السلام عليكم و رحمة الله وبركاته
مساء الخير يا عزيزاتي ،
هذا الموضوع شاغل عقلي من زمان وأنا أبغى أقوله لأني شفت العجب العُجاب من هالمنتدى ، و من غيره من المنتديات !
هي كلمة عانس ، والمجتمع المتخلف اللي يستخدمها ، أنا ما أدري ليش انتوا حاطين عمر معين للزواج !! ، الزواج ماله عمر محدد ، لكن انتوا بعقلياتكم حطيتوا له عمر محدد و برغبتكم وصار كأنه عادة و تقليد في المجتمع ، لا أحبذ كلمة عانس أبدا أبدا ، وللأسف أكره اللي يقوله ، لأني ما تزوجتي يعني انتي عزباء لسآ بنت ما تزوجت ،
عانس = فاتها القطار !!
هذا المعنى حطيتوه انتوا ، نعم انتم !! ، أنا متأكده هذا الموقع يدخل ملايين نساء العالم العربي و الخليجي بشكل أخص ! ، فاذا انتي ما غيرتي نظرتك و ما غيرتي نظره بنتك لنفسها ولهالكلمة السيئه فانتي نفسها الحرمة اللي تروح تدور في بيوت الناس على وحده أصغر من 20 لولدها و انتي نفسها الحرمة اللي تقول كلمة عانس ،
اذا ماصار التغيير من نفسك وما أثرتي على المجتمع اللي حولك كيف تبين المجتمع يتغير و الناس تغير تفكيرها تجاه هالشيء ، وتجاه البنت نفسها !
بأذكر نقاط مهمه ولعلكم تستفيدون منها و تطبقونها في حياتكم :
1) تكوين الاسرة و الزواج شيء مهم ، لكن ثقي ثقة تامة ان اراده الله فوق كل شيء، اذا تزوجتي فالحمدلله واذا ما تزوجتي فالحمدلله ، لأن الله دفع به عنك شيء سيء و كتبْ لك شيء حسن ، توكلي على الله ، توكلي الله .
2) الى أمهات المجتمع ، المتفهمات، العاقلات ، تقدرين تخطبين لولدك وحده عمرها 25 أو 27 أو حتى 30 أو 35 ، مو لازم يصير فوق العمر 5 أو 8 سنوات ، مو لازم إنتي وولدك تاخذين وحده صغيره علشان تربينها و تصير وراك ، ترى خلاص كبرنا و فهمنا و عقلنا و كل بنات المجتمع نفس الشيء ، ما راح نقطع رزق أحد لكن انتوا اللي صنعتوا كلمه ( عانس ) و انتوا نفسكم اللي نشرتم كذا للمجتمع !
3) إلى الأمهات ، نصيحة مني لك لا تحطمين بنتك بأي شكل كان ، هي انسانه تفهم و تعقل ، عملت بالأسباب بس ما صار لها نصيب ، لا تكسرين قلبها و تخلينها الملومه لأنك كذا ما رضيتي بقضاء الله و قدره ، خلي الأمر الآول و الاخير لله سبحانه
4) أختي العزيزة ، أقرر نصيحتي لك لا تجعلين الزواج شغلك الشاغل و همك في هذي الدنيا ، لأن هالشيء مكمل لدينك وإضافه في حياتك ، لكن أنتي ما خلقتي للحياة لهذا المقصد فقط ، لكن لطاعة الله وعبادته ، واذا كان كل تفكيرك زواج فأنتي أرخصتي بقيمتك ووجودك في الحياة و جعلتيها لأمر واحد فقط "، لا تعلقين نفسك فيه وتضيعين حياتك ، أبدعي في حياتك وأنجزي ،
5) خليك متفائله و سعيدة ، حبي نفسك حبي حياتك ، أسعدي اللي حولك ، ابتسمي ، أعطي أمل للكل ، لا تيأسين أبدا أبدا ، لأنك قادره آنك تنجزين و تبدعين في حياتك ، و تغيرين المجتمع للآفضل ، انتي أساس المجتمع ، و اذا أكان أساس المجتمع مافيه ثقة اذا بينهار
6) عزيزاتي المتزوجات ، بعضكم وللأسف و أنا أعرف انه من غير قصد ولكن ، راعوا حال غير المتزوجات ، وماله داعي الهمز و اللمز ، بإمكانك تكلمين المتزوجات عن الاشياء الخاصة بالأمور الزوجية في مكان آخر و في جلسه أخرى ، ضعي مكانك في مكانها قبل لا تسوين أي حركه و احترمي نفسك لتحترمي ،
أتوقع ان موضوعي وصلت فكرته للجميع ، التغيير يبدأ منك آنتي ،ساهمي لمجتمع راقي فكرياً
أتمنى تطبقونه ، انصحوا أمهاتك و أخواتكم ، أخوانكم ، حطوا نفسكم مكانهم علشان تستشعرون المعنى
الله يوفقنا أجمعين و يكتب لنا الخير و مافيه ويصرف عنا غيره ، :") بالتوفيق جميعا "
نانسي درو @nansy_dro
عضوة فعالة
يلزم عليك تسجيل الدخول أولًا لكتابة تعليق.
لوكان الناس زيك يفكربعقل ماكان في بنت تشوف نفسهاعانس حتى لوعمرها في العشرين دايماحزينه من نظرة المجتمع تحاول ترسم بسمه على شفتيهااشوف بنات عمرهن تحت العشرين يسمين انفسهن عانس لأن في بنات في عمرهن تزوجين اذاهي مسميه نفسها عانس فكيف إلي حولها
هدى1982
•
كلامك درر ،، ولكن يبقى هذا حال مجتمعنا العربي المفروض الاسلام يزيدنا فهما فما الزواج إلا رزق يسوقه الله لعباده متى شاء حاله حال الذرية فكم من امرأة انجبت وهي تفوق سن الخمسين ولكن أمور صارت من الحتميات في مجتمعنا
فمهما وصلت المرأة من التعليم والثقافة والاخلاق والدين و....... يبقى الزواج كأنه تاج لابد لها من أن تلبسه في سن معين ولا يهم من يكون الزوج المهم ان تتزوج.
ما قسم الله الأرزاق إلا لحمكة يعلمها ،، فما تأخر زواج بنت أو شاب إلا فيه خير له
فمهما وصلت المرأة من التعليم والثقافة والاخلاق والدين و....... يبقى الزواج كأنه تاج لابد لها من أن تلبسه في سن معين ولا يهم من يكون الزوج المهم ان تتزوج.
ما قسم الله الأرزاق إلا لحمكة يعلمها ،، فما تأخر زواج بنت أو شاب إلا فيه خير له
الصفحة الأخيرة
بس كلمة عانس مستمرة في كل زمان ومكان
ياريت الناس مثلك
انا عمري 26 وين ما اروح يسمعوني هالكلمة بس انا راضية لان الله هو اللي اختار لي حياتي
الله يزوجني وكل عانس خخخخخخ
قصدي وعازبة