والله كلامك صحيح انا للحين الله ماكتب لي اطفال وحملت باول حمل وكان ولد الله يجعله شفيع لي اجهضت بالسادس وبعد اجهاضي قال زوجي نفسي ببنت مره ثانيه وصحيح سوينا الي انعرفه علشان تكون بنت والحين انا حامل وهذا انا يعتبر بكريه بس سبحان الله البنت خير تكون ع اهلها

كلامك سليم 100% وجزاك الله خير الاحظ المنتدى صار كله تساؤلات غريبه ومستفزة متى احمل بولد و ايش استخدم
واللي تسوي سونار وتجي زعلانة الله يهديهم في ناس تتمنى ضنى ما يدرون انو هذا رزق من الله يهب لمن يشاء اناثا ويهب لمن يشاء ذكورا ويجعل من يشاء عقيما اهم شي الصحة والعافية 
على قولتهم لو تجري جري الوحوش غير رزقك ما تحوش 
يعني هذي اقداااااار من الله سبحانه
وكل عام وانتم بخير ويااارب يتمم لكل حامل حملها ويرزقها ما تتمنى ويرزق كل من تتمنى بالحمل السليم يااارب

اما سالفه بنات المنتدى غريبين تلاقيها مسويه ٥سونارات وماكدين لها بنت وتلاقيها مو مقتنعه

والله البنت تهبل حنونة وقلبها على اهلها، ووالله مو المهم بنت اوولد المهم الخلقة التامة والصلاح والهداية، الله يهدي ذرياتنا..

بس بعد ما انكر ان المجتمع ذكوري يعتمد على الذكور اكثر من الاناث، وعلى قولهم الولد هو اللي يشيل اسم العيلة لان ذريته تنسب له، وهذا شي موجود وواقع ما نقدر ننكره، بس مو معناه ان الولد احسن من البنت، لكن ربي اعطى القوامة للرجل لانه هو الاقدر على النفقة، فعشان كذا العالم ودهم بالاولاد لانه هو اللي يصرف ويشتغل وينفق..

لكن طبعا الاهم الصلاح لان مهما كان بنت او وولد لو ما كان صالح وعلى تربية واستقامة لا نفع منه..

وبالنسبة للي ذكرت اية ( المال والبنون...) حبيبتي ليس المقصود بها الذكور واللفظ لما يطلق بشكل عام يراد به الذكر والانثى، مثل قول الله ( انما المؤمنون إخوة) طيب ما قال المؤمنات!!! لان المؤمنون يشمل النوعين..

ياختي هذا الواقع لازم فيه سند لك ولبناتك بدون ولد بتحتاجين للناس من يجيب من يودي من يراجع الدوائر الحكوميه هذا اللي فرضه علينا مجتمعنا ﻭﻭﺍﻗﻌﻨﺎ