إهداء للي مثلي سبع سنين وماحملت..قصتي ونصائحي

بسم الله الرحمن الرحيم

القرقرة بهالموضوع واجدة ويبيلها وقت فإذا عندك وقت حياكي واذا مشغولة ومستعجلة عندك المختصر المفيد بآخر الموضوع





أخواتي المتأخرات بالحمل يعلم الله انكم مثل اخواتي وانه هالزاوية بالمنتدى اللي دايم من غير شعور او تفكير أدخلها سواء أكون فرحانة او متضايقة او مهمومة ..كل المنتدى خير وبركة لكن منتدى تاخر الحمل غيرر ومايفهم هالشعور والاحاسيس اللي احنا نمر فيها غيرنا ولله الحمد على كل حال ..الترقب قبل نزول الدورة وتجدد الامل انه حمل الين تنزل الدورة وتتبدد كل الاحلام ويتجدد مع الدورة الجديدة

اخواتي هالموضوع أحب أهديه لكل من تأخر حملها مثلي سبع سنين أو اكثر ولله الحمد اولا واخير كله ابتلاء من ربنا وحال الانسان يايكون شاكر او كفورا

أدري انه حالكم مثل حالي يوم أدخل المنتدى اوقات اكون طفشانة وأبي اي قصة تسليني وأتخيل أنا نفسي يصير لي نفس اللي يصير لكاتبة القصة .. وقصتي ذي لكم عشان تتسلون وتجددون الامل بالواحد الأحد
مع اني مااشارك كثير لكن يعلم الله يوم ادخل واقرا وحده انها كاتبه مشكلتها والله اني اقعد ادعي لها بداخلي يوم اصلي وانا والله مااعرفها لكن من باب حب لاخيك ماتحب لنفسك


بنات أنا كان لي سبع سنين ماكتب لي ربنا الحمل نهائيا مع أني عمري ماأستخدمت أي مانع..أستخدمت الكلوميد ثلاث شهور وأوقف وارجع استخدمهم مرة ثانية ثلاث شهور مع ابر تفجير وهكذا.. ربنا ماكتب ولله الحمد
جربت عدة دكاترة بالبداية كنت سليمة مافيني شيء لا انا ولا زوجي وبعد فترة طلع عندي تكيس ولله الحمد على كل حال..اكتأبت طبعا وحاولت اخفف وزني :35: ومحلك سر أنا من النوع اللي يوم تكون حالتي النفسية سيئة يزيد وزني ..فتركت المستشفيات والمراجعات لانه ميزانيتنا اهتزت شوي.. وبعدها زوجي مل مني وتركني ببيت اهلي شهرين ..المهم بعد فترة رجعت اتعالج ويوم سويت تحاليلي قالوا عندك الغدة الدرقية نشيطة .. قعدت سنتين اتعالج لانهم قالوا مستحيل يصير حمل والغدة نشيطة عندي ولله الحمد على كل حال السنة اللي بعدها استمريت على دواء الغدة وكانت سنة تجريبية يعني اخذ الدواء متواصل ست شهور واوقف ستة شهور واتابع علشان ماترجع ترتفع عندي لانه على كلام الدكاترة انه مايصير حمل اذا ارتفعت الغدة
عدت الايام ورجعت أشتاق ابي طفل أشم ريحته :hahaha: يعني ماابي ادلعه واناغيه لا بس أبي اشمه :27: يارب يكتب لكل وحده فينا مشتاقة للامومة بتوأم اطفال سليمين متعافين يعوضونها ويسعدونها
رجعت اسوي تحاليل قالوا لي عندك قرحة بالرحم .. ياليل الليل وقالوا يبيلها كي .. طبعا انا اتخرعت اول مره اسمع احد يكوي تحت توقعت يسووون نفس اللي اول جداتنا يوم يحرقون فينا تقال انهم دكاترة وبما اني وحدة اخذت نصيبها من التكوي غصب عني يوم اني صغيرة ..رفضت انهم يسوون لي كي للقرحة عطوني تحاميل ودش مهبلي وكريمات وخرابيط ياكثرها المهم استخدمتها الين خلصتهم ويوم رجعت للدكتورة قالت لسه يبيلك كي .. تركتها ورحت لدكتور ثاني سبق وكشفت عنده فقال لي انه القرحة خفت عن اول شيء كثير ولله الحمد مع انه دكتورتي مصرة ليومكم ذا انه يبيلي كي .. انا متواصلة مع دكتورتي ذي هاتفيا :27: يقال لي اجتماعية الحين

