إيدين وقدمين مافي أنعم منهم وفي أقصر وقت...( عن تجربه)

السلام عليكم ورحمة الله وبركاته

رفيجتكم ( اللي هي حضرتي :27: ) تلعوزت من خشونه أيدي وأقدامي...ما خليت كريم ولوشن إلا واستعملتهم...بس كلهم نتايجهم اطول....

وارفيجتكم ( اللي هي منووووووووووه؟؟؟؟؟؟؟)




هاااااااااااه منو يجاوب؟؟؟؟؟؟؟؟؟؟؟؟؟؟؟؟؟؟؟




صح اللي هي أنا :D وأعوذ بالله من كلمة أنا....عيازه وتمل بسرعه


انزين شو الحل....؟؟؟ والله مستحيه من شكل إيديني وريولي ( رجولي)...خصوصاً جدام زوجي...

عاد الرياييل ما يصدقون يلقون فينا شي مب عدل....هاااااااااااات يا معايب وتعليق...

المهم....

يبت غرشة (زجاجه ) فاضيه وحطيت فيها كل من

فنيال ( فنجان) زيت زيتون

فنيال زيت خروع

فنيال جلسرين سائل

وكلهم تلقينهم في الجمعيه

المهم خلطهم زيييييييييين ما زيييييييييين ( يعني خلطهم عدل) ههههههههههههههه...عيالي يموتون عليها هذي........ زين ما زين

وكل يوم ادهن ريولي ( أقدامي ) وألبس كل ريل ( قدم) (تعبنا واحنا نترجم ههههه)

كيس نايلون ( اللي يستخدمونه في البقالات الشدة ( عاد هذي ماعرف كيف اترجمها..هههههههههه)
بدرهم في الجمعيه...و بدرهمين في البقالة (درهم فايده)... طبعاً هذا أصغر مقاس لأن ريولي صغيرة..بس إذا ريولج أكبر يعني بتدفعين أكثر هههههههه)

ومن فوق الكيس ألبس دلاغات ( يعني جوارب) لسهوله المشي والحركة

هذا بالنسبة للأقدام

ملاحظة:::

بالنسبة للأقدام إذا كانت خشنة وايد ...يفضل ( حلوه يفضل هذي ههههههه) إنج تبردينها (تحكينها) بالمبرد الخشب وهي جافة يعني مب تحطين ريولج في الماي قبل....وبعدين تبردينها...لاااااااااااااااا...ما أفضل هذي الطريقة..بتقولووووووووووون ليش؟؟؟؟؟؟؟؟؟

أنا أقولكم ليش...!!!!!!!!!!

لأن يا طويلات العمر...الماي يزيد التشققات...وترجع بسرعة... أما إذا حكيتي الأقدام وهي جافة...بتلاحظين إن الجلد يطلع بكل سهوله مثل البودرة وأسرع....والتشققات تقل....عرفتوا ليش؟؟؟؟ ألحين...

نجي الحين للإيدين

ادهن إيديني ونفس الشي ألبس الغفازات اللي تشبة الأكياس تلقينهم في الجمعية...وألبس من فوقهم غفازات قطن...وممكن تستخدمين الغفازات المطاط اللي يستخدمونهم الطباخين والدكاترة...

وأيلس ( أجلس) اتصفح عالم حواء طبعاً هذا في المسا بعد صلاة العشاء وأنا يالسة أتريا بو الشباب لين يرد من برا...يعني أكمل 3 -4 ساعات

وقبل ما أنام اشيل الجوارب والأكياس والغفازات ..وامسح إيديني وريولي بالكلينكس

والنتيجة

نعوووووووووووووووووومه ما في مثلها...وفي أقل من أسبوع...وتبين من أول مرة

بس نصيحة لا تنامون بأكياس النايلون تضركم


والسموحة على الإطالة :27: