اختي الكريمه بنات البحرين يسوقون سيارات فأتوقع انها غير مريحه للسياقه وخطره في نفس الوقت لأنها ممكن تشبك مع اي اداة بالسيارة وتسبب ربكه غير ان ممكن تشغلك بالسياره لطاحت من على الراس وانتي لابسه شيئ مكشوف او غير مستر طبعا هذا اذا كنتي تسوقين سياره وأغلب الردود من الاخوات كانت لأن احنا بالسعوديه ما نسوق سيارات فعادي بالنسبه لنا عباية الراس والامر الآخر اللي اهو اللبس في عباية الراس لازم يكون لبسك محتشم والكم طويل تقريبا لأجل ما تنكشف اي من العورات هذا بالنسبه اذا كنتي بتلبسين عباية الراس البحرينية اللي بدون ازرار او تكون مفتوحه من الامام وطبعا انتي تعرفين ان عباية الراس البحرينية من الحرير وناعمه غير عن عباية الراس السعوديه اللي تكون من قماش قطني او كريب او غيره وشوي ثابته ماتطيح بسرعه وبالنسبة لعباية الكتف طبعا الحرية فيها اكبر في الحركة في السواقه في اللبس اللي تحتها لأنها تكون مثل الجلابيه تقريبا انا عن نفسي البس الثنتين حسب الحالة المزاجيه لي هههه وحسب طبيعة الطلعه اذا فيها عيال ومطاعم وتمشيه وشيل اغراض البس العمليه اللي اهي عباية الكتف والراس للزيارات والطلعات الرسميه والهاديه اللي بدون اطفال انتي شوفي اللي يناسب طبيعتك وطبيعة حركتك واتقي الله في العباية سواء كتف او راس خليها واسعه فضفاضه والحجاب طويل ويغطي التفاصيل وابتعدي عن الالوان وخليكي على الساده والله يوفقك ويسعد ايامك ..

شوفي يااختي عباية الراس انتي بتلبسيها إن شاء الله طاعه لله عز وجل اقلك تجربتي انا لما كنت في بلدي السعوديه كنت البس عباية كتف وماكنت مرتاحه خصوصا بعد ماتعرفت على صحبه صالحه ولله الحمد كنت احس نفسي فيني شي ماهو مضبوط بس كنت اكابر واقول مابغى اصير منافقه البس عباية راس معاهم وفي عملي بحكم اني كنت اعمل بمستشفى البس عبايه كتف طبعا هذا كان من وساس الشيطان لاستمر في الحجاب الفاتن وهكذا قدر الله لي ان اتزوج واترك عملي ولله الحمد واعيش بلندن هنا في لندن بدأ الصراع عبايه راس أو كتف في البدايه كنت على نفس عبايتي ومنقبه وبعد مابدات اخرج واروح المساجد شفت الانجليزيات المسلمات وغيرهن بعبايه الراس قلت سبحان الله الي اعطاهم القدره يلبسوها في بلد كل العيون على المحجبه انها مرعبه وقررت بعدها ان البسها وتوكلت على الله ولبستها لي الان ولله الحمد ست سنوات وانا البسها وماشاء الله عندي ثلاث اولاد صغار واخرج واوديهم المدارس وارجعهم وادف عربتهم واركب الباص والمترو واعمل شوبينق احيانا مع زوجي واحيانا وحدي او مع الاولاد ومااحس بيها تضايقني او شي بالعكس احس انها خفيفه وشي عادي ماشاء الله الله يثبتني ويثبتك وكل المسلمات على مايحب ويرضى يعني بالاخير اقلك هي ليست عائق ابدا لو اخلصتي النيه انك بتلبسيها لوجه الله الكريم اعقليها وتوكلي وربي يثبتك يارب

الله يثبتك ياااااا رب

كتف رأس. ماتفرق. وكلهم حلوين. اهم حاجة. انها تكون ساترة البدن لاتصف ولاتشف. وترا مافبه زي مخصص للعباية. او الحجاب. اللهم الشرط الوحيد. المتفق عليه ان يكون ساترا البدن. والله الموفق

انا استعمل نفس اللى في الصورة مرررة مريحة