إنتي أحلى من زوجك بكثيييييييييييييييير مو من مستواك

بسم الله الرحمن الرحيم


السلام عليكم ورحمة الله وبركاته

الحمد لله والصلاة والسلام على رسول الله

بصراحه شديده فيه شي شايع بين النساء في مجتمعنا وبكثره

أنقهر بشده لما أشوف عروس جميله وزوجها أقل منها من ناحية الجمال والوسامه
تلاقين اللي حولها يقولون لها وشلون انتي الحلوه القمر خذتي هذا
هذا ماهو من مستواك
قد يكون كلامهم عن حسن نيه وقد يكون حسد فيهم ودهم يقهرونها
يطيحونه من عينها مع إنها كانت مقتنعه فيه من ناحية الخلق والدين وراضيه لكن هم شينوه في عينها
فتلاقينها تحتقره في نفسها وتبدا تعامله بدون نفس إلى مايلاحظ عليها ويبدأ يكرهها وترا الرجال يفهمونها وهي طايره
يفهم إنها بدت تحتقره في نفسها فيحاول يقهرها عشان ترضخ له وما تتكبر عليه فتزيد المشاكل
وهذا شي واقعي ولاحظته كثير

وفيه وحده كادت تطلق بسبب هالشي وتعرضت للضرب بسبب إنها سمعت من وحده قريبه لها من هالكلام
وبدت ترفع خشمها عليه فحاول يهينها لأنها أهانته بشكل غير مباشر
والرجل مايرضى هالشي أبدا

وممكن تكون هالمشكله بعد ما يجون الأولاد والبنات
لو جابت بنت أو ولد شبه أبوه قالوا لها يووووووووووه
ماعندك نيه تجيبين أحد حلو عليك
وهي مسكينه
تحرق في دمها وتحتقر زوجها في نفسها


خلاصة مقصدي من الموضوع ياناس ياعالم خلوا الناس في حالهم

دعوا الخلق للخالق

إذا شفتي وحده من اللي تكلمت عنهم اتركيها في حالها لأنها بشر رح تتأثر ويطيح من عينها

بعدين أي أفضل إن الوحده تاخذ واحد مستوى وسامته أقل منها وهو على مستوى من الخلق والدين وتكون دايما جميله في عينه
أو تاخذ واحد أحلى منها وسيم واخلاقه في الحظيظ يهينا ويحقرها في نفسه ويشوف نفسه عليها

فياليت نترك الناس

ومن حسن إسلام المرء تركه مالا يعنيه

واللي مرت بهالشي ياليت تكبر عقلها وإذا أحد قالل لها إنتي قمر وحلوه كيف خذتي هذا مستواه أقل منك
ياليت ماتهمهاا هالتفاهات وياليتها تنظر للجوانب الحسنه والإيجابيه في زوجها وتقدر زوجها لأن مارح ينفعونها لأنه هو جنتها ونارها

ياناس هذي أرزاق مقسمه في السماء من قبل أن تولد هالإنسانه إنها رح تاخذ هالزوج وهذا رزقها والحمد لله

والكماال لله سبحانه وهو أعلم إن المرأه هذي يناسبها هالرجل
وإن الرجل هذا تناسبه هالمراه




سبحان الله دعوا الخلق للخااالق ياناااااس



هذا والله اعلم

وصلى الله وسلم على نبينا محمد وعلى آله وصحبه أجمعين