المهم وقالي الدكتور عندك هرمون الحليب مرتفع :angry: واخذ دوسنتكس وميراميه والحمدلله اتعدل الوضع ويوم رجعت للدكتور قال عندك تكيسات عالمبايض استمري على جلوكوفاج واستمررر

طبعا خلال هالسنين سويت ثلاث مرات تلقيح صناعي وماكتب ربنا انها تنجح والحمدلله على كل حال.. وكنا نجمع فلوس انا وزوجي علشان اسوي التلقيح المجهري وسبحان الله كل مايتجمع الملبغ عندنا يصير لنا ظرف ونحتاج هالفلوس
اخر مرة قبل ثلاث شهور اتوفر معانا المبلغ حق التلقيح المجهري واخذت المنشطات اللي هي جونال إف قوة 75 اخذ بودرتين مع مويا وحدة وتنضرب هالابرة بالبطن من ثاني أو ثالث يوم بالدورة لمدة 14 يوم أو اقل طبعا مع متابعة الدكتور الين يوصل التبويض لحجم كويس يصير توقفينها علشان تبدأ المرحلة الثانية
المهم اللي صار اني استخرت وقبل هالشيء وأنا استغفر والله السبحة ماتنزل من يدي سواء اتفرج على تلفزيون او غيره حتى بالسيارة قولوا ماشاء الله :27:

المهم بدات أنا بالابر الى اليوم العاشر من الدورة ووقفتها لانه صار ظرف عند أهل زوجي واضطر انه يسافر :44: وأنا قعدت ورحت للدكتور وطلبته يلغي العملية وسألته هل راح يضرني اني اخذت منشطات ووكنسلت العملية؟ طبعا الدكاترة مايعرفون وش ظروف المرضى يحسبون أننا قاعدين نلعب مايدرون انه الوحدة فينا قلبها يتقطع عالضنى ويوم تتنازل عن حلمها لظرف قاهر ة انها والله تتقطع من الداخل وودها تنفجر لكن ماعليه محد يحس بالنار الا واطيها

