إيش أحسن قماش للعبايات السودة عباية الفراشة ؟

السلام عليكم ورحمة الله وبركاتة

إيش أخباركم يا آنسات وسيدات حواء
عسى الأخبار زينة والصحة من أحسن ما يكون

صراحة ما أعرف كيف أبدأ الموضوع بس ناوين نفصل عباية زينه
يعني قماشها يكون حلو وراقي ينفع للعبايات على الراس
طبعا حق جهاز عروسة بس إحنا ما عندنا خبرة بالأقمشة الكويسه
علشان كده لجأت بعد الله لكم عسى يكون بينكم وحده عندها خبرة في العبايات
إحنا قماش عباياتنا يمكن جاي على كريب لما نجلس على الأرض في المساجد
نقوم والعباية كلها شعر صغير حق المفرشة علشان كده أبغى خبراتكم

وكمان في حاجه تعرفو العبايات الجديده إلي يسموها الفراشة صراحه أنا ودي
أشتري منها بس بعض موديلاتها يكون الكم مرة ضيق وبعضها يكون الكم وسيع
أبغى أعرف لها أسماء لأنها حلوة مريحة ولما تنزلي الطرحه على الكتف يعني ما
تبرز الكتف كثير وإيش أحشم موديل من موديلاتها بارك الله فيكم؟!

معليش طولت عليكم بس إحنا خوات يارب ما تردوني بدون ما أستفيد من خبراتكم
وجزاكم الله خير في الدنيا والآخرة