إنقذوني رجاءًا فأنا على حافة الإنهيار ..

بسم الله الرحمن الرحيم
حبيبتي أنا ما راح أطول عليج بالكلام لأني أنا ما أحب الردود الطويلة ..
بس من قراءتي لكلامج بغض النظر عن عمرج و حالتج الاجتماعية أنا شايفة إن مشكلتج منبعها نفسي .. و مصدرها إنج خايفة تكونين أقل من الناس اللي حوالينج .. نصيحتي قبل لا تبدين أي نظام تبينه لازم تعرفين مصدر مشكلتج .. هل هي فعلا الفيتامينات فقط اللي سببت لج هالمشكلة ؟ أم هي حالة من التوتر ؟
لأن إن زرعتي زرع على أرض غير مستوية النباتات ما راح تطلع بالنتيجة المطلوبة .. لازم تكون الأرض خصبة و جاهزة .. نفس الشي بالنسبة لنفسيتج و الرجيم ..

على العموم أنا ما أقدر أجزم لج شكثر تقدرين تنقصين بالشهر أو بالاسبوع كل جسم و طبيعته .. بس شغله أنا دايما أحطها في بالي سواء كنت ضعيفة أو سمينة .. الصحة و الراحة النفسية هي أغلى شي عند الانسان .. و بالنهاية هاذي حياتي و انا المسؤولة عن كل شي يدخل بجسمي ..
إذا ودج أتواصل معاج بشكل أكبر تقدرين ترسلين لي راسلة خاصة أعطيج بعض الشغلات المهمة اللي تعلمتها طوال رحلتي المتعبة مع الرجيمات القاسية و التعذيب النفسي اللي حطيت نفسي فيه و أوفر عليج العناء :)

بالتوفيق حبيبتي :26:

اللهم انك عفو تحب العفو فعفو عني

عزيزتي ... لاتنهاري ولاتزعلي كل شي وله حل..

والحمدلله انك انتبهتي لسمنتك من بدري..

بقولك شغلة.. لاتنزلين ال 12 بسرعة لانك بتظلين عمرك تنزلينها وترجع دبل وهكذا أسأل مجرب..

قفلي أذنك عن الي حولك .. وأبدأي في انقاص وزنك بكل الطرق الصحيحة .. حطي خطة انك تنقصي بالشهر الاول 5 كيلو والي بعده مثله .. كثفي الرياضة بالبيت اول ماتصحي الصباح .. رقص او مشي او رياضة ايروبيك شي تقدرين تسوينه بالبيت .. اقضي امورك كلها مشي وراضية ..
والاهم زيدي ثقتك بنفسك أنك قادرة ان شاءالله على النحف وانك ستعودين رشيقة..

البداية صعبة لكن انتي قوية في تجاوزها..

اعانك الله

الله يوفقك حبيبتي ..اهم شي الاراااده عندك ..اذا صار عندك اراده صدقيني بتنحفين ...
حنا مشكلتنا الاراده مانصبر ..

الله ينحفنا من غير شر