إنقاص الوزن ( الرشاقه )

المشكله معاناة في كل بيت ويارب الي تعرف شي تعلمنا عليه
بس نصيحه كل وحده مجربه تشيل اللوز بيكون رجيم لها
لانها بتكون ماتقدر تاكل شي

عزيزتي أنا أيام أول (( أصبح من الماضي ))
كان وزني 80أو داخله على 90 وطولي 160 ( يعني سمينه )
المهم هذي الأيام كانت في الأجازه (( داخله بداية السنه الجامعه ))
فقررت أكون بشكل جديد
والله وروح أسجل بنادي ... ولقى ذيك الأخصائية التغذيه العسل .. وشتكيله من تراكم الدهون فالأرداف
والفخوذ (( ومن فوق معصقله )) قسم تقولين على قولت أخواني ساعه رمليه ههههههههههههه
(( بس من الماضي هذا لاتنسين ))
وعطتني نظام غذائي (( مو رجيم )) والله وطبق النظام مع الرياضه بالصبح كان أيام الأجازه ويوم بدت الدراسه حولته عصر ........... وستمر على هل حال حوال 6 شهوووور
(( وكنت أحاول قد مقدر ماأظهر للخلق لأني أدري أني بتغير ))
وفعلا نزل وزني وصلت للستييييييييين (( وزني المثالي ))
بس بقى مشكله وحده !!!!!!!!
هو أن جسمي مترهل ...... بدأت بالمرحله الثانيه ألا وهي ..... نظام غذائي لتثبيت الوزن + رياضه لشد الجسم
وستمريت شهرين .......... وبكذا ياستي حوالي 8 شهور أو 9 وأنا مستمره
وفعلا غيرت نفسي 180 درجه
عقبها رحت وصبغت شعري وسويت تقشير لجسمي (( تحمست للحياه ))
وماجت الصيفيه إلا ونخطبت هههههههههههه (( متزوجه الأن ))
***************************
بس لازم تعرفين ياعزيزتي أن التخلص من السمنه لابد أن يكون بأصرار وعزيمه
يعني قولي نفسك لمتى وأنا كذا !!!!!!!!
ومن بداية الأسبوع ( على سبت ) روحي نادي وقابلي الأخصائيه إلي فيه وتفاهمي معها على كل شئ
صدقني أن كان على الرجيمات فماخليت رجيم إلى وسويته
وفنهايه أكتشفت أني مراح أنزل بسرعه ( المشكله أنزل كيلوين ويرجعون دبل )
فقررت أسوي إلي قلت لك عليه
وصدقني أول أسبوعين راح تتعبين لأنك مو متعوده وبعدين بصير روتين
أعتبري أن النادي (( وظيفه )) !!!!!
والله جد يعني شئ لازم تداومين له .... إذا موظفه أنتي أو طالبه بالصبح خلي النادي بالعصر
رتبي أنتي أمورك
صدقيني أنتي بس أعزمي على الشئ وخلي عندك إراده قويه وراح تشوفين
(( وياما راح تسمعين تعليقات وتريقه أسأليني أنا ))
بس أضحكي لهم ولاتنسين أنك أنتي المستفيده
****************************************
يالله طولت عليكي حبيبتي .......... أتوكلي على الله ومالك إلا إلي قلت لك عليه
ولاللرجيييييييييييييييييييييييم (( الكيميائي وغيره ))
أتبعي نظام مع طبيبك
****************************

تحياتي

اختي العزيزه انتي من الرياض اذا من الرياض اي نادي وشرايك فيه من الناحيه الدينيه انا سمعت ان النوادي تشوفين ناس متفصخين وحنا ولله الحمد ماودنا نشوف هذي المناظر
ولكي جزيل الشكر

اختي ...من ديار أبو متعب
ماشاءالله عليك .. من جد كلامك يحمس الوحده ..
الله يهنيك في حياتك ويسعدك ..

اي والله صاجه اختي

الله يعين كل وحده تعاني من هالشي ويسهل عليها

وانا لو اقدر جان شلت الكرش وخلعتها من مكانها بس الله كريم

وتسلمين اختي عالرد وربي ييعيييييييينا