إنما أشكو بثي وحزني إلى الله .. ساعدوني في انحراف العين

السلام عليكم ورحمة الله وبركاته
اليوم كان موعد ولدي وشافو وزنه نااااقص على ال 8 كيلو قالوا معاه سوء تغذية واسنانه مو طالع له الا ثلاث فوق وتحت وباقي اللثة مورمة ولاراضية تطلع
وكل مايوقف بيمشي يطيح ومشكلة الارتجاع والنوم المتقطع والصراخ والخوف والشيب وفحصوا عيونه لأني كنت شاكة في انحراف وحدة منهم لكن ماقدرت اركز ايهم اللي نظرها صحيح وايهم اللي تنحرف واحيانا اقول لا انا من كثر السهر والتعب والخوف عليه اتوهم
ولما فحصوه قبل شوي حصلوا في وحدة من عيونه انحراف واضح وتم تحويله لمستشفى العيون عشان ماتكسل بزيادة ويهمل النظر فيها لاسمح الله .. الحمدلله على قضاء الله وقدره
الحمدلله بقدر وجعي .. الحمدلله بقدر دموعي .. الحمدلله بقدر سهري وتعبي
من امس مانمت وميتة من التعب وصايمة ولاني قادرة تغمض لي عين من كثر الدموع يارب ترحم ضعفنا وقلة حيلتنا ياالله ياالله ياالله مالنا رب سواك ندعوه ونرجوه
شافوه مشايخ الاسبوع قالوا يحتاج لرقية مكثفة عشان تطلع مافيه من عين وحسد
وجسمه كله كدمات سودا مسكين وراسه شيب تقطع قلبـــــي من البكاء تقطع قلبي من الوجع تقطع قلبي من عيون الناس له محاصرينه بعيونهم وين ماراح وطلع بشكل مخيف ومقرف واسألتهم اللي ماتخلص حسبي الله ونعم الوكيل في كل من اصابه عسى الله يذيقهم انكى واشد مما يعانيه هذا المسكين ومانعانيه معه من ولادته اللهم اني وكلتك فيهم فاقتص لنا منهم في الدنيا والآخرة
تكفون ساعدوني من عانى طفلها من انحراف العين للداخل وهل فيه امل ترجع طبيعية ان شاء الله
دعواتكم يااخواتي واللي في مكة وتوصل للحرم او تعتمر الله يوفقها تدعي له الله يشفيه ويعافيه ويخليه لي يارب
تكفون ادعوا له الله يرفع عنه ويشفيه من مشكلة لمشكلة من انولد ماوقف عن المراجعات والعيادات والمستشفيات نركض فيه مابين الرياض والشرقية لاحول ولاقوة الا بالله
اللهم يا واسع العطاء يا منزل الشفاء يا رافع البلاء يا مجيب الدعاء أنزل رحمة من رحمتك وشفاء من شفائك على كل مرض وسقم وبلاء في جسد طفلي ياحى يا قيوم يا بديع السماوات والأرض يا ذا الجلال والإكرام برحمتك نستغيث ياالله ياالله ياالله