كيف هي بالخرجات العائلية الي تكو فيها اكل وشراب
صرت افرفر بقوقل وشفت هاعباية وهذي الي ريحتني
للحين متردده لإرتدائها
ممكن تشجعوني بتجاربكم
وحابة تفيدوني بنوع القماش.. اتمنى يكون نوع القماش بارد لأن جو البحرين مرررة حاااار
وسمعت إنه في عباية فيها ربطة بالرأس.. حسيتها صعبه نربطها عالراس وإّا واحنا نجلس العباية تنشد كيف آتصرف
هذي صورة العباية

وويجزاكم الله خير لكل من أفادتني بإستفساري ولكل ردت بالموضوع ولكل من دخلت الموضوع
انا البس تقريبا مثل الموجودة بالصورة مريحة جدا واخرج فيها كل مكان
بالنسبة للي فيها ربطة بصراحة ماتحملتها سوتلي صداع بعكس جارتي عجبتها جدا يعني حسب ماتحبي
والاقمشة كثير في الخفيف وفي التقيل اختاري اللي يناسبك اهم شي يكون ساتر ولا يشف
الله يوفقك