قام دكتوري ينافخ من طرف خشمه وصرف لي ابرة تفجير قال علشان ماازيد التكيسات عندي وقالي راجعيني بعد اسبوع اتاكد انها كلها انفجرت وراحت المهم رجعت له وقال لي كله تمام عندي ثلاث بويضات وكلها انفجرت والدورة حتنزل علي قريب.. نزلت علي الدورة والغريب انه انا مابين الدورتين بالعادة 36 يوم لكن هالمرة مابين الدورتين 23 يوم بس المهم جاتني الدورة من غير الالام المعتادة من برودة بالوجه ومن غير الالام المعتادة بالبطن بس كانت غزيرررة وغامقة جدا المهم بعدها طهرت رحت للدكتور وكشف علي وقال كله تمام راحت البويضات الجديدة كلها .. ورجع زوجي من السفر بالسلامة وبعدها رحنا نراجع عند الدكتور في اليوم 11 من الدورة قال عندي بويضة وحدة حجمها 10 وقال ماراح اعطيكي ابرة تفجير لانه الاتفاق تقعدين ثلاث شهور بعدين نسوي تنشيط لجل اطفال الانابيب فمااعطاني ابرة تفجير ومن الفضاوة عندي اجهزة تحليل حمل كل الانواع كل ماتوفرت عندي فلوس مااسوي مثل الحريم السنعات وأتقضى ملابس وذهب لاااا اروح اشتري اجهزة كشف حمل .. لان زوجي حالف يمين مايشتري لي هالتحاليل بعد ماضيعت فلوسه عليها واهلي نفس الشيء حتى أخوي الصغير الله يحفظه يوم يبي يضحك علي وأعطيه فلوس يقولي أعطيني عشرة ريال وأنا والله اروح الصيدليه وأجيب لك ذاك التحليل اللي لونه أزرق خخخخخخخخخخخخخخخخخخخخخخخخخ
المهم ذاك اليوم وانا فاضيه الصبح وأقوم أحلل منزلي عن الحمل :pinklove: بس علشان تعرفون الفهاوة انا المفروض الحين بأيام التبويض بس أضيع وقتي لكن سبحان الله لمن يريد أمر يابنات اقسم بالله وانا بالحمام ويطلع لي خطين واضحين ماشاء الله ماصدقت نفسي والله ماحسيت بنفسي الا وانا ساجدة بالحمام وابكي يالله يابنات يالله انه يكتب هاللحظه لكل وحده فيكم سبعه سنين وأنا أنتظر أشوف الخطين ذي توضيت وصليت برى الحمام طبعا واروح المستوصف اللي جنبنا واسوي تحليل دم ويالله لك الحمد يطلع فعلا موجب
وتجي اللحظه اللي دايم أحلم فيها كيف أزف الخبر لزوجي.. المهم صدمني والله اقوله حللت طلعت حامل..عطاني نظرة زي وجهه وقعد يطالع التلفزيون واقوم واجيب نتيجة التحليل حق المستوصف واقوله شوف والله حامل..قام يقول لا اكيد الهرمونات اللي انتتي اخذتها ملخبطة عندك ومعطية انك حامل..قلت له هالشهر مااخذت ولادواء الا الجلوكوفاج بس..عيا يصدق الله يسامحه ويسخره لي..يقول كيف امس احنا عند الدكتور وهو يقول يومين او ثلاث وتنفجر البويضه وانتي تقولين حامل..طنشته ورحت اكلم اهلي وابشرهم اني حامل الله مايحرمني منهم يافرحت أميمتي فرحة مابعدها يارب تطول بعمرها واخواتي واخواني قاموا يبكون من الفرحة الله لاتغير علينا ويطولي باعمارهم ولايفجعني فيهم..ثاني يوم ياخذني زوجي العزيز للدكتور ويسوون لي تحليل هرموني واطلع فعلا حامل لي ست أسابيع من الدورة الاولى حملت سبحان الله مع انه صار جماع واحد بس قبل التبويض قبل لااخذ الابرة التفجيرية يوم سفر زوجي لكن مااقول الا قدرة الله جل وعلا سبحانه
أصر الدكتور وزوجي أني اسوي الفحص المهبلي وأسويه ويشوفون نقطه صغيرة وارجع البيت وانا فرررررحانه ومايمديني ادخل البيت الا وينزل علي دم حار ونتصل عالدكتور يقول لي عادي ارتاحي على ظهرك وذا طبيعي وتعاليلي بكرة ويوم جيت له ثاني يوم وهو يقول لي اصلا الحمل ليس كما يجب فهو كان حينزل سواء بفحص او غيره بس ماراح اعطيكي ادويه ويوم تنزل قطعه بيضاء حطيها بعلبة وجيبيها عندنا .. طلعت من المستشفى ورحت البيت وماابي ابين شيء قدام زوجي ونمت ويوم قمت الليل افرش سجادتي ويابكيت بكاء ألين قلت أمييين صرت أرجف من البكاء ماقدرت احكي احد حسيت انه حلم وسعادة عشتها ثلاث ايام وكتبت هنا موضوع وماقصروا البنات ردوا علي الله يسعدهم ويوفقهم ويفرحهم بالحمل يارب.. عدت الايام وجيت عند اهلي بجدة وانا ينزل مني دم بني غزير وخيوط الله يكرمكم المهم بعدها بيومين رحت للمختبر وسويت تحليل هرموني ويارب لك الحمد والشكر كما ينبغي لجلال وجهك وعظيم سلطانك زاد الهرمون عن الرقم اللي قبل يومين واستمريت علىى هالطريقه اسبوع كامل كل يومين اروح اسوي هالتحليل والحمد لله لقيته يزيد مع انه الوحم وقف علي لكن سبحان الله فوضت أمري وتوكلت على الذي يقول كن فيكون ومافيه شيء مستحيل على ربنا..طبعا انا مااعرف دكاترة كويسين بجدة وخفت اروح لاحد ويلعب فيني فقررت اروح لدكتورة جزائرية ربي يسعدها قالت لي الحمل سليم وماعليكي بكلام احد ومافي شيء ثابت نمشي عليه علشان نقول نمو الجنين ليس كما يجب..وقالت لي عندي تجمعات دمويه بالرحم وذا سبب النزيف اللي مايوقف واعطتني مثبتات وقالت لي ارتاحي على ظهرك وانبسطي يامدام :) عقبالكم يابنات والله اني دعيت لكم وانا مسافرة انه ربنا يفرح قلوبكم وتفرحون بحمل سليم من غير نزيف مثلي ويارب تتمم علي حملي ذا واشوفه سليم معافى بعد سبع شهور ونص ويارب يكونوا توآم .. مع انه الدكتورة شافت كيس واحد بس لكن أملي بالله كبير دام فرحني بحملي حيفرحني انهم توأم بإذن الله دعواتكم

