إنسداد قناة فالوب ، اللهم إجبرني يارب العالمين( قصتي)

السلام عليكم ورحمة الله وبركاته
هذي أول مشاركة لي في المنتدى بس ماني جديدة
عليه من المتابعين القدااااااامى بس اول مره أسجل
عشان أكتب مشكلتي

أنا أم لبنتين الله يحفظهم وينبتهم نباتا حسن
بنتي الصغيره عمرها ٤ سنوات
لما كملت بنتي ٣ سنوات تركت المانع ( حبوب جينيرا)
بنية الحمل وحملت بعد تركي للمانع ب ٣ شهور
ولاكن قدّر الله أن هالحمل يكون خاااارج الرحم
كانت صدمة كبيره علي خصوصاً لما عرفت انه لااازم
مستشفى وتنويم وعمليه عشان اتخلص من الحمل !
وقبل العمليه قالوا وقعي لان احتمال نشيل قناة فالوب ( المتصله بالمبيض ) يعني احتمال يكون عندي مبيض واحد فقط بعد العمليه لانه يمكن ينفجر وقت العمليه وقعت وانا كلي حسره
خلصت العملية وجاني الدكتور الصباح يبشرني انه قدر يحافظ على الانبوب الثاني ( اللي صار فيه الحمل خارج الرحم ) وماشاااله فرررحت وحمدت الله
تعبت كثير لانه فتح بطن بس رضيت وصبرت وقلت عادي بيعوضني الله

بعدها منعت الحمل ٦ شهور عشان ارتاح ويطيب جرح العملية واعتمدت على العزل
بعديت بديت محاولات الحمل من ٥ شهور وماصار حمل
خذيت منشط وابره تفجيرية والتبويض عندي كويس
وماصار حمل
اخر شي قالت الدكتوره لاااازم اشعة صبغة عشان نشوف الانابيب
وسويتها بعد الدورة بيومين وطلع عندي انبوب العمليه الأيمن مسدوذ تمااااما وماانفتح مع الأشعة للأسف
مع العلم ان الانبوب الثاني ( الأيسر ) سليم ومفتوح
اللهم لك الحمد
الحمدلله على كل حال
قالت لي الدكتوره نوقف مراجعات هالشهر واذا نزلت
الدورة تجيني ثاني يوم دورة

حبيت اكتب قصتي لعل وحده منكم تكون مرت بتجربتي ورزقها الله بدون تعب وعلاجات
او تعرف احد مر بمثل حالتي وماطول
وان شاء الله يارب ابشركم قريب بأخباري الحلوه
دعوااااتكم