اليوم جبت لكم موضوع من واقع الحياة ....يعني عشت وسطها
تعرضت لبعضها
والبعض خواتي
والبعض صديقاتي
فحبيت أنقل لكم هذي الصور
مب علشان أبرر موقفهم .... لكن علشان نحن نحسن الظن يوم نشوف شي
لأن في ناس تصرف بطيعتها وفطرتها مايخطر في بالها شي
وأنا وحدة أتصرف بشكل طبيعي جداً .... وزوجي فاهم هذا الشي ...وعاذرني .... والحمد لله
أحاول أفكر في نظرة الناس لي .... بس أحياناً أنسى نفسي .... وأحيانً أكون مجبورة
فزوجي يشتغل في مدينة الشارقة وأنا في مدينة دبي .... وأقرب مكان لنا نلتقي فيه مركز تجاري موجود بين دبي والشارقة .... ونبغي نطلع لمكان مستعجل فشو الحل؟؟؟ غير إن نوقف سيارتي وأركب معاه
لأن ضروري الواحد ما يسيء الظن لأن بعض الظن إثم
1- وحدة في مجال العمل سلم عليها واحد باليد وما في أي شبه بينهم.
جايز أخوها بالرضاعة
2- وحدة في الباركنات ركبت مع واحد ولأول مرة تشوفون الشخص هذا والسيارة تلوينها ثقيل
جايز عمها أو خالها
3- شفتوا واحد كلم وحدة في مجال العمل وركبوا الأصانصير مع بعض .... مب شرط بينهم علاقة غير مشروعة أو شي
جايز زميلها في المكتب سلم عليها وسألها عن أمس لأنه ما كان موجود ... فشي طبيعي بيركبون الأصانصير مع بعض (وأكيد مابتركب بروحها معاه في الأصانصير لازم في مجموعة بنات معاها ) لأنهم في مكتب واحد وسكتهم وحدة
4- وحدة وقفت سياتها في أحد المراكز التجارية وركبت مع واحد
ممكن يكون زوجها صار لهم مشوار فجأة فقربت له المسافة ووصلت لين هذا المكان ...
5- في آخر الليل الزوج كان مسافر ... وشفتوا شاب متلثم وداخل البيت ...
مب جايز جاي للخدامة
6- شفتوا جارتكم يومياً تطلع من البيت آخر الليل متنقة وتركب مع واحد...
جايز الخدامة مستغلة مبس وشنطة المداد علشان تسوي فعلتها السودة
7- نسيتي ساعتج في أحد دورات المياه العمومية ... ويوم تذكرتي ... سرتي تاخذينها ... بس كانت وحدة موجوده في دورة المياة وطلعت بدخلتج .... مب معناه هي إللي شلت ساعتج
جايز وحدة قبلها دخلت وشلتها ... أو أي أحد ثاني ... أو ممكن فغي الإدارة
8- قلتي على سر لصديقتج .... وفجأة سمعتي أحد يكلمج عن هذا السر ... جايز الطرف الثاني موصل الموضوع ... أو ممكن تسمعين نغزات ... وهو في الأساس مجرد موضوع عادي انطرح ... بس لأن في بالج شي ... فحسيتي الكلام لج
9- وحدة في مجال العمل كانت تتكلم بصوت واطي ... أو زادت مكالمتها ... مب معناته لها علاقة مع شاب .... جايز توها مالجه قريب ومالحقت تعلن الخبر لسبب قوي وقوي جداً منعها .... فلو تصبرين اسبوع ممكن تلقينها تعزمج على الحفلة.
10- شفتي أثنين طالعين آخر الليل من البر بعد ماكانت السيارة واقفة مدة طويلة والشمسية حاطينها
جايز توهم متزوجين ... وتعشوا بالسيارة والحرمة فاصخة الشيلة ... كيفهم حرية شخصية
دلوعة & حبوبة @dloaa_amp_hbob
محررة فضية
يلزم عليك تسجيل الدخول أولًا لكتابة تعليق.
خووووووش والله صحيح بس مين راح يفكر بالإجابيه والمثاليه دي ؟؟؟خووووووش والله صحيح بس مين راح يفكر بالإجابيه والمثاليه دي ؟؟؟
المسلم يلتمس لاخيه المسلم 70 عذرا >> لكن للاسف اغلب الناس نيتهم شينه يسيئون الظن قبل مايتاكدون >> الشر يعم والخير يخص .
المطنقره
•
انا اقوووول الواحد لايوجع راسه ويقعد يحلل الناس وش يسوون ،، لاحسن نيه وسؤء نيه ، الأفضل الأبتعاد عن الناس والأنشغال في النفس ، لأن من راقب الناس مات هم سواء بحسن اوسوء نيه
وشكراااا
وشكراااا
الصفحة الأخيرة
وانا اشوف انه بعض ما ذكرتيه صح مو كله
وجزاكي الله خيرا
بس ها يقولون سوء الظن من حسن الفطن هههههههههههههههههههههههههههه