اليوم جايبتلكم ايدام هندي
وانتو طبعا عارفين الاكل الهندي له طابع مميز ومذاق فريد من نوعه << اقول لايكثر بس
الموهيم مالكم بالطويله
نبدأ بسم الله
المقاديــــــــــــــــــــــر
صحن دجاج فيليه منزوع العظم والجلد تقطعينه مكعبات صغيره
( انا استخدمت صدور الدجاج فقط )
ملعقتين نشا تذوبيها في ثلاثه ارباع كاسه مويا
بصلتين تقطعيها صغار
ثلاثه فصوص ثوم مفرومه ناعمه
ملعقه مليانه زنجبيل مبشور ( سر معظم النكهات الهنديه اذا ماكان كلها )
حبتين طماطم مقطعه صغار
اثنين فلفل حار يقطع صغار
ملعقه بهارات مشكله ( كل البهارات اللي عندك واللي تحبيها وتفضليها في الاكل بس لاتنسي الاهم وفي المقدمه الكاري الهندي وانا كمان استخدمت بهارات البرياني
ملعقه معجون طماطم ( صلصه )
ثلاثه ملاعق كاتشب
ملعقة مسطحة ملح
ملعقتين صويا صوص
الطريـــــــــــــــــــــــقه
تحطي الدجاج لحاله مع شوية زيت ع النار مع التقليب المستمر لين يستوي وممكن تسلقيه قبل عشان يستوي اسرع
رغم انه انا ما اسلقه لانه اساسا مايطول غير ان نكهته اطعم بدون سلق
وبعدين تصبي عليه النشا اللي ذوبتيه مع المويا
قصرى النار ع الاخير وخليه بس دقيقه او دقيقتين وطفي النار
في اثناء وجود الدجاج ع النار انتي تكوني قاعده تسوي الصوص حقته ( باقي المقادير )
تجيبي البصل وتحطيه مع الزيت لين يصير لونه ذهبي وبعدين تحطي الثوم عليه لين يصير لونه كمان ذهبي
وبعدها تحطي باقي المقادير كلها ( الطماطم _ الزنجبيل _ الفلفل _ البهارات _ معجون الطماطم _ الكاتشب _ الصويا )
وتقلبيها مع بعض لين تذوب الطماطم وتتسبك تماااااااااام
بعدين تضيفيها ع الدجاج وتخلطيها مع بعض
وبعدها تحطيها في الصحن وتزينيها بالكزبره او النعناع او اي شي ولو ماتبي تزينيها عادي
وتقدميها مع الرز او الشباتي الهندي
وبكذا خلصنا الـ ( جَلي جَلي )
شفتووووووو انه سهل ماااااااااارة
وبالهنـــــــــــــــــــا والعافيه ع قلوبكم يارب
منقووول
بس بسالك الزنجبيل البودر يختلف عن الطازج وكيف نكتهو حاد والا لان ماحبو كثير
وتسلم يدك ع الوصفه الجميله