إنا إنطوائيه وتعلو ملامحي مسحة حزن ..

طيب زميلاتك اللي كانوا معاكِ في الثانوي وينهم ؟

ياحبيتي زميلاتي أجانب مع الأسف والسعودية الوحيدة إلي أعرفها ما قدرت تدخل الجامعة وأنا بصراحه إذا رحت جلست مع أحد أحس إني أفرض نفسي عليه

سلاااااااام ،،

حاولي تنقين لك وحد أخلاق ودين لأن صحبتها راح تأثر عليك ...ثم ابدي سلمي عليها يوميا..

وأبتسمي لها اذا شفتيها.. ثم ابدي اسئليها عن الدراسه واستفسري منها وحاولي تكسبيها

بطيبتك وتعاملك معها....

اختي الكريمه

السلام عليكم

لازم تحاولي تكوني اجتماعيه اكتر من هيك

وتعملي صداقات

وتساعدي البنات وتتعاوني معهم

والله يوفقك:cook:

السلام عليكم ورحمة الله وبركاته ..
اختي "الحلم الرابض"
الحل بسيط وهو في ايدج وجدام عينج ....
اذا انتي انطوائية شو لازم اتسوين ؟؟؟
طبعاً أول شيء تغيرين طبعج بس مب مره وحده ...
يعني بالتدريج عشان تكتسبين الثقة في نفسج ...
مثلاً انتي قلتي انه في ويهج ملامح حزن ... تخلصي من لمحة الحزن الي في ويهج
لانه دائماً تقع عين الإنسان على وجه الشخص الي امامه ....
عسب جيه انصحج تعودين نفسج على الابتسامه وشوي شوي بتتعودين ....
وشرط اتكون الا بتسامة نابعة من قلبج قبل شفايفج ...:17: ... وتشوفين انعكاسها في عين الي حواليج....
وبخصوص الصداقه لا تصادقين اي وحده لا نج محتاجة حالياً لحد تكونين معاه يسمعج وتسمعينه ...
انتي قسمي البنات لنوعين ( زميله ) وهي الي تتعاملين معاها فالجامعه تسالينها عن الدراسه وتتكلمون في مواضيع
عامه جداً.... والنوع الثاني ( الصديقه ) ادعي الله يقربج من الصديقات الصالحات الي مايريدن من وراج اي مصلحه
اختي اذا عندج اصرار ومب عايبنج الوضع الي انتي عايشتنه الحينه وتبين تغيرينه....
فهني لازم تولدين روح الاصرار في داخلج... وتتحدين الخجل والانطواء ...
ويستحسن انج انتي الي تبدئين فالكلام ...
مثلاً اذا دخلتي قاعة المحاظرات ...سلمي بصوت مسموع ... ولازم ماتكون نبرتج فيها حزن
خليها فيها شيء من التفائل والفرفشه....
بعدين اذا بتقعدين عند حد .... سالي البنت عن اي شيء واهم شيء التدرج ... وهكذا لين ماتكسرين كل الحواجز ....
كل شيء في البدايه صعب بس بعد ماتخوضين الوضع بتعرفين انه هذا الشيء سهل بس انتي اصتصعبتيه
واتمنالج كل التوفيق والله ايسر عليج ويسعدج ... وان شاءالله يكونن عندج الصديقات المخلصات الي يخافن عليج
ويقدمن لج النصيحه والمساعدة كل مااحتجتي لها ....:26: