( إن الله في عون العبد ما كان العبد في عون أخيه ) ياليت احد يسمعني

السلام عليكم ورحمة الله وبركاته

لا ادري من اين ابدا ماذا اقول اي الحروف تسعفني .. ترددت كثير بذكر مشكلتي وانا اعلم لست الوحيده التي عندها مشاكل وانا دايما اقراء مشاكل الغير احس فيهم .. لكني تعبت والله تعبت والله تعبت .... احس ان ربي غاضب علي :44: امي اغلى الناس بوجود لاحول ولاقوة الا بالله وابوي اعز ناسي واخواني وزوجي هذه هي مشكلتي ياربي عونك ... سارلي 21 سنه وانا على نفس الحال هم مايعلم به ربي:( .. ابي اتغير ابي يكون لي كيان مثل الناس امي ومشاكلها مع اخواني وحريمهم و ابوي و زوجته الله يسامحها من ناحيه كسر فيني الطموح و رغبه بالحياة :icon33: وللاسف امي دائما تقول عني فاشله ماهي داريه انهم سبب الوحيد الواقف امامي .. وغيرها امي ماخلت فيني ثقه بنفسي لما اجلس معها وعندها زوجه اخوي تهزني وهي قاصده زوجه اخوي على عينك ياجاره بس المشكله زوجه اخوي طمعت فيني بسبب امي .. انا مابي مشاكل معهم اتحشاهم بهذا السبب انطوئيت على نفسي ...

لما تزوجت حبيت ابدا صفحة جديده وارمي كل شىء ورائي لكن ابوي اللي عمره ماحسسني اني بنته قال لزوجي هذي ماتطلب كثير وماينسمع صوتها في البيت ابوي خاف اني ارجع له لو سكت احسن انا عزمت مع بدايه الزواج اتغير ... هذا ناحيه وناحيه الثاني اخوي يقول لزوجي قبل العرس لاتسوي لها حفله زواج بقاعة كبيره سوي لها فوق السطوح شوفتوا الاستهانه :icon33:
بس زوجي خاف من نظره الناس له لانه كان متزوج قبل وطلق ,,, يعني خاف من النقد ؟؟؟
اما بعد الزواج مااحد زارني من اهلي كاني يتيمه واهل زوجي استهانوا فيني مايعطوني وجه لان امي مازرتني اشكوه لله ..اخوي الكبير صغرني عند زوجي يتكلم على امي علشان حرمته
زوجي الان ماينزل يسلم على امي وعلى اخواني ... كان يعايرني بمشاكل اخوي مع امي والله مابس انا حتى اخواتي زواجهم يعايروهم ... شكوه لله ...

والادهى والامر زوجي تغير علي لما اطلب اي شىء يقول لي ابوك قال... بس من ضغوط اللي علي انفجرت بوجه :icon33:... لان زوجي كان متزوج قبل كان مدلع زوجته الاولى (طليقته)
اما انا مالي غير الهم منه الله يسامح اهلي والله عذاب ....
والله يابنات حتى عماتي مستهانات فيني واخواتي ... لدرجه اختي الكبيره زوجها متزوج عليها
عمتها اخت ابوها ماتعطيها وجه بس مع ضرة اختي عليها ... حسبي الله ونعم الوكيل :44:

والله يابنات اني حقدت على الناس اكرهم مااحد يعطيني وجه لان امي الله يسامحها تقول للناس مانزورها ولا نتصل عليها .. اذا زرنها تهزتنا قلنا ماشي لما نتصل عليها تقفل السمعه بوجهنا ... سار لي سنتين ماحملت امي تبغاني اتطلق بس المشكله ماهي بطلاق المشكله ابوي راح يحبسني ماراح خليني اروح عند امي !!! :09: والله حتى علاقتي مع ربي ولاحول ولاقوة الا بالله ... فكرت اني اهرب بس وين اولي وين اروح انا بنت شريف اخاف الله ... ناس ماراح ترحمني ... اااااااااااااااااه


يابنات هذا بعض الالم وجرح ماذا افعل تعبت الحقد اللي فيني على الدنيا ... ادعولي ان الله يرحم حالي يرزقني بطفل يعوضني الم السنين ... :icon33: من تجربتي للي عندها ام حنون ومتفاهمه تحطها بعيونها تحضنها ..والله اني اخاف اموت ماحضنتني اامي او ابوي ..اخيرا كل مشاكل اللي مريت فيها نتفائله بكره ان شاء الله احسن ... ادعو يابنات لاخواتي الله يسعدهن مع ازوجهن يسخر قلب ازواجهن لهم وللمسلمات امين يارب

سبحانك اللهم وبحمدك أشهد أن لاإله إلا أنت أستغفرك وأتوب إليك.....