إنتبهوا على عيالكم ..هالموقفين شفتها بنفسي الله يحفظ لي ولكم يارب ..

مساؤكم خير حبيباتي ومعطر بذكر الرحمن ..

الكلام واضح من العنوان ياحرييييييييييم ياعالم إنتبهوا على عيالكم ولاتعطونهم الشغالات ولاحتى أبائهم يمسكونهم بالأسواق والأماكن العامه وخاصة الزحمة ..بأقولكم هالموقفين شفتهم بنفسي وقريب جدا وإللي ذكرني فيهم إني كنت أمس بالسوق وأشوف المأساه تتكرر ..
الحادث الأول ..كنت أنا وزوجي ببنده ولما وصلنا الكاشير نحاسب دخل واحد يمكن بالأربعينات ومعاه بنت ياناس كأنها نقطه من صغرها وقام يكلم المحاسب وأنا عيني بالبنت إلا تركض البنت مثل الصاروخ وتدخل من الفتحات وتترك أربع ممرات وتدخل بالخامس وأنا عيني فيها والأب وربي مادرى عنها وأصيح في زوجي وأقوله كلم الرجال وناداه وقاله وراح بسرعه وأنا أعلمه من وين دخلت وإنتظرت مع إنحنا مخلصين إلين شفته هو وبنته وتدرون وش قااال لزوجي .. والله نسيت منها ..كان نفسي أصكه صطاااااااار يفقد بعده الذاكره خير شرررر ..

الحادثه الثانيه .. كنا بأبها بلازا وهي محلات تطلع على الشارع على طول وأنا خارجه من مانغو إلا وحده ماسكه بنت وتطالع يمين ويسار وزوجها الله يوفقه لابس روب وهو بعد يدور وشافت معاي بنات كثير بناتي الله يحفظهم خمس وكلهم صغار قالت لي هذي تبعك قلت لها لااااااا وعاد أنا في هالمواقف أفقد شعوري ماأدري ليش قمت أبكي ولصقت في المره زوجي يناديني يقول تعالي وأنا رفضت لاصقه بالمره والله إن العمال كلهم بالمحلات طلعوا تخيلت هالبنت تطيح بيد واحد فيهم أحس قلبي طاح برجولي قام زوجي مسكني بيدي وسحبني غصب ومشيت شوي وألتفت إلا أمها حسبي الله على عدوها ماسكه بنتها وتضمها والله لاشعوري رجعت عندها وقلتلها ليييييييش تضيعين بنتك بهواش قالت والله خليتها مع أبوها وهو اللي ضيعها وقمت أهاوشها قلتلها هذي أمانه برقبتك لاتعطينها زوجك .. تخيلوا وأنا باقي أبكي ..
قههههههههههههر ياناس .. في جده في أغلب الملاهي بحكم إني أروح هناك كثير أشوف الشغالات داخلين بالعيال لحالهم ويلعبونهم وأهلم ياأنهم بالبيت ولا يتسوقون نفسي أمسكهم وأدخلهم سجن وأقعد أعذبهم ليل نهار إلين يتوبون من رمي عيالهم على الشغالات ..

ياجماعه إيش رايكم في الكلام اللي قلته أنا صح ولا خطأ مع العلم إن عندي خمس بنات ماخليهم يفارقون عيوني ولا لحظه ..هذي أمانه ياحبيباتي ولازم تحافظون عليها الله يحفظ لي ويحفظ لكم يااااااااارب ..
تقبلوا حبي ودعواتي ..