السلام عليكم ورحمة الله وبركاته
بسم الله ماشاء الله ...
عملت اليوم ايدام باكستاني خطييييييير .. طعم زي المطاعم الباكستانيه بالتماام
وسريع جداً رغم اني انشغلت بالتصوير لكن خلصته تقريباً ف20 دقيقه او 25 ..
تفضلو على مطبخي حياكم الله :
المقادير حسب كمية الدجاج ...
نص دجاجه منظفه من الجلد ومغسوله تمام مقطعه صغار
فلفل طازج حار او مطحون ,, انا حطيت قرن ونص وحرارته متوسطه
بصله كبيرة مقطعه
زنجبيل مطحون + ماجي+فلفل اسود+كم حبة قرنفل(مسمار) +هيل +ملعقه صغيرة حلبه
معجون طماطم
فنجال قهوة زيت
(طماطم ضعف كمية البصل انا حطيت 2 ونص كبار + كسبره +ملعقة زبادي ) لوحدها فزبديه حطيها
هنا شكل البهارات من قريب . ونسيت اصور الفلفل معاهم
حطيت الزيت والبصل وخليييته لين شقر لونه مزبوط اكثر من الصوره
أضفت الدجاج وقلبته تمام .. وغطيت القدر لمدة بسيطه
أضفت البهارات كلها + الفلفل الحار+ الملح وقلبت القدر وغطيته وهديت النار .... سر مهم تهدين النار عشان ماتنحرق البهارات ويتغير طعمها
هنا اضفت الي فالخلاط وقلبته وغطيت القدر على نار هادئه تقريبا 10 دقايق
وش رايكم ؟
لا تنسون تسمون بالله
ولا تكثرون ليمون .. غير لي الطعم شويه
صورة مقربه ...
والله طعمه روووووعه .. وياليت كان عندي شباتي هندي كان كملت الحفله هههههه
.ادعولي ري يحقق لي ما اتمنى.
أسأل الله ان يكتبه لي علماً صالحاً ينتفع به .
.