مايستفاد من قصتي :
1- التوكل على الله وتفويض الامر لله والاقتناع إنه الدكاترة مجرد أسباب والله الرازق المعطي والدعاء بالسجود ( اللهم لاتذرني فردا) اربعين مرة واكثر
2- الاستغفار : (استغفر الله وسبحان الله والحمدلله والله اكبر ولا اله إلا الله ولاحول ولاقوة الا بالله العلي العظيم سبحانك اللهم أستغفرك وأتوب إليك إني كنت من الظالمين) هذي الصيغة اللي أنا أستخدمها وعلى لساني ولله الحمد
3- اشتريت سمكة وكل يوم الصباح احط لها الاكل محتسبة الاجر عند الله
4- كنت أعاني من ارتفاع الغدة وارتفاع هرمون الحليب وعالجته بالدوسنتكس والمرامية وبالنسبة للتكيس قعدت ثلاث شهور احاول اخفف اكلي وابتعد عن الاشياء كاملة الدسم واستمريت على الجلوكوفاج عالغداء والعشاء مع اني امتنعت عن العشاء نهائيا
5- رحمي كان مايل جهة اليسار ونزلت هنا موضوع كيف علاجه عن طريق انك تنامي على بطنك كنك ساجدة ورجولك تقربينها من صدرك خليكي ثابتة على هذا الوضع عشر دقايق وكرريه كذا مره باليوم وحاولي تحبين على ركبك
6- زوجي عنده ضعف بالحركة وتشوه بالحيوانات المنويه مااعرف النسبة كم لانه الدكتور يكلم زوجي بالانجليزي واانا ماافهم لكن زوجي مدخن شره ويعسل فأخذ من الصيدلية حبوب الزنك ستريس تابس ومن GNC أخذ حبوب ميجا مِن وكان مستمر عليها ثلاث شهور
7-انا وزوجي ناخذ الصباح ملعقة عسل مع سبع حبات حبة سوداء استمرينا عليها شهر بس لانه مناعتي جدا ضعيفة
8- ازواجنا عديمي الرومنسية ولايعرفون يقدرون مشاعر المراة نهائيا فلا تتوقعون الشيء الكثير منهم الله يسخره لي ويحنن قلبه علي انا توقعت انه زوجي مع خبر حملي حيطير من الفرح ويجيب لي هديه لكن الحمدلله على كل حال جدا صدمني ربي يحنن قلبه علي
9- دعواتكم سألتكم بالله انه ربنا يثبت حملي ويرزقني بتوأم ذكور متعافيين ليس في خلقهم زيادة ولا نقصان وأنه ربنا يوقف النزيف اللي عندي
10- يابنات عندي عشرة ابر جونال إف 75 هي سعر الابرة 150 ريال وانا صراحة محتفظه فيها بالثلاجة فاللي حابة تأخذها مني الابرة بمية ريال وافضل البنات اللي من جدة لاني حاليا بجدة
وسلامتكم واسفة على القرقرة الواجدة بس عاد عمري مانزلت موضوع فأعطوا سداح فرصه :26: