إيش اسوي؟؟!😢

السلام عليكم بنات ... بدخل ف الموضوع انا عمري ٢٣ سنه متزوجه من سنتين اول سنه ما صار حمل حملت ف السنه الثانيه وجبت احلا بنوته لما صار عمرها شهرين حملت فيها الحمدلله ع نعمه لا اعتراض ما كنت اعرف او حاطه فبالي اني بحمل وكنت ارضعها رضاعه كامله وافكر رضاعه تمنع الحمل بس سبحان الله ،، المهم انا بحملي الاول تعبت وولادتي تعسرت شوي بس الحمدلله عدت ع خير الحين انا ف شهر التاسع وبنتي بعدها ما كملت سنه ما اقولكم حجم التعب الي فيني والله بليل اصرررخ ما اقدر اتقلب واقوم بغصب لبنتي لما تصيح بس الحمدلله هانت ما بقى شي .... المهم جلست جلسه مصارحه مع زوجي اكلمه بكل هدوء وهو كان رايق قلتله خلنا ناجل الحمل اقل شي سنه او سنتين لحد ما يكبروا شوي العيال وافضى لهم ولتربيتهم وحوستهم ومنها ارتاح انا شوي واريح جسمي واستعيد صحتي 😊 ...
تخيلوا يا بنات شو رد علي قالي اجلي حتى خمس سنوات اذا تبين فهالوقت انا راح اتزوج 😳 قلت يمكن يمزح وجلست اضحك ع نياتي إلا اشوفه مدرعم ومعصب ويحلف انه بيتزوج اذا اجلت الحمل وقالي يكون بعلمك اذا وافقت انك تاجلين اعرفي انه ورا هالموافقه شي ؟؟؟؟ يقصد انه بيتزوج انا م الصدمه ما عرفت شقول غدا وجهي ازرق هذا قاعد يهدد ؟ ول ويش ؟؟ وانا مصره يا بنات اني ااجل الحمل صراحه ما اقدر تعب ومحد يساعدني فيهم غير اني مسجله ع دوامات ومتامله اتوظف شوروا علي شسوي ؟؟؟ فكرت ادخل احد من اهلي ف الموضوع بس ترددت مابي مشاكل وهو مصر كانه يخيرني ؟؟؟ وحلفت انه لو سواها والله لطلق وآخذ عيالي وقلبت عليه م القهر لانه رد قالها لي مره ثانيه وما تحملت 😢😢😢يارب صبرك