إمساك بعد الولادة .. ارتحت الحمدلله

صباح الخير اخواتي


الموضوع واضح .. عن إمساك بعد الولادة .. أكيد الكثير عانوا منه وأنا من ضمنهم

تعذبت كثير مع الإمساك وزودها الخياطة والبواسير والشرخ
أصبح دخول بيت الراحة بالنسبة لي عذاب ومشوار تعب لين يفرجها الله


المهم اني استخدمت اشياء كثيرة ولا فادت
ورحت لدكتوره وصرفتلي ملين
مشى الوضع مبدئياً لكن ما كنت مقتنعة فيه لأن يحذرون انه ما يزيد عن اسبوع عشان ما تتعود الأمعاء عليه ولأني كان لازم القى حل أفضل .. مو معقوله اجلس عمري كله عالملينات


وما يحتاج اشرحلكم لما غامرت وتركته كم يوم المعاناة اللي عانيتها
بدون مبالغة تذكرت الولادة :icon36:


المهم مااطول عليكم بحثت وجربت وما خليت شي ما جربته لين قريت عن نوع من انواع الكورن فليكس اسمه ( اول بران) ممكن اغلبكم يعرفه .. هو اعواد بنية من الالياف من شركة كلوقز

يصرفونه برا في أمريكا واوروبا للنساء بعد الولادة في بعض المستشفيات عندهم على كلام بعض من ولدوا هناك

يستخمونه للرجيم وطعمه مقبول نوعا ما خصوص لما جربته مع حليب البودرة وحليته .. دورته ما لقيته الا في كارفور في الرياض

ومن بعدها ما عرفت الا الراحة من أول استعمال يا ربي لك الحمد


حبيت افيدكم لأنه أفادني وكنت اعاني كثير
والله يعافيكم جميع