(إمساك .. أرق ... مغص) .. كلها يعاني منها ولدي ذو الشهر الواحد

الله يشفيه ويعافيه

من تجربة اذا كان البراز لين وبكميات كبيره هذا طبيعي لكن صلب وشوي ممكن ولد مايتغذى كويس
1-انتي كرعيه بعد كل وجبه وفي منتصف الوجبه يعني خليه يرضع من اليمين واذا وقف حطيه عل كتفك وربتي على كتفه الين يطلع الهواء وبعدين خليه يرضع من اليسار واذا خلص كرعيه ثانيه
2- زي ماقلت ممكن امساك وهمي شوفي الكميه والنوعيه لينه وكثيره هذا امساك وهمي من الرضاعه الطبيعيه
3- اذا شبعان ونظيف ومرتاح المفروض ينام وممكن ولد نبيه ويبي يتعلم من الحين ما شاء الله تبارك الله انتي اهم شئ خليه في السرير وحطي له لعبه الي تعلق على السرير وخليه متى ما نام ينام بس اهم شئ لا تعودينه على الشيل

أختي بياض الثلج انا كانت بنتي كذا دايم تصيح من المغص الي فيها بس بديت اعطيها شاهي ينسون قبل لا تنام وتريحت شوي لان المغص كان معها شديد انتي خلي رضعته كل يوم يانسون قبل لا ينام علشان يريحه ويطلع كل الهواء الي في بطنه
وغير كذا لا رضعتيه تقطقي على ضهره بشويش لين يطلع الهواء
اما من ناحيت الترجيع كانت بنتي مستحيل يجلس الثوب نضيف عليها كانت على طول ترجع يوم ودينها للمستوصف قال اذا وزنه يزيد طبيعي ومافيه اشكاليه والحمد لله كان بوقتها وزنه طبيعي .
ومن ناحيت المساك جربي مويت التمر يعني اهرسي التمر في مويه وخففيه وشخليه زين وحطيه رضعه في وقت الظهر وان شاء الله يرتاح .
وعلى فكره ترى ما راح ترتاحين لين يتم 3 شهور ويبدا يتعدل نومه انا ولدي وبنتي كذا واقاربي قالولي نفس الكلام ان الام ما ترتاح الا اذا تم الطفل 3 شهور.
ولله يخليلك ولدك وتشوفيه معرس وتفرحين فيه امين يا رب العلمين .
ويرزق كل محروم .

وش هالاطباء جننونا
إذ قلنا ماء قالوا لالالالالالالالالا المولود ماينعطا مويه ممكن تنقل له مكروب
كفايه حليبه وحليبه ووووبس

عموما ً ياقلبي عطيه شاهي يانسون يريح بطنه
وقت النوم غيري له ولفيه زين وربطيه ربط نعوم ورضعيه وربتي على ظهره الين تحسين انه ارتاح علشان مايرجع وحطيه بسريره ويكون براد الغرفه مريح له ماتكون حاره ولا ثلجه

وربي يخليه لك وتشوفينه رجال من الصالحين :26:



..

.

يوووووووووووه نفس ولدي عمره شهر ونصف امساك مو طبيعي وقاسي